മു​ഹ​മ്മ​ദ്​ ബാ​ദു​ഷ​യു​ടെ മൃ​ത​ദേ​ഹം നാ​ട്ടി​ൽ ഖ​ബ​റ​ട​ക്കി

ജി​ദ്ദ: ക​ഴി​ഞ്ഞ ചൊ​വ്വാ​ഴ്ച ജി​ദ്ദ-​ജി​സാ​ൻ ഹൈ​വേ​യി​ലെ അ​ൽ​ലൈ​ത്തി​ൽ ഉ​ണ്ടാ​യ വാ​ഹ​നാ​പ​ക​ട​ത്തി​ൽ മ​രി​ച്ച കോ​ഴി​ക്കോ​ട് കൊ​ടു​വ​ള്ളി ആ​വി​ലോ​റ പാ​റ​ക്ക​ൽ കി​ഴ​ക്കേ​ചെ​വി​ട​ൻ സ്വ​ദേ​ശി മു​ഹ​മ്മ​ദ് ബാ​ദു​ഷ ഫാ​രി​സി​​ന്റെ മൃ​ത​ദേ​ഹം നാ​ട്ടി​ലെ​ത്തി​ച്ച് ഖ​ബ​റ​ട​ക്കി. ജി​ദ്ദ​യി​ൽ​നി​ന്ന് പു​ല​ർ​ച്ച സ്​​റ്റേ​ഷ​ന​റി സാ​ധ​ന​ങ്ങ​ളു​മാ​യി ജി​സാ​നി​ലേ​ക്ക് പു​റ​പ്പെ​ട്ട ഇ​ദ്ദേ​ഹ​ത്തി​​ന്റെ മി​നി ലോ​റി (ഡൈ​ന) ട്രൈ​ല​റി​ന് പി​റ​കി​ൽ ഇ​ടി​ച്ചാ​യി​രു​ന്നു അ​പ​ക​ടം.

മോ​ർ​ച്ച​റി​യി​ൽ സൂ​ക്ഷി​ച്ചി​രു​ന്ന മൃ​ത​ദേ​ഹം ജി​ദ്ദ ഫോ​റ​ൻ​സി​ക് സെ​ന്റ​റി​ൽ​നി​ന്ന് എം​ബാം ന​ട​പ​ടി​ക​ൾ പൂ​ർ​ത്തീ​ക​രി​ച്ച് ശ​നി​യാ​ഴ്ച രാ​വി​ലെ മ​യ്യി​ത്ത്​ ന​മ​സ്കാ​ര​വും ക​ഴി​ഞ്ഞ് വൈ​കീ​ട്ടു​ള്ള ജി​ദ്ദ-​റി​യാ​ദ്-​കോ​ഴി​ക്കോ​ട് ഫ്ലൈ​നാ​സ് വി​മാ​ന​ത്തി​ൽ നാ​ട്ടി​ലേ​ക്ക് കൊ​ണ്ടു​പോ​യി. ഞാ​യ​റാ​ഴ്ച രാ​വി​ലെ 8.30ന് ​ക​രി​പ്പൂ​രി​ലെ​ത്തി​യ മൃ​ത​ദേ​ഹം കു​ടു​ബാം​ഗ​ങ്ങ​ളും സു​ഹൃ​ത്തു​ക്ക​ളും നാ​ട്ടു​കാ​രും ഏ​റ്റു​വാ​ങ്ങി. വീ​ട്ടി​ലെ പൊ​തു​ദ​ർ​ശ​ന​ത്തി​ന് ശേ​ഷം വ​ൻ​ജ​നാ​വ​ലി​യു​ടെ സാ​ന്നി​ധ്യ​ത്തി​ൽ ഉ​രു​ളി​കു​ന്ന് ജു​മാ​മ​സ്ജി​ദി​ൽ മ​യ്യി​ത്ത്​ ന​മ​സ്കാ​ര​ത്തി​ന് ശേ​ഷം ഖ​ബ​റ​ട​ക്കി.

കെ.​എം.​സി.​സി സൗ​ദി നാ​ഷ​ന​ൽ ക​മ്മി​റ്റി വെ​ൽ​ഫ​യ​ർ വി​ങ് ക​ൺ​വീ​ന​ർ മു​ഹ​മ്മ​ദ് കു​ട്ടി പാ​ണ്ടി​ക്കാ​ടി​ന്റെ​യും കെ.​എം.​സി.​സി അ​ലൈ​ത്ത് ഭാ​ര​വാ​ഹി​ക​ൾ, ജി​ദ്ദ വെ​ൽ​ഫ​യ​ർ വി​ങ്ങ് പ്ര​വ​ർ​ത്ത​ക​ർ, കോ​ഴി​ക്കോ​ട് ജി​ല്ല, കൊ​ടു​വ​ള്ളി മ​ണ്ഡ​ലം നേ​താ​ക്ക​ന്മാ​ർ എ​ന്നി​വ​ർ ന​ട​പ​ടി​ക​ൾ​ക്ക് നേ​തൃ​ത്വം ന​ൽ​കി.