വി​ദ്യാ​ർ​ഥി​ക​ൾ വാ​ക്‌​സി​നെ​ടു​ക്ക​ണ​മെ​ന്ന്​ വി​ദ്യാ​ഭ്യാ​സ–ആ​രോ​ഗ്യ​മ​ന്ത്രാ​ല​യ​ങ്ങ​ൾ

റി​യാ​ദ്: രാ​ജ്യ​ത്തെ 12 വ​യ​സ്സി​ന്​ മു​ക​ളി​ലു​ള്ള മു​ഴു​വ​ൻ വി​ദ്യാ​ർ​ഥി​ക​ളോ​ടും കോ​വി​ഡ് വാ​ക്‌​സി​ൻ എ​ടു​ക്കാ​ൻ സൗ​ദി ആ​രോ​ഗ്യ, വി​ദ്യാ​ഭ്യാ​സ മ​ന്ത്രാ​ല​യ​ങ്ങ​ൾ ആ​വ​ശ്യ​പ്പെ​ട്ടു.പു​തി​യ അ​ധ്യ​യ​ന​വ​ർ​ഷം ആ​രം​ഭി​ക്കു​ന്ന​തി​നു​മു​മ്പ് സ്കൂ​ളു​ക​ളി​ലേ​ക്കും സ​ർ​വ​ക​ലാ​ശാ​ല​ക​ളി​ലേ​ക്കും സു​ര​ക്ഷി​ത​മാ​യി എ​ത്താ​ൻ വി​ദ്യാ​ർ​ഥി​ക​ളും അ​ധ്യാ​പ​ക​രും മ​റ്റ് ജീ​വ​ന​ക്കാ​രും നി​ശ്ചി​ത ഡോ​സ് കോ​വി​ഡ് വാ​ക്സി​ൻ സ്വീ​ക​രി​ക്ക​ണ​മെ​ന്നാ​ണ്​ ഉ​ത്ത​ര​വ്. 12 വ​യ​സ്സി​ന് മു​ക​ളി​ലു​ള്ള ആ​ൺ​കു​ട്ടി​ക​ളും പെ​ൺ​കു​ട്ടി​ക​ളു​മാ​യ എ​ല്ലാ വി​ദ്യാ​ർ​ഥി​ക​ൾ​ക്കും ഇ​ത്​ നി​ർ​ബ​ന്ധ​മാ​ണ്.

അ​തു​പോ​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ മു​ഴു​വ​ൻ ജീ​വ​ന​ക്കാ​ർ​ക്കും ബാ​ധ​ക​മാ​ണ്. യൂ​നി​വേ​ഴ്സി​റ്റി, ടെ​ക്നി​ക്ക​ൽ - വൊ​ക്കേ​ഷ​ന​ൽ ട്രെ​യി​നി​ങ്​ സെൻറ​റു​ക​ൾ എ​ന്നി​വി​ട​ങ്ങ​ളി​ലെ വി​ദ്യാ​ർ​ഥി​ക​ളും ഇ​തി​ൽ​പെ​ടും.

വി​ദ്യാ​ർ​ഥി​ക​ളു​ടെ​യും അ​വ​രു​ടെ കു​ടും​ബാം​ഗ​ങ്ങ​ളു​ടെ​യും സു​ര​ക്ഷ​ക്ക് വാ​ക്‌​സി​ൻ സ്വീ​ക​രി​ക്ക​ണ​മെ​ന്നാ​ണ് മ​ന്ത്രാ​ല​യ​ങ്ങ​ളു​ടെ നി​ർ​ദേ​ശം. അ​ടു​ത്ത അ​ധ്യ​യ​ന​വ​ർ​ഷം മു​ത​ൽ പ​ഴ​യ അ​വ​സ്ഥ​യി​ലേ​ക്ക് വി​ദ്യാ​ഭ്യാ​സ സ്ഥാ​പ​ന​ങ്ങ​ൾ മ​ട​ങ്ങി​വ​രേ​ണ്ട​തു​ണ്ടെ​ന്നും അ​തി​ന്​ വാ​ക്‌​സി​നേ​ഷ​ൻ നി​ർ​ബ​ന്ധ​മാ​ണെ​ന്നും ഉ​ത്ത​ര​വി​ൽ പ​റ​യു​ന്നു.

വാ​ക്സി​ൻ എ​ടു​ക്കാ​ത്ത എ​ല്ലാ​വ​രോ​ടും ആ​ദ്യ​ഡോ​സ് സ്വീ​ക​രി​ക്ക​ൽ വേ​ഗ​ത്തി​ലാ​ക്ക​ണ​മെ​ന്നും മ​ന്ത്രാ​ല​ങ്ങ​ൾ അ​ഭ്യ​ർ​ഥി​ച്ചു. ആ​ദ്യ​ഡോ​സ് സ്വീ​ക​രി​ച്ചു 24 ദി​വ​സ​ത്തി​ന്​ ശേ​ഷം ര​ണ്ടാം ഡോ​സ്​ സ്വീ​ക​രി​ക്കാം. ആ​ഗ​സ്​​റ്റ്​ 29ന് ​സ്കൂ​ൾ വ​ർ​ഷം ആ​രം​ഭി​ക്കു​ന്ന​തി​ന് മു​മ്പ് വാ​ക്‌​സി​നേ​ഷ​ൻ പൂ​ർ​ത്തി​യാ​ക്ക​ണം.വി​ദ്യാ​ർ​ഥി​ക​ളു​ടെ വാ​ക്സി​നേ​ഷ​ൻ ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ ഇ​രു മ​ന്ത്രാ​ല​യ​ങ്ങ​ളും സം​യു​ക്ത​മാ​യി ന​ട​പ​ടി​ക​ൾ സ്വീ​ക​രി​ക്കും.