മു​ജാ​ഹി​ദ് സം​സ്ഥാ​ന സ​മ്മേ​ള​നം; സൗദി മധ്യമേഖല പ്രചാരണത്തിന് റിയാദിൽ തുടക്കം

റി​യാ​ദ്: മു​ജാ​ഹി​ദ് 10ാം സം​സ്ഥാ​ന സ​മ്മേ​ള​ന​ത്തി​ന്റെ സൗ​ദി മ​ധ്യ​മേ​ഖ​ല പ്ര​ചാ​ര​ണ പ​രി​പാ​ടി​ക്ക് റി​യാ​ദി​ൽ തു​ട​ക്കം. അ​സീ​സി​യ​യി​ലെ ദാ​റു​ൽ ഫു​ർ​ഖാ​ൻ ഓ​ഡി​റ്റോ​റി​യ​ത്തി​ൽ കെ.​എ​ൻ.​എം സം​സ്ഥാ​ന പ്ര​സി​ഡ​ന്റ് ടി.​പി. അ​ബ്ദു​ല്ല​ക്കോ​യ മ​ദ​നി സ​മ്മേ​ള​നം ഉ​ദ്ഘാ​ട​നം ചെ​യ്തു. 'നി​ർ​ഭ​യ​ത്വ​മാ​ണ് മ​തം അ​ഭി​മാ​ന​മാ​ണ് മ​തേ​ത​ര​ത്വം' എ​ന്ന പ്ര​മേ​യ​ത്തി​ൽ ഡി​സം​ബ​ർ 29 മു​ത​ൽ ജ​നു​വ​രി ഒ​ന്നു​വ​രെ കോ​ഴി​ക്കോ​ട് സ്വ​പ്ന​ന​ഗ​രി​യി​ലാ​ണ് സം​സ്ഥാ​ന സ​മ്മേ​ള​നം.

മ​തം​കൊ​ണ്ട് മ​നു​ഷ്യ​രെ ഭി​ന്നി​പ്പി​ക്കു​ക​യും ഭ​യ​പ്പെ​ടു​ത്തു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ മ​തം മ​നു​ഷ്യ​ർ​ക്ക് സ​മാ​ധാ​ന​വും സു​ര​ക്ഷ​യും ന​ൽ​കു​ന്ന മാ​ന​വി​ക സ​ന്ദേ​ശ​മാ​ണെ​ന്ന് ബോ​ധ്യ​പ്പെ​ടു​ത്താ​നു​ള്ള ശ്ര​മ​മാ​ണ് സ​മ്മേ​ള​ന​ത്തി​ലൂ​ടെ മു​ജാ​ഹി​ദ് പ്ര​സ്ഥാ​നം ന​ട​ത്തു​ന്ന​തെ​ന്ന് ടി.​പി. അ​ബ്ദു​ല്ല​ക്കോ​യ മ​ദ​നി പ​റ​ഞ്ഞു.

അ​ന്ധ​വി​ശ്വാ​സ​ങ്ങ​ളും അ​നാ​ചാ​ര​ങ്ങ​ളും പു​തി​യ ഭാ​വ​ത്തി​ലും രൂ​പ​ത്തി​ലും എ​ല്ലാ സാ​മൂ​ഹി​ക ന​ന്മ​ക​ളെ​യും വി​ഴു​ങ്ങി​ക്കൊ​ണ്ടി​രി​ക്കു​ന്ന സാ​ഹ​ച​ര്യ​ത്തി​ൽ ശ​രി​യാ​യ വി​ശ്വാ​സ​വും ക​ർ​മ​രീ​തി​ക​ളും സ​മൂ​ഹ​ത്തി​ൽ പ്ര​ച​രി​പ്പി​ക്കേ​ണ്ട​തു​ണ്ടെ​ന്നും തെ​റ്റാ​യ വി​ശ്വാ​സ​ങ്ങ​ളി​ലും ആ​ചാ​ര​ങ്ങ​ളി​ലും നി​ന്ന് വി​ശ്വാ​സി​ക​ളെ ര​ക്ഷ​പ്പെ​ടു​ത്താ​നു​ള്ള പ​രി​ഷ്ക​ര​ണ പ്ര​വ​ർ​ത്ത​ന​ങ്ങ​ൾ തു​ട​ർ​ന്നു​കൊ​ണ്ടേ​യി​രി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. അ​ന്ധ​വി​ശ്വാ​സം മ​നു​ഷ്യ​രെ കൂ​ട്ട​ത്തോ​ടെ കൊ​ന്നൊ​ടു​ക്കാ​ൻ പ്രേ​രി​പ്പി​ക്കു​ന്ന പു​തി​യ കാ​ല​ത്ത് കൂ​ടു​ത​ൽ ജാ​ഗ്ര​ത വേ​ണം.

കൊ​ടു​ങ്ങ​ല്ലൂ​ർ കേ​ന്ദ്ര​മാ​യി ഉ​യ​ർ​ന്നു​വ​ന്ന മു​സ്‍ലിം ഐ​ക്യ​സം​ഘ​ത്തി​ന്റെ കൈ​വ​ഴി​യാ​യി രൂ​പ​പ്പെ​ട്ട മു​ജാ​ഹി​ദ് പ്ര​സ്ഥാ​നം ന​ട​ത്തി​യ സ​മ്മേ​ള​ന​ങ്ങ​ൾ സ​മൂ​ഹ​ത്തി​ന് ദി​ശാ​ബോ​ധം ന​ൽ​കി​യി​ട്ടു​ണ്ടെ​ന്ന് അ​ദ്ദേ​ഹം പ​റ​ഞ്ഞു. മു​സ്‍ലിം സ​മൂ​ഹ​ത്തി​ൽ ഇ​ന്ന് കാ​ണു​ന്ന സാ​മൂ​ഹി​ക രാ​ഷ്ട്രീ​യ വി​ദ്യാ​ഭ്യാ​സ ഉ​ണ​ർ​വു​ക​ൾ​ക്ക് പി​ന്നി​ൽ മു​ജാ​ഹി​ദ് പ്ര​സ്ഥാ​ന​ത്തി​ന് പ​ങ്കു​ണ്ട്.

മ​ത​നി​ഷേ​ധ ചി​ന്ത​ക​ളും ലി​ബ​റ​ൽ ആ​ശ​യ​ങ്ങ​ളും പു​തു​ത​ല​മു​റ​യെ വ​ഴി​തെ​റ്റി​ക്കു​ന്ന സാ​ഹ​ച​ര്യ​ത്തി​ൽ സ​മൂ​ഹ​ത്തെ ബോ​ധ​വ​ത്ക​രി​ക്കേ​ണ്ട​ത് അ​നി​വാ​ര്യ​മാ​ണ്. ധാ​ർ​മി​ക, സ​ദാ​ചാ​ര മൂ​ല്യ​ങ്ങ​ളോ​ട് യു​ദ്ധം ചെ​യ്യാ​നാ​ണ് മ​ത​നി​രാ​സ പ്ര​സ്ഥാ​ന​ങ്ങ​ൾ ശ്ര​മി​ക്കു​ന്ന​ത്. വ​ർ​ഗീ​യ​ത​യും തീ​വ്ര​വാ​ദ ചി​ന്ത​ക​ളും സ​മൂ​ഹ​ത്തെ ഭി​ന്നി​പ്പി​ക്കു​ക​യും പ​തി​റ്റാ​ണ്ടു​ക​ളി​ലൂ​ടെ നേ​ടി​യെ​ടു​ത്ത ന​വോ​ത്ഥാ​ന സം​രം​ഭ​ങ്ങ​ളെ ത​ക​ർ​ക്കു​ക​യും ചെ​യ്യും. രാ​ജ്യ​ത്തെ മു​സ്‍ലിം ന്യൂ​ന​പ​ക്ഷ​ത്തെ ഭ​യ​പ്പെ​ടു​ത്തി നി​രാ​ശ​രാ​ക്കാ​ൻ തീ​വ്ര​വാ​ദി​ക്കൂ​ട്ട​ങ്ങ​ൾ ന​ട​ത്തു​ന്ന ശ്ര​മ​ങ്ങ​ൾ കാ​ണാ​തെ പോ​ക​രു​ത്.

ഇ​ന്ത്യ​യി​ലെ മ​ത​നി​ര​പേ​ക്ഷ​ത മു​സ്‍ലിം സ​മൂ​ഹ​ത്തി​ന് ഏ​റ്റ​വും വ​ലി​യ സു​ര​ക്ഷ​യാ​ണെ​ന്നും അ​ദ്ദേ​ഹം പ​റ​ഞ്ഞു. ഫാ​ഷി​സ്റ്റ് വെ​ല്ലു​വി​ളി​ക​ളെ നേ​രി​ടേ​ണ്ട​ത് പ്ര​തി​വ​ർ​ഗീ​യ​ത കൊ​ണ്ട​ല്ല, മ​തേ​ത​ര സ​മൂ​ഹ​വു​മാ​യി ചേ​ർ​ന്നു​നി​ന്ന് ഫാ​ഷി​സ​ത്തി​ന്റെ ക​ട​ന്നു​ക​യ​റ്റം ചെ​റു​ത്തു തോ​ൽ​പി​ക്കു​ക​യാ​ണ് വേ​ണ്ട​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​ന്ന് ഏ​റ്റ​വും കൂ​ടു​ത​ൽ കെ​ടു​തി​ക​ൾ അ​നു​ഭ​വി​ക്കു​ന്ന ല​ഹ​രി​ക്കെ​തി​രാ​യ ബോ​ധ​വ​ത്ക​ര​ണം, ന്യൂ​ന​പ​ക്ഷം അ​ഭി​മു​ഖീ​ക​രി​ക്കു​ന്ന പ്ര​ശ്ന​ങ്ങ​ളി​ലും സ്ത്രീ ​സു​ര​ക്ഷ​യു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ലു​മു​ള്ള ച​ർ​ച്ച എ​ന്നി​വ​യും സം​സ്ഥാ​ന സ​മ്മേ​ള​ന​ത്തി​ലു​ണ്ടാ​വു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

സ​മ്മേ​ള​ന പ്ര​ചാ​ര​ണ​ത്തി​ന്റെ ഭാ​ഗ​മാ​യി സൗ​ദി​യി​ലെ വി​വി​ധ പ്ര​ദേ​ശ​ങ്ങ​ളി​ൽ സൗ​ഹൃ​ദ സം​ഗ​മ​ങ്ങ​ൾ സം​ഘ​ടി​പ്പി​ച്ച​താ​യി വാ​ർ​ത്ത​കു​റി​പ്പി​ൽ അ​റി​യി​ച്ചു. റി​യാ​ദ് ഇ​ന്ത്യ​ൻ ഇ​സ്‍ലാ​ഹി സെ​ന്റ​ർ പു​റ​ത്തി​റ​ക്കു​ന്ന മെ​മ​ന്റോ​ക​ളു​ടെ പ്ര​കാ​ശ​നം ടി.​പി. അ​ബ്ദു​ല്ല​ക്കോ​യ മ​ദ​നി നി​ർ​വ​ഹി​ച്ചു. 'ലേ​ൺ ദ ​ഖു​ർ​ആ​ൻ' മോ​ഡ​ൽ ഓ​ൺ​ലൈ​ൻ പ​രീ​ക്ഷ​യി​ലെ വി​ജ​യി​ക​ളെ സ​മ്മേ​ള​ന​ത്തി​ൽ പ്ര​ഖ്യാ​പി​ച്ചു.

സെ​ന്റ​റി​ന് കീ​ഴി​ൽ ന​ട​ക്കു​ന്ന മ​ദ്റ​സ​യി​ലെ വി​ദ്യാ​ർ​ഥി​ക​ളു​ടെ ക​ലാ​പ​രി​പാ​ടി​ക​ൾ അ​ര​ങ്ങേ​റി. സെ​ന്റ​ർ ഭാ​ര​വാ​ഹി​ക​ൾ​ക്കാ​യി പ്ര​വ​ർ​ത്ത​ക ക​ൺ​വെ​ൻ​ഷ​നും സം​ഘ​ടി​പ്പി​ച്ചു. കെ.​എ​ൻ.​എം സം​സ്ഥാ​ന വൈ​സ് പ്ര​സി​ഡ​ന്റ് എ​ച്ച്.​ഇ. മു​ഹ​മ്മ​ദ് ബാ​ബു സേ​ട്ട്, സം​സ്ഥാ​ന സെ​ക്ര​ട്ട​റി ഡോ. ​എ.​ഐ. അ​ബ്ദു​ൽ മ​ജീ​ദ് സ്വ​ലാ​ഹി, ശൈ​ഖ് ഹു​സൈ​ൻ അ​ൽ-​ബു​റ​യ്ക്, അ​ബ്ദു​ൽ ഖ​യ്യൂം ബു​സ്താ​നി, മു​ഹ​മ്മ​ദ് സു​ൽ​ഫി​ക്ക​ർ, സാ​ജി​ദ് കൊ​ച്ചി, മാ​സി​ൻ അ​സീ​സി​യ, അ​ബ്ദു​റ​സാ​ഖ് സ്വ​ലാ​ഹി, കെ​ൻ​സ് അ​ഹ്മ​ദ് ജാ​ബി​ർ എ​ന്നി​വ​ർ സം​സാ​രി​ച്ചു.