ജുബൈൽ കെ.എം.സി.സി നേതാവ് ഹമീദ് പയ്യോളിയുടെ ഭാര്യ നാട്ടിൽ നിര്യാതയായി

ജുബൈൽ: ജുബൈൽ കെ.എം.സി.സി സെൻട്രൽ കമ്മറ്റി വൈസ് ചെയർമാനും വ്യവസായ സംരംഭകനുമായ വയനാട് ചാമകുന്നുപറമ്പിൽ ഹമീദ് പയ്യോളിയുടെ ഭാര്യ നസീമ (42) നാട്ടിൽ നിര്യാതയായി. ഒരു മാസം മുമ്പാണ് ഹമീദും കുടുംബവും അവധിക്ക് നാട്ടിലേക്ക് പോയത്. അടുത്ത ആഴ്ച തിരിച്ചു സൗദിയിലേക്ക് വരാനുള്ള ഒരുക്കത്തിലായിരുന്നു.

ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിലെത്തിച്ചെങ്കിലും മരിച്ചു. 11 വർഷമായി ഹമീദും കുടുംബവും ജുബൈലിൽ ആണ് താമസം. വയനാട് വേങ്ങപ്പള്ളി ചാമകുന്ന്‌പറമ്പിൽ പരേതനായ ഇബ്രാഹിമിന്റെയും നബീസയുടെയും മകളാണ് നസീമ. മകൻ ഇബ്രാഹിം. സഹോദരങ്ങൾ: സഫിയ, സബീന, അഷറഫ്, ഷൈജ.

ഖബറടക്കം തിങ്കളാഴ്ച രാവിലെ വെങ്ങാപ്പള്ളി ജുമാമസ്ജിദ് ഖബർസ്ഥാനിൽ നടക്കും.