പാലക്കാട്​ സ്വദേശിയെ റിയാദിൽ കാണാതായി

റിയാദ്: മലയാളിയെ റിയാദ്​ നഗരത്തിൽ നിന്ന്​ കാണാതായി. പാലക്കാട്​ ആലത്തൂർ സ്വദേശി മുഹമ്മദ്​ അബ്​ദുറഹ്​മാനെ (43) ഇൗ മാസം 19 മുതലാണ്​ കാണാതായത്​ എന്ന്​ ബന്ധുക്കൾ അറിയിച്ചു. ഒരാഴ്ചയായി ഇയാളെ കുറിച്ച്​ ഒരു വിവരവുമില്ല. റിയാദ്​ എക്സിറ്റ്​ 18 ലുള്ള ഒരു സ്വകാര്യ കമ്പനിയിൽ ജീവനക്കാരനായിരുന്നു. ജോർദൻ പൗര​​​െൻറ ഉടമസ്ഥതയിലുള്ള കമ്പനി മൂന്ന്​ മാസമായി പ്രവർത്തിക്കുന്നില്ല. പുതിയ കമ്പനി തുടങ്ങാനുള്ള ആലോചനയിലായതിനാൽ നാട്ടിലേക്ക്​ മടങ്ങാതെ പഴയ കമ്പനിയുടെ ​േലബർ ക്യാമ്പിൽ തന്നെ താമസിച്ചുവരുകയായിരുന്നു. ശമ്പളം മുടങ്ങാതെ  കിട്ടിയിരുന്നതായും റിയാദിലുള്ള അനുജൻ ബഷീർ അറിയിച്ചു.

ഇഖാമ കാലാവധി കഴിഞ്ഞിട്ടില്ല. പെ​െട്ടന്നാണ്​ അപ്രത്യക്ഷനായത്​. ഇൗ മാസം 19ന്​ ഇയാളെ കമ്പനി പരിസരത്ത്​ കണ്ടവരുണ്ട്​. അതിനുശേഷം  മുഹമ്മദിനെ കുറിച്ച് ഒരു വിവരവുമില്ല. മൊബൈൽ ഫോൺ സ്വിച്ച് ഓഫ് ആണ്. പ്രധാന ആശുപത്രികളും പൊലീസ് സ്​റ്റേഷനുകളും കേന്ദ്രീകരിച്ച്​ അന്വേഷണം നടത്തിയെങ്കിലും ഒരു വിവരവും ലഭി​ച്ചില്ലെന്ന്​ ബഷീർ പറഞ്ഞു. കാണുന്നതിന്​ തലേദിവസം വരെ താനുമായും നാട്ടിലെ കുടുംബവുമായും ബന്ധപ്പെട്ടിരുന്നതായും ബഷീർ അറിയിച്ചു. ഇയാളെ കുറിച്ച്​ വിവരം ലഭിക്കുന്നവർ ബഷീർ (0537106332), ഹക്കീം (0565573491) എന്നിവരെ ബന്ധപ്പെടണമെന്ന്​ ബന്ധുക്കൾ അഭ്യർഥിച്ചു.