Top
Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightഅഫ്​ഗാനിസ്ഥാനിൽ...

അഫ്​ഗാനിസ്ഥാനിൽ സമാധാനം ലക്ഷ്യമിട്ട്​ മുസ്​ലിം​ വേൾഡ്​ ലീഗ്​ സമ്മേളനത്തിന്​ മക്കയിൽ തുടക്കം

text_fields
bookmark_border
muslim world league
cancel
camera_alt

‘അഫ്​ഗാനിസ്ഥാനിൽ സമാധാന പ്രഖ്യാപനം’ എന്ന ശീർഷകത്തിൽ മുസ്​ലിം വേൾഡ്​ ലീഗ്​ വിളിച്ചുകൂട്ടിയ സമ്മേളനം മക്കയിൽ ആരംഭിച്ചപ്പോൾ

ജിദ്ദ: അഫ്​ഗാനിസ്ഥാനിൽ സമാധാനം ലക്ഷ്യമിട്ട്​ മുസ്​ലിം വേൾഡ്​ ലീഗ്​ (റാബിത്വ) വിളിച്ചുകൂട്ടിയ സമ്മേളനം മക്കയിൽ ആരംഭിച്ചു. അഫ്​ഗാനിസ്ഥാനിലെ പാർട്ടികൾ തമ്മിൽ അനുരഞ്​ജനം കൈവരിക്കുക, പോരാട്ടം അവസാനിപ്പിച്ച്​ സമാധാനം ശക്തിപ്പെടുത്തുക എന്നിവ ലക്ഷ്യമിട്ട്​ സൗദി അറേബ്യയുടെ ആഭിമുഖ്യത്തിലുമാണ് മക്ക ഹറമി​ന്​ സമീപമുള്ള​ ഹിൽട്ടൽ​ ഹോട്ടലിൽ 'അഫ്​ഗാനിസ്ഥാനിൽ സമാധാന പ്രഖ്യാപനം' എന്ന തലക്കെട്ടിൽ സമ്മേളനം​ സംഘടിപ്പിച്ചത്​.

വ്യാഴാഴ്​ച രാവിലെ ആരംഭിച്ച ​സമ്മേളനത്തിൽ അഫ്​ഗാനിസ്ഥാനി​ലെയും പാക്കിസ്​താനിലെയും മുതിർന്ന ഉദ്യോഗസ്ഥരും പണ്ഡിതന്മാരും പ​െങ്കടുത്തു​​. മുസ്​ലിം സമൂഹത്തിലെ സംഘടനകൾക്കുള്ളിലെ എല്ലാ തർക്കങ്ങളും അഭിപ്രായവിത്യാസങ്ങളും പരിഹരിക്കുന്നതിന്​ മുസ്​ലിം വേൾഡ്​ ലീഗി​െൻറ മേൽനോട്ടത്തിൽ നടത്തിവരുന്ന ശ്രമങ്ങൾ​ വ്യക്തമാക്കുന്നതാണ്​ അഫ്​ഗാനിസ്ഥാനിനെയും പാകിസ്​താനിലെയും പ്രമുഖ പണ്ഡിതന്മാരെ ഒരു മേശക്കുചുറ്റും ഇരുത്തി മക്കയിൽ ആരംഭിച്ച അഫ്​ഗാൻ സമാധാന പ്രഖ്യാപന സമ്മേളനം.

ഉദ്​ഘാടന സമ്മേളനത്തിൽ മുസ്​ലിം വേൾഡ് ലീഗ് സെക്രട്ടറി ജനറൽ ഡോ. മുഹമ്മദ് ബിൻ അബ്​ദുൽ കരീം അൽഇൗസ, പാകിസ്​താൻ മതകാര്യ മന്ത്രി ഡോ. നൂറുൽ ഹഖ്​ ഖാദിരി, അഫ്ഗാനിസ്ഥാൻ ഹജ്ജ്, വഖഫ്​, ഗൈഡൻസ് മന്ത്രി ശൈഖ് മുഹമ്മദ് കാസിം ഹലീമി, ഇരു രാജ്യങ്ങളിലെയും മുതിർന്ന പണ്ഡിതർ എന്നിവർ പ​െങ്കടുത്തു. കൂടാതെ സൗദിയിലെ പാകിസ്​താൻ അംബാസഡർ ലെഫ്​റ്റനൻറ്​ ജനറൽ ബിലാൽ അക്​ബർ, സൗദിയിലെ അഫ്​ഗാൻ അംബാസഡർ അഹ്​മദ്​ ജാവിദ്​ മുജദ്ദിദി, ഇസ്​ലാമിക രാജ്യങ്ങളുടെ കൂട്ടായ്​മയായ ഒ.​െഎ.സിയിലെ പാകിസ്​താൻ, അഫ്​ഗാൻ സ്ഥിരപ്രതിനിധികളായ അംബാസഡർ റിദ്​വാൻ സഇൗദ്​ ശൈഖ്​, ഡോ. ഷഫീഖ്​ സ്വമീം എന്നിവരും സന്നിഹിതരായിരുന്നു​.

അഞ്ച്​ സെഷനുകളായാണ്​ സമ്മേളനം ക്രമീകരിച്ചിരിക്കുന്നത്​. ഇസ്​ലാമിലെ സമാധാനം, സഹിഷ്​ണുത, മിതത്വം, അനുരഞ്​ജനം, മനുഷ്യ​െൻറ അന്തസും ജീവിതവും നിലനിർത്തുന്നതിന്​ ഇസ്​ലാമി​െൻറ സമീപനം, പ്രാദേശിക സമാധാനത്തി​െൻറയും സുരക്ഷയുടെയും പ്രധാന്യം, സംഘർഷങ്ങൾ പരിഹരിക്കുന്നതിനും സമാധാന ശ്രമങ്ങളെ പിന്തുണക്കുന്നതിനും പണ്ഡിതന്മാരുടെ പങ്ക്​ എന്നീ വിഷയങ്ങളിൽ പ്രമുഖ പണ്ഡിതന്മാർ സംസാരിക്കും. സമ്മേളനത്തി​െൻറ അവസാനത്തിൽ അന്തിമ പ്രസ്​താവനയും അഫ്​ഗാനിസ്ഥാനിലെ സമാധാന പ്രഖ്യാപനവും ഉണ്ടാകും.

Show Full Article
TAGS:muslim world league 
News Summary - Muslim World League conference begins in Makkah
Next Story