എം.യു.എഫ്.സി ചലഞ്ചേഴ്സ് കപ്പ്: ആർ.പി.എം ഖാലിദിയ ചാമ്പ്യന്മാർ
text_fieldsദമ്മാം: ദമ്മാം ഇന്ത്യൻ ഫുട്ബാൾ അസോസിയേഷെൻറ (ഡിഫ) സഹകരണത്തോടെ മലബാർ യുനൈറ്റഡ് എഫ്.സി സംഘടിപ്പിച്ച പയനീർ ട്രാവൽ ചലഞ്ചേഴ്സ് കപ്പ് ആർ.പി.എം ഖാലിദിയക്ക്. റാക്കയിലെ സ്പോർട്ട് യാർഡ് സ്റ്റേഡിയത്തിൽ അരങ്ങേറിയ ഗ്രാൻഡ് ഫിനാലെ മുൻ മന്ത്രിയും പാർലമെൻറ് അംഗവുമായിരുന്ന ടി.കെ. ഹംസ ഉദ്ഘാടനം ചെയ്തു. വിശിഷ്ട അതിഥിക്കുള്ള സ്നേഹോപഹാരം ടൂർണമെൻറ് കമ്മിറ്റി ചെയർമാനും ഒ.ഐ.സി.സി സൗദി നാഷനൽ പ്രസിഡൻറുമായ പി.എം. നജീബ് സമർപ്പിച്ചു.
വാശിയേറിയ ഫൈനൽ മത്സരത്തിൽ എതിരില്ലാത്ത മൂന്ന് ഗോളുകൾക്ക് ആർ.പി.എം ഖാലിദിയ ആതിഥേയരായ പയനീർ ട്രാവൽ എം.യു.എഫ്.സി യെ പരാജയപ്പെടുത്തുകയായിരുന്നു. സുബൈർ ഫൈനലിലെ മാൻ ഓഫ് ദ മാച്ചിന് അർഹനായി. സ്വദേശി റഫറിമാരായ നാജി അറീബ്, ഹവാജ് മുഹമ്മദ്, തൂമീ മുഹമ്മദ് എന്നിവർക്കൊപ്പം അബ്ദുറഹ്മാൻ വാണിയമ്പലവും മത്സരം നിയന്ത്രിച്ചു. വിശിഷ്ടാതിഥിയോടൊപ്പം ഹസ്സൻ അൽ ജാബ്രി, റസ്സൽ ചുണ്ടക്കാടൻ (പയനീർ ട്രാവൽ), ബനീഷ് അബ്ദുള്ള (ആർ.പി.എം), ഫഹദ് സറാജ് (യനാമ ട്രേഡിങ്), മുബാറക് (കാകു), ഡോ. അബ്ദുസ്സലാം (ഡിഫ പ്രസി), പ്രദീപ് കൊട്ടിയം (നവോദയ), ബിജു കല്ലുമല (ഓ.ഐ.സി.സി), ആലിക്കുട്ടി ഒളവട്ടൂർ (കെ.എം.സി.സി), ജമാൽ വില്യാപ്പള്ളി (നവയുഗം), കെ.എം. ബഷീർ, അബ്ദുൽ റഷീദ് (തനിമ), മുഹമ്മദ് നജാത്തി, ടി.പി.എം ഫസൽ, റഷീദ് വാലത്ത്, ഹസ്നൈൻ, സഹീർ ബൈഗ് തുടങ്ങിയവർ കളിക്കാരുമായി പരിചയപ്പെട്ടു.
ഡിഫ ചെയർമാൻ വിൽഫ്രഡ് ആൻഡ്രൂസിനും അബ്ദുൽ ജലീൽ കണ്ണൂരിനും എം.യു.എഫ്.സിയുടെ ആദരം പ്രസിഡൻറ് ഫ്രാങ്കോ ജോസ്, ജനറൽ സെക്രട്ടറി ആസിഫ് കൊണ്ടോട്ടി എന്നിവർ സമർപ്പിച്ചു. എം.യു.എഫ്.സി അക്കാദമിയിലെയും ഫോകോ സോക്കർ അക്കാദമിയിലെയും കുട്ടികൾ തമ്മിലെ പ്രദർശന മത്സരത്തോടെയാണ് ചടങ്ങ് ആരംഭിച്ചത്. എം.യു.എഫ്.സി കുട്ടികൾ അവതരിപ്പിച്ച വക്കാ വക്കാ നൃത്തം കാണികളുടെ മനം കവർന്നു.
ടൂർണമെൻറിലെ മികച്ച ഗോൾ കീപ്പറായി മുജീബ് (ഖാലിദിയ), മികച്ച ഡിഫെൻഡറായി സൂസി (എം.യു.എഫ്.സി), മികച്ച കളിക്കാരനായി സുഹൈർ (എം.യു.എഫ്.സി), ഗോൾഡൻ ബൂട്ടിന് ജാബിർ (ഇ.എം.എഫ് റാക്ക), മികച്ച ഗോളിന് റഊഫ് (ഖാലിദിയ), ബെസ്റ്റ് മൊമെൻറിനു കബീർ (യു.എഫ്.സി), എമർജിങ് പ്ലെയറായി അഖീൽ (എം.യു.എഫ്.സി), മികച്ച ടീം മാനേജ്മെൻറിന് ആർ.പി.എം ഖാലിദിയ എന്നിവരെ തെരഞ്ഞെടുത്തു. പ്ലേയർ ഓഫ് ദി ടൂർണമെൻറ് പുരസ്കാരത്തിന് ഫവാസ് (ഖാലിദിയ) അർഹനായി. ഡിഫ ജനറൽ സെക്രട്ടറി ലിയാഖത്ത് കാരങ്ങാടൻ, ട്രഷറർ അഷ്റഫ് എടവണ്ണ എന്നിവർ ഫവാസിന് പുരസ്കാരം നൽകി. ചാമ്പ്യന്മാരായ ആർ.പി.എം ഖാലിദിയക്ക് ഹസ്സൻ അൽ ജാബ്രിയും റസൽ ചുണ്ടക്കാടനും ചേർന്ന് വിന്നേഴ്സ് ട്രോഫി സമ്മാനിച്ചു.
ഡോ. അബ്ദുസ്സലാം കണ്ണിയൻ, ഡോ. സാഹിദ് നസീർ, ജോളി കൊല്ലംപറമ്പിൽ, നിഹാൽ സാജിദ്, മുജീബ് കളത്തിൽ, റസാഖ് തെക്കേപ്പുറം, നൗഫൽ, ജാഫർ കൊണ്ടോട്ടി, മുത്തു തലശ്ശേരി, അമീൻ ചൂനൂർ, നജീം ബഷീർ, അബ്ദുള്ള മാഞ്ചേരി, സക്കീർ പറമ്പിൽ, റിയാസ് വളാഞ്ചേരി, ജയരാജൻ തെക്കേപ്പള്ളി എന്നിവർ വിജയികൾക്ക് ട്രോഫികളും സമ്മാനങ്ങളും കൈമാറി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.