പാറക്കൊരു പേരിടൂ; സമ്മാനം ഒരു ലക്ഷം

ജിദ്ദ: നിങ്ങളുടെ കൈയിലെ മൊബൈ​േലാ കാമറയോ കൊണ്ട്​ ഒന്ന്​ അൽഉല കറങ്ങി വരൂ. ഭാഗ്യമുണ്ടെങ്കിൽ ഡിസംബർ 14 ന്​ ഒരുലക്ഷം റിയാൽ നിങ്ങളുടെ കൈയിലിരിക്കും. ആകെ ചെ​േയ്യണ്ടത്​ ഇത്ര മാത്രം. മരുഭൂമിക്ക്​ നടുവിലെ ആയിരക്കണക്കിന്​ പാറക്കൂട്ടങ്ങൾ നിറഞ്ഞ അൽഉലയെ ചുറ്റിക്കാണുക. അവിടെ നിങ്ങൾ കാണുന്ന പാറക്കെട്ടുകളിൽ കൗതുകമോ താൽപര്യമോ തോന്നുന്നവയുടെ ചിത്രമെടുക്കുക. ആ പാറക്കെട്ടിന്​ ഒരു ഉചിതമായ പേര്​ നൽകുക. ചിത്രവും പേരും ​േപരിടാനുള്ള കാരണവും സഹിതം അൽഉല റോയൽ കമീഷൻ ആരംഭിച്ച പ്രത്യേക സൈറ്റിൽ രജിസ്​റ്റർ ചെയ്​ത്​ സമർപ്പിക്കുക. കഴിഞ്ഞു. പിന്നെ കാത്തിരിക്കുക, ഡിസംബർ 14 ലെ ഫല പ്രഖ്യാപനത്തിന്​. അടുത്തിടെ രൂപീകൃതമായ അൽ ഉല റോയൽ കമീഷ​​​െൻറ നൂതനമായ പദ്ധതികളിലൊന്നാണ്​ ‘നെയിം എ റോക്ക്​’ മത്സരം. അൽഉലയുടെയും മദായിൻ സ്വാലിഹി​​​െൻറയും ടൂറിസം പ്രധാന്യം വർധിപ്പിക്കുന്നതിനുള്ള തീവ്രശ്രമത്തിലാണ്​ റോയൽ കമീഷൻ. ഇതി​​​െൻറ ഭാഗമായാണ്​ ഫ്രാൻസുമായി സഹകരിച്ച്​ ലോകത്തെ ഏറ്റവും വലിയ ‘തുറന്ന കാഴ്​ചബംഗ്ലാവാ’ക്കി മദായിൻ സ്വാലിഹിനെ മാറ്റാനുള്ള നീക്കം ആരംഭിച്ചത്​. പിന്നാലെയാണ്​ കൗതുകകരമായ ആകൃതികളിലുള്ള ആയിക്കണക്കിന്​ പാറക്കൂട്ടങ്ങൾ സ്​ഥിതി ചെയ്യുന്ന അൽഉലയെ ലോകശ്രദ്ധയിൽ കൊണ്ടുവരാനുള്ള നടപടികളും.

നിലവിൽ ആനപ്പാറ (എലിഫ​​െൻറ്​ റോക്ക്​) എന്ന പേരിൽ പ്രശസ്​തമായ ഒരു പാറ അൽഉലയിലുണ്ട്​. ഒരു ആന തുമ്പിക്കൈ താഴ്​ത്തി നിൽക്കുന്നതുപേ​ാലെയുള്ള ഇൗ പാറയുടെ മുന്നിൽ നിന്ന്​ ചിത്രമെട​ുക്കാനായി നിരവധി ആൾക്കാരാണ്​ ഇൗ വഴി വരുന്നത്​. സമാനമായ നിലയിൽ പാറകളെയും പ്രകൃതിഭംഗിയെയും ടൂറിസം സാധ്യതകൾക്ക്​ ഉപയോഗിക്കുക എന്ന ലക്ഷ്യത്തോടെയാണ്​ റോയൽ കമീഷ​​​െൻറ പുതിയ സംരംഭം. ഇതിനായി അടുത്തിടെ പ്രത്യേക വെബ്​സൈറ്റ്​ തന്നെ ആരംഭിച്ചുകഴിഞ്ഞു. ലോകത്തെ വിവിധ കോണുകളിലുള്ള പ്രശസ്​തമായ പ്രകൃത്യദ്​ഭുതങ്ങളെ പരിചയപ്പെടുത്തുന്ന വീഡിയോയും ഇൗ സൈറ്റിൽ പോസ്​റ്റ്​ ചെയ്​തിട്ടുണ്ട്​.

ശ്രീലങ്കയിലെ ‘ലയൺ ​േറാക്കി’ൽ നിന്നാണ്​ വീഡിയോ തുടങ്ങുന്നത്​. അമേരിക്കയിലെ ലേക്​ പവൽ, തുർക്കിയിലെ ലവ്​ വാലി, ബൊളീവിയയിലെ അർബൽ ഡി പിയദ്ര, ഇറ്റലിയിലെ ‘ത്രീ പീക്ക്​സ്​ ​ഒാഫ്​ ലാവറെഡോ’, ഇൗജിപ്​തിലെ വൈറ്റ്​ ഡെസർട്ട്​ തുടങ്ങിയവയൊക്കെ പരാമർശിച്ച്​ അൽഉലയിലെ തന്നെ ‘ആനപ്പാറ’യിൽ എത്തിനിൽക്കുന്നതാണിത്​. മത്സരത്തിനായി എൻട്രികൾ അയക്കേണ്ട സമയം തുടങ്ങി കഴിഞ്ഞു. ഏതുതരത്തിലുള്ള ചിത്രവും അയക്കാം. പാറയും പരിസരവും വ്യക്​തമാകണം എന്നുമാ​ത്രം. ഒരാൾക്ക്​ ഒന്നിലേറെ ചിത്രങ്ങൾ അയക്കാം. വീഡിയോ അനുവദിക്കില്ല. ചിത്രത്തിനൊപ്പം നിർദേശിക്കുന്ന ​േപരും അതിനുള്ള കാരണവും വ്യക്​തമായി രേഖപ്പെടുത്തണം. ഇംഗ്ലീഷിലോ അറബി​യിലോ എഴുതാവുന്നതാണ്​. നവംബർ 10 വരെ എൻട്രികൾ അയക്കാം. നവംബർ 18 മുതൽ 24 വരെ നോമിനേഷൻ കാലമാണ്​. തെരഞ്ഞെടുക്കപ്പെടുന്ന 10 എൻട്രികൾ 25 മുതൽ ഡിസംബർ ഒന്നുവരെ ​ഒാൺലൈൻ വോട്ടിങിന്​ വെക്കും​. വിജയിയെ തെരഞ്ഞെടുക്കുന്നതിൽ 50 ശതമാനം മാർക്കാണ്​ ഒാൺലൈൻ വോട്ടിങ്ങിനുള്ളത്​. ബാക്കി ജഡ്​ജിങ്​ കമ്മിറ്റിയുടെ മൂല്യനിർണയം വഴിയും​. ഡിസംബർ 14 ന്​ വിജയിയെ പ്രഖ്യാപിക്കും. ഒരുലക്ഷം റിയാലാണ്​ ഒന്നാം സ്​ഥാനക്കാരന്​. രണ്ടാം സ്​ഥാനത്തിന്​ 75,000 റിയാൽ. മൂന്നാമതെത്തുന്നയാൾക്ക്​ 50,000 ഉം. http://alularocks.rcu.gov.sa/ ഇതാണ്​ വെബ്​സൈറ്റ്​ വിലാസം.