സ​മാ​ധാ​ന​ത്തി​ന് വേ​ണ്ടി പ്ര​വ​ർ​ത്തി​ക്ക​ൽ മു​സ്‌​ലിം​ക​ളു​ടെ ബാ​ധ്യ​ത -ഫി​റോ​സ് കൊ​യി​ലാ​ണ്ടി

ജി​ദ്ദ: സ​മാ​ധാ​ന​ത്തി​ന് വേ​ണ്ടി പ്ര​വ​ർ​ത്തി​ക്ക​ൽ ഓ​രോ പ്ര​ദേ​ശ​ത്തു​മു​ള്ള മു​സ്‌​ലി​ങ്ങ​ളു​ടെ​യും ബാ​ധ്യ​ത​യാ​ണെ​ന്ന് ഇ​സ്‌​ലാ​ഹി പ്ര​ഭാ​ഷ​ക​ൻ ഫി​റോ​സ് കൊ​യി​ലാ​ണ്ടി അ​ഭി​പ്രാ​യ​പ്പെ​ട്ടു. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​​ന്റെ പ​ശ്ചാ​ത്ത​ല​ത്തി​ൽ ‘ഭീ​ക​രാ​ക്ര​മ​ണം: ഇ​സ്‌​ലാ​മി​ന് പ​റ​യാ​നു​ള്ള​ത്’ എ​ന്ന വി​ഷ​യ​ത്തി​ൽ ജി​ദ്ദ ഇ​ന്ത്യ​ൻ ഇ​സ്‌​ലാ​ഹി സെ​ന്റ​റി​ൽ പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

ഒ​രു സ​മൂ​ഹ​ത്തോ​ട് എ​തി​ർ​പ്പു​ണ്ടെ​ങ്കി​ലും അ​വ​രോ​ട് അ​നീ​തി കാ​ണി​ക്കാ​ൻ പാ​ടി​ല്ലെ​ന്നും ഒ​രു മ​നു​ഷ്യ​നെ കൊ​ന്നാ​ൽ ഭൂ​മി​യി​ലെ മു​ഴു​വ​ൻ മ​നു​ഷ്യ​രെ​യും കൊ​ന്ന​തി​ന് തു​ല്യ​മാ​ണെ​ന്നും ഒ​രാ​ളു​ടെ ജീ​വ​ൻ ര​ക്ഷി​ച്ചാ​ൽ മു​ഴു​വ​ൻ മ​നു​ഷ്യ​രു​ടെ​യും ജീ​വ​ൻ ര​ക്ഷി​ച്ച​തി​ന് തു​ല്യ​മാ​ണെ​ന്നും പ​ഠി​പ്പി​ക്കു​ന്ന ഖു​ർ​ആ​​​ന്റെ സ​ന്ദേ​ശ​ത്തി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ടാ​ണ് നാം ​മു​ന്നേ​റേ​ണ്ട​ത്. താ​ത്വി​ക​മാ​യി എ​ല്ലാ മ​ത​ങ്ങ​ളും അ​ക്ര​മ​ത്തി​ന് എ​തി​രാ​ണ്.

എ​ന്നാ​ൽ പേ​രി​ൽ ത​ന്നെ ‘സ​മാ​ധാ​നം’ എ​ന്ന ആ​ശ​യം ഉ​ൾ​ക്കൊ​ള്ളു​ന്ന മ​ത​മാ​ണ് ഇ​സ്​​ലാം. ഈ ​ഭീ​ക​രാ​ക്ര​മ​ണ​ത്തി​​ന്റെ ഇ​ട​യി​ലും മ​ത​ത്തി​​ന്റെ യ​ഥാ​ർ​ഥ സ​ത്ത ഉ​ൾ​ക്കൊ​ണ്ട പ​ല ക​ശ്മീ​രി യു​വാ​ക്ക​ളു​ടെ പ്ര​വൃ​ത്തി​ക​ൾ മാ​ധ്യ​മ​ങ്ങ​ൾ വ​ഴി​യും അ​നു​ഭ​വ​സ്ഥ​ർ വ​ഴി​യും ന​മു​ക്ക് അ​റി​യാ​ൻ ക​ഴി​ഞ്ഞു. ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന സു​ര​ക്ഷ ഉ​പ​യോ​ഗി​ച്ച് നാം ​പോ​രാ​ടു​ക​യാ​ണ് വേ​ണ്ട​തെ​ന്നും ശ​ത്രു​ക്ക​ളു​ടെ കെ​ണി​യി​ൽ വീ​ണു​പോ​കു​ന്ന രീ​തി​യി​ൽ വൈ​കാ​രി​ക​മാ​യി പ്ര​തി​ക​രി​ക്ക​രു​തെ​ന്നും അ​ദ്ദേ​ഹം ഓ​ർ​മി​പ്പി​ച്ചു.

അ​മീ​ൻ പ​ര​പ്പ​ന​ങ്ങാ​ടി ച​ട​ങ്ങി​ൽ അ​ധ്യ​ക്ഷ​ത വ​ഹി​ച്ചു. നൂ​രി​ഷാ വ​ള്ളി​ക്കു​ന്ന് സ്വാ​ഗ​ത​വും ഷാ​ഫി ആ​ല​പ്പു​ഴ ന​ന്ദി​യും പ​റ​ഞ്ഞു.