സോ​ഷ്യ​ലി​സ​വും മ​തേ​ത​ര​ത്വ​വും നീ​ക്കം ചെ​യ്യാ​നു​ള്ള നീ​ക്കത്തെ തോ​ൽ​പി​ക്ക​ണം -ദ​മ്മാം ഒ.​ഐ.​സി.​സി

ദ​മ്മാം: ഭ​ര​ണ​ഘ​ട​ന​യു​ടെ ആ​ത്മാ​വാ​യ ആ​മു​ഖ​ത്തി​ൽ​നി​ന്ന് സോ​ഷ്യ​ലി​സം, മ​തേ​ത​ര​ത്വം എ​ന്നി​വ നീ​ക്കം ചെ​യ്യാ​നു​ള്ള മോ​ദി ഭ​ര​ണ​കൂ​ട​ത്തി​ന്റെ ശ്ര​മ​ത്തി​നെ​തി​രെ ശ​ക്ത​മാ​യ പ്ര​തി​ഷേ​ധം ഉ​യ​ര​ണ​മെ​ന്ന് ഒ.​ഐ.​സി.​സി സൗ​ദി ഈ​സ്​​റ്റേ​ൺ പ്രോ​വി​ൻ​സ് ക​മ്മി​റ്റി ആ​വ​ശ്യ​പ്പെ​ട്ടു. ആ​ര്‍.​എ​സ്.​എ​സ് ജ​ന​റ​ല്‍ സെ​ക്ര​ട്ട​റി ദ​ത്താ​ത്രേ​യ ഹൊ​സ​ബ​ലെ​യു​ടെ വി​വാ​ദ പ​ര​മാ​ർ​ശം ഭ​ര​ണ​ഘ​ട​ന ഭേ​ദ​ഗ​തി ചെ​യ്യ​ണ​മെ​ന്ന അ​വ​രു​ടെ പ്ര​ഖ്യാ​പി​ത ല​ക്ഷ്യ​ത്തി​​ന്റെ ഭാ​ഗ​മാ​യാ​ണ്. കേ​ര​ള​ത്തി​ലെ എ.​ഡി.​ജി.​പി അ​ജി​ത് കു​മാ​റു​മാ​യി മു​മ്പ്​ ര​ഹ​സ്യ കൂ​ടി​ക്കാ​ഴ്ച ന​ട​ത്തി​യ വ്യ​ക്തി​കൂ​ടി​യാ​ണ് ദ​ത്താ​ത്രേ​യ ഹൊ​സ​ബ​ലെ.

മ​തേ​ത​ര​ത്വ​വും സോ​ഷ്യ​ലി​സ​വും ഭ​ര​ണ​ഘ​ട​ന​യു​ടെ ആ​മു​ഖ​ത്തി​ൽ ഉ​ൾ​പ്പെ​ടു​ത്തി​യു​ള്ള 1976ലെ ​ഭേ​ദ​ഗ​തി 1949 ന​വം​ബ​ർ 26 മു​ത​ലു​ള്ള മു​ൻ​കാ​ല പ്രാ​ബ​ല്യ​ത്തോ​ടെ സു​പ്രീം കോ​ട​തി ശ​രി​വ​ച്ചി​ട്ടു​ള്ള​താ​ണ്. അ​തി​നെ അ​ടി​യ​ന്തി​രാ​വ​സ്ഥ കാ​ല​ത്ത് കോ​ണ്‍ഗ്ര​സ്, ഭ​ര​ണ​ഘ​ട​ന​യി​ല്‍ കൂ​ട്ടി​ച്ചേ​ര്‍ത്ത വാ​ക്കു​ക​ളാ​ണ് സോ​ഷ്യ​ലി​സ​വും മ​തേ​ത​ര​ത്വ​വും, അ​തി​നാ​ല്‍ അ​വ ഭ​ര​ണ​ഘ​ട​ന​യി​ല്‍ നി​ന്നു നീ​ക്ക​ണ​മെ​ന്നു​മാ​ണ് ആ​ര്‍.​എ​സ്.​എ​സ് ആ​വ​ശ്യ​പ്പെ​ട്ട​ത്. മു​മ്പും ഇ​ത്ത​ര​ത്തി​ലു​ള്ള ആ​വ​ശ്യ​ങ്ങ​ള്‍ ഉ​ന്ന​യി​ച്ചു​കൊ​ണ്ട് അ​വ​ർ രം​ഗ​ത്തെ​ത്തി​യി​രു​ന്നു. ക​ഴി​ഞ്ഞ വ​ര്‍ഷം നി​ര​വ​ധി ഹ​ർ​ജി​ക​ളാ​ണ് ഈ ​ആ​വ​ശ്യ​വു​മാ​യി ബ​ന്ധ​പ്പെ​ട്ട് സു​പ്രിം​കോ​ട​തി​യി​ൽ‍ എ​ത്തി​യ​ത്. എ​ന്നാ​ല്‍ ആ ​ആ​വ​ശ്യം സു​പ്രിം​കോ​ട​തി ത​ള്ളു​ക​യാ​യി​രു​ന്നു. സോ​ഷ്യ​ലി​സം, മ​തേ​ത​ര​ത്വം എ​ന്നീ വാ​ക്കു​ക​ള്‍ ഭ​ര​ണ​ഘ​ട​ന​യി​ല്‍നി​ന്നു നീ​ക്കം ചെ​യ്യാ​നാ​വി​ല്ലെ​ന്ന് കോ​ട​തി അ​ന്ന് വ്യ​ക്ത​മാ​ക്കി​യി​രു​ന്നു. ഇ​ന്ത്യ​യെ സം​ബ​ന്ധി​ച്ച് എ​ല്ലാ​വ​ര്‍ക്കും തു​ല്യ അ​വ​സ​ര​വും സ​മ​ത്വ​വും ഉ​റ​പ്പു ന​ല്‍കു​ന്ന സോ​ഷ്യ​ലി​സ​വും മ​ത​സ്വാ​ത​ന്ത്യം ഉ​റ​പ്പു ന​ല്‍കു​ന്ന മ​തേ​ത​ര​ത്വ​വും നീ​ക്കം ചെ​യ്യാ​നാ​വി​ല്ലെ​ന്ന് അ​ന്നു വാ​ദം കേ​ട്ട ബെ​ഞ്ച് ഉ​ത്ത​ര​വി​ട്ടി​രു​ന്നു.

2023ൽ ​പു​തി​യ പാ​ർ​ല​മെ​ന്റ് മ​ന്ദി​ര​ത്തി​ലേ​ക്ക്​ മാ​റു​ന്ന സ​മ​യ​ത്ത് എം.​പി​മാ​ർ​ക്ക് ന​ൽ​കി​യ ഭ​ര​ണ​ഘ​ട​ന​യി​ൽ​നി​ന്ന് ‘മ​തേ​ത​ര​ത്ത്വ​വും സോ​ഷ്യ​ലി​സ​വും’ ഒ​ഴി​വാ​ക്കി. അ​ന്ന് ആ ​വി​ഷ​യം കോ​ൺ​ഗ്ര​സ് പാ​ർ​ല​മെ​ന്റി​ൽ ഉ​ന്ന​യി​ക്കാ​ൻ ശ്ര​മി​ച്ച​പ്പോ​ൾ അ​തി​ന് അ​വ​സ​രം ല​ഭി​ച്ചി​ല്ല എ​ന്ന​തും ഇ​തോ​ട് കൂ​ട്ടി വാ​യി​ക്കേ​ണ്ട​താ​ണ്. ഇ​ന്ന് ഈ ​വി​ഷ​യം വീ​ണ്ടും ആ​ർ.​എ​സ്.​എ​സ് ഉ​ന്ന​യി​ക്കു​മ്പോ​ൾ അ​ത് അ​വി​ചാ​രി​ത​മ​ല്ല എ​ന്ന​താ​ണ് യാ​ഥാ​ർ​ഥ്യം.

മ​തേ​ത​ര​ത്വ​വും സോ​ഷ്യ​ലി​സ​വും ഭ​ര​ണ​ഘ​ട​ന​യി​ല്‍നി​ന്നു നീ​ക്കം ചെ​യ്യ​ണ​മെ​ന്ന ആ​വ​ശ്യം സം​ഘ്പ​രി​വാ​ർ വീ​ണ്ടും ഉ​യ​ര്‍ത്തു​ന്ന​ത് ഭ​ര​ണ​ഘ​ട​ന ത​ക​ര്‍ക്കാ​നു​ള്ള പ്ര​ഖ്യാ​പി​ത ല​ക്ഷ്യ​ത്തി​​ന്റെ ഭാ​ഗ​മാ​ണ്. ഈ ​രാ​ജ്യ​ത്തെ മ​തേ​ത​ര, ജ​നാ​ധി​പ​ത്യ, സോ​ഷ്യ​ലി​സ്​​റ്റ്​ മൂ​ല്യ​ങ്ങ​ൾ ഉ​ൾ​ക്കൊ​ണ്ട് കൊ​ണ്ട് നി​ല​നി​ർ​ത്താ​നു​ള്ള പോ​രാ​ട്ട​ങ്ങ​ൾ​ക്ക് കോ​ണ്‍ഗ്ര​സും രാ​ഹു​ൽ ഗാ​ന്ധി​യും പ്ര​തി​ജ്ഞാ​ബ​ദ്ധ​മാ​ണെ​ന്ന് പ്ര​സി​ഡ​ന്റ് ഇ.​കെ. സ​ലിം, സൗ​ദി നാ​ഷ​ന​ൽ ക​മ്മി​റ്റി പ്ര​സി​ഡ​ന്റ് ബി​ജു ക​ല്ലു​മ​ല,‍ ഈ​സ്​​റ്റേ​ൺ പ്രോ​വി​ൻ​സ് ജ​ന​റ​ൽ സെ​ക്ര​ട്ട​റി ഷി​ഹാ​ബ് കാ​യം​കു​ളം, ട്ര​ഷ​റ​ർ പ്ര​മോ​ദ് പൂ​പ്പാ​ല എ​ന്നി​വ​ർ പ്ര​സ്താ​വ​ന​യി​ൽ പ​റ​ഞ്ഞു.