സേവനത്തിന്​ റോ​ബോട്ടിനെ രംഗത്തിറക്കി സൗദിയിലൊരു മുനിസിപ്പാലിറ്റി

റി​യാ​ദ്​: സൗ​ദി അ​റേ​ബ്യ​യി​ൽ ഇ​താ​ദ്യ​മാ​യി സേ​വ​നം ന​ൽ​കാ​ൻ റോ​ബോ​ട്ടി​നെ രം​ഗ​ത്തി​റ​ക്കി ഒ​രു മി​നി​സി​പ്പാ​ലി​റ്റി. ഗു​ണ​ഭോ​ക്താ​ക്ക​ൾ​ക്കു​ള്ള സേ​വ​ന​ത്തി​ന്​ തെ​ക്ക​ൻ മേ​ഖ​ല​യി​ലെ അ​സീ​ർ പ്ര​വി​ശ്യ​യി​ലു​ള്ള ബി​ഷ മു​നി​സി​പ്പാ​ലി​റ്റി​യി​ലാ​ണ്​ ഈ ​അ​പൂ​ർ​വ സം​വി​ധാ​നം ഒ​രു​ക്കി​യ​ത്.

രാ​ജ്യ​ത്ത്​ മു​നി​സി​പ്പാ​ലി​റ്റി​ക​ളി​ൽ സേ​വ​ന​ത്തി​ന്​ ഒ​രു​ക്കു​ന്ന ആ​ദ്യ​ത്തെ സ്​​മാ​ർ​ട്ട്​ റോ​ബോ​ട്ടാ​ണി​ത്. ഗു​ണ​ഭോ​ക്താ​ക്ക​ൾ​ക്ക്​ ആ​വ​ശ്യ​മാ​യ സേ​വ​നം ന​ൽ​കു​ക​യും അ​വ​രു​ടെ അ​പേ​ക്ഷ​ക​ൾ സ്വീ​ക​രി​ക്കു​ക​യും അ​തി​ൽ തു​ട​ർ ന​ട​പ​ടി സ്വീ​ക​രി​ക്കു​ക​യും അ​പേ​ക്ഷ​ക​രെ പി​ന്തു​ട​രു​ക​യും അ​ന്വേ​ഷ​ണ​ങ്ങ​ളോ​ട് പ്ര​തി​ക​രി​ക്കു​ക​യും ചെ​യ്യാ​ൻ ഈ ​റോ​ബോ​ട്ട്​ സം​വി​ധാ​ന​ത്തി​ന്​ ക​ഴി​യും. ഉ​പ​ഭോ​ക്താ​വി​നെ സ്വാ​ഗ​തം ചെ​യ്യു​ക, ഉ​പ​ഭോ​ക്തൃ ഡാ​റ്റ സു​ക്ഷി​ക്കാ​നും മു​നി​സി​പ്പ​ൽ ഇ​ട​പാ​ട് സം​വി​ധാ​ന​വു​മാ​യി അ​വ​യെ ബ​ന്ധി​പ്പി​ക്കാ​നും യോ​ഗ​ങ്ങ​ളി​ൽ വി​വ​ര​ങ്ങ​ൾ പ്ര​ദ​ർ​ശി​പ്പി​ക്കാ​നും ഉ​പ​ഭോ​ക്താ​ക്ക​ളെ നേ​രി​ട്ട് അ​റി​യി​ക്കാ​നും ഇ​തി​ന്​ ക​ഴി​വു​ണ്ട്.

റോ​ബോ​ട്ട്​ സാ​ങ്കേ​തി​ക​വി​ദ്യ സേ​വ​ന​ത്തി​ന്​ ഉ​പ​യോ​ഗി​ക്കു​ന്ന​ രാ​ജ്യ​ത്തി​​ന്റെ മു​നി​സി​പ്പാ​ലി​റ്റി​ക​ളി​ൽ ആ​ദ്യ​ത്തേ​താ​ണ്​ ബി​ഷ​യി​ലേ​തെ​ന്ന്​ മേ​യ​ർ എ​ൻ​ജി. അ​ലി അ​ൽ​ജ​ൽ​ബാ​ൻ പ​റ​ഞ്ഞു. മു​നി​സി​പ്പ​ൽ പ്ര​വ​ർ​ത്ത​ന​ങ്ങ​ളും വി​ക​സ​ന പ​ദ്ധ​തി​ക​ളും മെ​ച്ച​പ്പെ​ടു​ത്തു​ന്ന​തി​ലും ഗു​ണ​ഭോ​ക്താ​ക്ക​ൾ​ക്ക് സേ​വ​നം ന​ൽ​കു​ന്ന​തി​ലും ആ​ധു​നി​ക സാ​ങ്കേ​തി​ക​വി​ദ്യ​യി​ലും മി​ക​ച്ച മാ​ർ​ഗ​ങ്ങ​ളി​ലും നി​ക്ഷേ​പം ന​ട​ത്തി ജീ​വി​തനി​ല​വാ​രം മെ​ച്ച​പ്പെ​ടു​ത്തു​ന്ന​തി​ലു​ള്ള മു​ൻ​ഗ​ണ​ന​ക​ളി​ൽ ഇ​ത്​ ഉ​ൾ​പ്പെ​ടു​ന്നു.

ഗു​ണ​ഭോ​ക്താ​ക്ക​ളു​ടെ ആ​വ​ശ്യ​ങ്ങ​ൾ നി​റ​വേ​റ്റു​ക​യും മു​നി​സി​പ്പ​ൽ സേ​വ​ന​ങ്ങ​ൾ ന​ൽ​കു​ക​യും ചെ​യ്യു​ന്നു. മു​നി​സി​പ്പാ​ലി​റ്റി പി​ന്തു​ട​രു​ന്ന മെ​ച്ച​പ്പെ​ടു​ത്ത​ലി​​ന്റെ​യും വി​ക​സ​ന പ്ര​ക്രി​യ​യു​ടെ​യും തു​ട​ർ​ച്ച​യാ​യാ​ണ് ഈ ​ന​ട​പ​ടി​യെ​ന്നും മേ​യ​ർ പ​റ​ഞ്ഞു. ഉ​പ​യോ​ക്താ​ക്ക​ൾ​ക്ക് നി​ര​വ​ധി സേ​വ​ന​ങ്ങ​ളും മു​നി​സി​പ്പ​ൽ ജോ​ലി​ക​ളും ന​ൽ​കാ​ൻ റോ​ബോ​ട്ടി​ന് ക​ഴി​യു​മെ​ന്ന് അ​ൽ ജ​ൽ​ബാ​ൻ കൂ​ട്ടി​ച്ചേ​ർ​ത്തു.