തകർന്ന സുഡാൻ വിമാനത്തിൽ നിന്ന്​ രക്ഷപ്പെട്ട ബാലൻ ഉംറക്കായി മക്കയിൽ

ജിദ്ദ: ഏതാനും വർഷങ്ങൾ മുമ്പ്​ തകർന്നു വീണ സുഡാൻ വിമാനത്തിൽ നിന്ന്​ ​​​​​രക്ഷപ്പെട്ട ആ കൊച്ചുകുട്ടിയെ ലോകം മറന്നിട്ടുണ്ടാവില്ല. ആ സുഡാൻ സ്വദേശി മുഹമ്മദ്​ അൽഫാതിഹ് ഉംറ നിർവഹിക്കാനിപ്പോൾ പുണ്യഭൂമിയിലെത്തിയിരിക്കുന്നു. ടൂറിസം പുരാവസ്​തു വകുപ്പ്​ മേധാവി അമീർ സുൽത്താൻ ബിൻ സൽമാനാണ്​ ഇൗ യുവാവി​​​െൻറ  ഉംറ സ്വപ്​നം യാഥാർഥ്യമാക്കിയത്​. 

​​16 വർഷം മുമ്പാണ്​ ലോകത്തെ നടുക്കിയ ദാരുണമായ വിമാനദുരന്തം​. 116 യാത്രക്കാരുമായി പോർട്ട്​ സുഡാൻ വിമാനത്താവളത്തിൽ നിന്ന്​ കിഴക്ക്​ ഖാർത്തൂമിലേക്ക്​ പറന്ന വിമാനമാണ്​ തകർന്നുവീണത്​. വിമാന  ജോലിക്കാരടക്കം മുഴുവനാളുകളും മരിച്ച അപകടത്തിൽ നിന്ന്​ ഒരു വർഷവും ഏഴ്​ മാസവും മാത്രം പ്രായമുള്ള മുഹമ്മദ്​ അൽഫാതിഹ്​ മാത്രം രക്ഷപ്പെട്ടു. മരിച്ചവരിൽ  മുഹമ്മദ്​ അൽഫാതിഹി​​​െൻറ മാതാവുമുണ്ടായിരുന്നു​. വിമാനദുരന്തം ഒാർക്കാൻ മുഹമ്മദ്​ അൽഫാത്തിഹിന്​ കഴിയില്ലെങ്കിലും ​അപകടം സംബന്ധിച്ച കേട്ടറിവ്​ നന്നായുണ്ട്​. അത്​ അയവിറക്കു​േമ്പാൾ  ഇപ്പോഴും നടുക്കമാണ്​ മനസ്സിൽ. 
പോർട്ട്​ സുഡാനിൽ പറന്നുയർന്നു പത്ത്​ മിനുറ്റ്​ കഴിഞ്ഞപ്പോൾ സാ​േങ്കതിക തകരാറ്​ കണ്ട ഉടനെ തിരിച്ചു പറക്കുകയാണെന്ന്​ കൺട്രോൾ റൂമിൽ ക്യാപ്​റ്റൻ വിവരമറിയിച്ചിരുന്നു. പിന്നീട്​ കൺട്രോൾ റൂമുമായുള്ള ബന്ധം നഷ്​ടപ്പെട്ടു.

വിമാനം മണൽ പ്രദേശത്ത്​ തകർന്ന്​ വീഴുകയായിരുന്നുവെന്ന്​ മുഹമ്മദ്​ അൽഫാത്തിഹ്​ പറഞ്ഞു. പാറകല്ലിൽ ഇടിച്ചു തകർന്നതിനാൽ ​ മൃതദേഹങ്ങൾ ചിന്നിചിതറി. വിമാനാവശിഷ്​ടങ്ങൾ തിരയുന്നതിനിടയിൽ​ ഗ്രാമീണനായ ഒരാളാണ്​ മരത്തി​​​െൻറ ചില്ലയിൽ കുടുങ്ങി കിടക്കുന്നനിലയിൽ ഫാത്തിഹിനെ കണ്ടത്​. ആ മരത്തിന്​​ ചുറ്റും മൃതദേഹങ്ങൾ ചിതറി കിടക്കുകയായിരുന്നു. ​ ഫാത്തിഹി​​​െൻറ മുഖത്ത്​ നന്നായി മുറി​േവറ്റു. കൈകാലുകൾ ഒടിഞ്ഞു. ഭാഗ്യം കൊണ്ട്​ തല​ക്കും ആന്തരാവയവങ്ങൾക്കും ഒന്നും സംഭവിച്ചില്ല. 

പിന്നീട്​ ശൈഖ്​ സാഇദ് ആണ്​​ ബ്രിട്ടനിലെത്തിച്ച്​​ ചികിൽസ നൽകാൻ വേണ്ട സഹായങ്ങൾ നൽകിയതെന്ന്​ പിതാവ് പറഞ്ഞതോർക്കുന്നു. കൃതിക കാൽ ഘടിപ്പിച്ചു. ഇന്നിപ്പോൾ ദൈവാനുഗ്രഹത്താൽ നടക്കാൻ സാധിക്കുന്നുണ്ട്​. ഇപ്പോൾ  കൈറോയിലാണ്​ പഠിക്കുന്നത്​. ഡോക്​ടറാകണമെന്നാണ്​ ആഗ്രഹമെന്നും മുഹമ്മദ്​ അൽഫാത്തിഹ്​ പറഞ്ഞു.