മഞ്ചീസ്’ രുചിക്കൂട്ട് ഹാഇലിലും; പുതിയ ശാഖ ഉദ്ഘാടനം ചെയ്തു

ഹാഇല്‍: മനംനിറയും രുചിക്കൂട്ടൊരുക്കി ‘മഞ്ചീസ്’ ഫാസ്​റ്റ്​ ഫുഡ് ഹാഇല്‍ സിറ്റി സെൻററില്‍ പ്രവര്‍ത്തനം ആരംഭിച്ചു. സിറ്റി ഫ്ലവര്‍ ഹൈപ്പര്‍മാര്‍ക്കറ്റിന് സമീപമാണ് പുതിയ ശാഖ ഉദ്ഘാടനം ചെയ്തത്. സിറ്റി ഫ്ലവര്‍ എക്‌സിക്യൂട്ടീവ് ഡയറക്ടര്‍ മുഹ്‌സിന്‍ അഹമ്മദ് ഉദ്ഘാടനം നിർവഹിച്ചു. സീനിയര്‍ ഡയറക്ടര്‍ ഇ.കെ. റഹീം, മാര്‍ക്കറ്റിങ്​ മാനേജര്‍ നിബിന്‍ ലാല്‍, മഞ്ചീസ് മാനേജര്‍മാരായ മുഹമ്മദ് അലി, സിജോ, സിറ്റി ഫ്ലവര്‍ ഹാഇല്‍ ​ബ്രാഞ്ച് മാനേജര്‍ മനോജ് തിരൂര്‍ എന്നിവർ ഉദ്ഘാടന ചടങ്ങിൽ പ​ങ്കെടുത്തു.

ബഹ്​റൈനിലും സൗദിയിലും പ്രവര്‍ത്തിക്കുന്ന ‘മഞ്ചീസ്’ വിവിധയിനം ചിക്കന്‍, മത്സ്യ വിഭവങ്ങള്‍ക്ക് പേരുകേട്ട ഫാസ്​റ്റ്​ ഫുഡ് ശൃംഖലയാണ്. ഒമ്പതാമത് ശാഖയാണ് ഹാഇലില്‍ പ്രവര്‍ത്തനം ആരംഭിച്ചത്. ഉദ്ഘാടനത്തോടനുബന്ധിച്ച് ചിക്കന്‍ ബ്രോസ്​റ്റഡ് ഉള്‍പ്പെടെയുളള വിഭവങ്ങള്‍ക്ക് പ്രത്യേക ഓഫര്‍ പ്രഖ്യാപിച്ചു.

വിവിധതരം ഫ്രഷ് ജ്യൂസ്, ഡെസേര്‍ട്ട് ഇനങ്ങള്‍, കിഡ്‌സ് സ്‌പെഷ്യല്‍ വിഭവങ്ങള്‍, ക്ലബ് സാന്‍ഡ്‌വിച്ച്​, പൊട്ടറ്റൊസ് തുടങ്ങിയ വിഭവങ്ങളാണ്​ ‘മഞ്ചീസ്’ ഒരുക്കിയിട്ടുളളത്. അല്‍ഫഹം, റൈസ് എന്നിവ ഉള്‍പ്പെടെ കൂടുതല്‍ വിഭവങ്ങള്‍ ഉടന്‍ ലഭ്യമാക്കും. കുടുംബസമേതം വിഭവങ്ങള്‍ ആസ്വദിക്കാനുളള ഡൈനിങ്​ സജ്ജീകരണങ്ങള്‍ ഒരുക്കിയിട്ടുണ്ടെന്നും മാനേജ്‌മെൻറ്​ അറിയിച്ചു.