അൽഖർജ്​ കാറപകടം; പരിക്കേറ്റ്​ ​ചികിത്സയിലിരുന്ന മുജീബ്​ മരിച്ചു

റിയാദ്​: മാർച്ച്​ 11-ന്​ റിയാദിന്​ സമീപം അൽഖർജിൽ കാർ മറിഞ്ഞ്​ പരിക്കേറ്റ്​ ചികിത്സയിലിരുന്ന മലയാളി മരിച്ചു. മലപ്പുറം കരുവാരക്കുണ്ട് സ്വദേശി തുമ്പക്കുഴിയന്‍ മുജീബ്‌ റഹ്മാന്‍ (32)​ ആണ്​ മരിച്ചത്​. ഇതോടെ ഈ അപകടത്തിൽ മരിച്ചവരുടെ എണ്ണം രണ്ടായി. മലപ്പുറം മങ്കട വെള്ളില സ്വദേശി പള്ളിക്കത്തൊടി വീട്ടിൽ ഹംസയുടെ ഭാര്യ ഖൈറുന്നിസ (34) സംഭവസമയത്ത്​ തന്നെ മരിച്ചിരുന്നു.

അൽഖർജിൽ ജോലി ചെയ്​തിരുന്ന മുജീബ്‌റഹ്മാ​െൻറയും ഹംസയുടെയും കുടുംബങ്ങൾ സന്ദർശന വിസ പു​തുക്കാൻ ബഹ്​റൈനിൽ പോയി മടങ്ങു​േമ്പാഴായിരുന്നു അപകടം. ഹംസ പരിക്കില്ലാതെ രക്ഷപ്പെ​ട്ടെങ്കിലും ഭാര്യ ഖൈറുന്നിസ സംഭവസ്ഥലത്ത്​ മരിക്കുകയും ഇളയ മകൻ മുഹമ്മദ്​ റൈഹാനും ഒപ്പം കാറിലുണ്ടായിരുന്ന മുജീബ്​, ഭാര്യ റിഷ്​വാന ഷെറിൻ, മകൻ ഹെമിൽ റഹ്‌മാൻ എന്നിവർക്കും പരിക്കേൽക്കുകയും ചെയ്​തിരുന്നു. അൽഖർജ്​ കിങ്​ ഖാലിദ്​ ആശുപത്രിയിൽ ചികിത്സയിലിരുന്ന ഇവരെയെല്ലാം പിന്നീട്​ നാട്ടിൽ കൊണ്ടുപോയി. മുജീബിനെ സ്​ട്രെച്ചറിൽ മാർച്ച്​ 22-നാണ്​​ നാട്ടിലെത്തിച്ചത്​. അവിടെ ആശുപത്രിയിൽ ചികിത്സയിൽ കഴിയവേയാണ്​ മരണം.