ജഡ്​ജിയുടെ കൊലപാതകം:  മ​ൃതദേഹം തിരിച്ചറിഞ്ഞു

ദമ്മാം: കിഴക്കൻ സൗദിയിലെ ഖത്തീഫിൽ ഒരു വർഷം മുമ്പ്​ തീവ്രവാദികൾ തട്ടിക്കൊണ്ടുപോയി കൊലപ്പെടുത്തിയ ഒൗഖാഫ്​ അനന്തരാവകാശ കോടതി ജഡ്​ജി ശൈഖ്​ മുഹമ്മദ്​ അൽജിറാനിയുടെ മൃത​േദഹം തിരിച്ചറിഞ്ഞതായി ആഭ്യന്തര മന്ത്രാലയം വ്യക്​തമാക്കി. ഖത്തീഫിലെ, അവാമിയ്യയിലെ കൃഷിയിടത്തിൽ കണ്ടെത്തിയ മൃതദേഹം​ ഡി.എൻ.എ പരിശോധനയിലൂടെയാണ്​ സ്​​ഥിരീകരിച്ചത്​. ജഡ്​ജിയെ തട്ടിക്കൊണ്ടുപോയി കൊലപ്പെടുത്തിയ കേസിൽ അകപ്പെട്ട ഭീകരരെയും ആഭ്യന്തര മന്ത്രാലത്തി​​െൻറ അ​േന്വഷണത്തിൽ തിരിച്ചറിഞ്ഞിട്ടുണ്ട്​.

2016 ഡിസംബർ 13 നാണ്​ ദമ്മാമിലെ താറൂത്തിലെ സ്വവസതിയിൽ നിന്ന് പുറത്തുപോവാനുള്ള ഒരുക്കത്തിനിടെ തോക്കുധാരികൾ കാറിൽ തട്ടിക്കൊണ്ടുപോയത്​. ദിവസങ്ങൾക്ക്​ മുമ്പ്​ നടന്ന സൈനിക നടപടിക്കൊടുവിൽ ഏറ്റുമുട്ടലുണ്ടായ സ്​ഥലത്ത്​ നടത്തിയ തിരച്ചിലിലാണ്​ കുഴിച്ചിട്ട നിലയിൽ​ ജീറാനിയുടെ മ​ൃതദേഹം കണ്ടെത്തിയത്​. ശൈഖ്​ മുഹമ്മദ്​ അൽജിറാനിയുടെ മൃതദേഹം കണ്ടെത്തുന്നതിന്​ 20 ലക്ഷത്തി​േലറെ ചതുരശ്ര മീറ്റർ വിസ്​തീർണമുള്ള സ്​ഥലം സുരക്ഷാ ഭടൻമാർ പരിശോധിച്ചു. ജീർണിച്ച നിലയിൽ കണ്ടെത്തിയ മൃതദേഹം ഡി.എൻ.എ പരിശോധനയിലൂടെയാണ്​ തിരിച്ചറിഞ്ഞത്​. നെഞ്ചിൽ വെടിയേറ്റതായും പരിശോധനയിൽ കണ്ടെത്തി. കൈകാലുകൾ ബന്ധിച്ച്​ കുഴിയിൽ ഇറക്കി കൊലപ്പെടുത്തി മറവുചെയ്യുകയായിരുന്നു.

മാസങ്ങൾക്കകം ഇൗ കേസിൽ ബന്ധമുള്ള മൂന്ന്​ പേ​െ​ര സുരക്ഷാ സേന പിടികൂടിയിരുന്നു. മുഹമ്മദ്​ ഹുസൈൻ അലിഅമ്മാർ, മൈഥം അലി മുഹമ്മദ്​ അൽഖു​ൈദഹി, അലി ബിലാൽ സൗദ്​ അൽഹമദ്​ എന്നിവരാണ്​ തട്ടിക്കൊണ്ടു​പോകലിൽ അന്ന്​ അറസ്​റ്റിലായത്​. സർക്കാർ വിരുദ്ധ കലാപവും വിധ്വംസക പ്രവർത്തനങ്ങളും നടത്തിയ കേസിൽ ഇവരുൾപ്പെടെ ഒമ്പത്​ പേരുടെ ഭീകര പട്ടിക അധികൃതർ പുറത്ത്​ വിട്ടിരുന്നു. ഖത്തീഫ്​ കേന്ദ്രീകരിച്ച്​ നടക്കുന്ന ഭീകര പ്രവർത്തനങ്ങളെ തുറന്നെതിർത്ത കാരണത്താലാണ്​ ഇദ്ദേഹത്തെ കൊല​പ്പെടുത്തിയത്​.

നേരത്തെ ഇദ്ദേഹത്തി​​െൻറ വീടും കാറും അഗ്​നിക്കിരയാക്കിയിരുന്നു. ചൊവ്വാഴ്​ച സുരക്ഷാ സൈനികർ നടത്തിയ റെയ്​ഡിൽ ആഭ്യന്തര മന്ത്രാലയം പുറത്ത്​ വിട്ട ഭീകര പട്ടികയിലുൾപെട്ട സൽമാൻ അലി സൽമാൻ അൽഫറജ്​ കൊല്ലപ്പെട്ടിരുന്നു. ​ൈസനിക നീക്കത്തിനിടെ സ്​പെഷ്യൽ എമർജൻസി ഫോഴ്​സ്​ ഭടൻ ഖാലിദ്​ അൽസ്വാംതി വീരമ​ൃത്യു വരിക്കുകയും ചെയ്​തിരുന്നു. രാജ്യവിരുദ്ധ വിധ്വംസക പ്രവർത്തനങ്ങനങ്ങളിലേർപ്പെടുന്നവരെ കുറിച്ച്​ 990 ടോൾ ഫ്രീ നമ്പറിൽ വിവരമറിയിക്കണമെന്ന്​ അധികൃതർ അറിയിച്ചു.