അൽഖർജിലെ ആശുപത്രിയിൽ നിന്ന്​ തട്ടിക്കൊണ്ടുപോയ ശിശുവിനെ കണ്ടെത്തി

റിയാദ്​: അൽ ഖർജിലെ ആശുപത്രിയിൽ നിന്ന്​ നഴ്​സ്​ വേഷം ധരിച്ച യുവതി തട്ടിക്കൊണ്ടുപോയ നവജാത ശിശുവിനെ കണ്ടെത്തി. സംഭവം നടന്ന്​ 24 മണിക്കൂറിനുള്ളിൽ റിയാദിലെ ഒരു പള്ളിക്കുള്ളിൽ നിന്നാണ്​ കുട്ടിയെ കണ്ടെത്തിയത്​. അൽഖർജിലെ കിങ്​ ഖാലിദ്​ ആശുപത്രിയിലാണ്​ തട്ടിക്കൊണ്ടുപോകൽ അരങ്ങേറിയത്​. കഴിഞ്ഞദിവസം ഇവിടെ പ്രസവം കഴിഞ്ഞ യുവതി ആ​ശുപത്രി വിടാനൊരുങ്ങവെയാണ്​ സംഭവം.

നഴ്​സ്​ വേഷം ധരിച്ച്​ വന്ന ഒരുവനിത, വൈദ്യ പരിശോധനകൾക്കായി ശിശുവിനെ വേണമെന്ന്​ മാതാവിനോട്​ ആവശ്യപ്പെട്ടു. സംശയമൊന്നും ഇല്ലാതെ തന്നെ അവർ കുട്ടിയെ നൽകുകയും ചെയ്​തു. ഒരുമണിക്കൂർ കഴിഞ്ഞും കുട്ടിയെ തിരികെ ​െകാണ്ടുവരാതിരുന്നതോടെ മറ്റുനഴ്​സുമാരോട്​ അന്വേഷിക്കു​േമ്പാഴാണ്​ സംഭവം പുറത്താകുന്നത്​. ഉടൻ തന്നെ സുരക്ഷഉദ്യോഗസ്​ഥരെ വിവരം അറിയിക്കുകയും വ്യാപകമായ അന്വേഷണം ആരംഭിക്കുകയും ചെയ്​തു. ആശുപത്രിയിലെ സി.സി ടി.വി ദൃശ്യങ്ങൾ പരിശോധിച്ച്​ തട്ടിക്കൊണ്ടുപോയ ആളെ തിരിച്ചറിഞ്ഞു. തുടർന്ന്​ നടത്തിയ തെരച്ചിലിലാണ്​  റിയാദ്​ അൽഹംറ മേഖലയിലെ ഒരു പള്ളിയിൽ നിന്ന്​ കുട്ടിയെ കണ്ടെത്തിയത്​.