രോ​ഗ​പ്ര​തി​രോ​ധ​ശ്ര​മ​ങ്ങ​ളെ ഏ​കോ​പി​പ്പി​ക്കാ​ൻ ജി.​സി.​സി ആ​ഭ്യ​ന്ത​ര​മ​ന്ത്രി​മാ​രു​ടെ തീ​രു​മാ​നം

ജി​ദ്ദ: കോ​വി​ഡു​മാ​യി ബ​ന്ധ​പ്പെ​ട്ട ഏ​റ്റ​വും​പു​തി​യ സം​ഭ​വ​വി​കാ​സ​ങ്ങ​ൾ ജി.​സി.​സി രാ​ജ്യ​ങ്ങ​ളി​ലെ ആ​ഭ്യ​ന്ത​ര മ​ന്ത്രി​മാ​ർ ച​ർ​ച്ച​ചെ​യ്​​തു. വെ​ർ​ച്വ​ൽ സം​വി​ധാ​നം​വ​ഴി ന​ട​ത്തി​യ അ​ടി​യ​ന്ത​ര യോ​ഗ​ത് തി​ലാ​ണ് കോ​വി​ഡ്​ പ്ര​തി​രോ​ധ​ശ്ര​മ​ങ്ങ​ളെ ഏ​കോ​പി​പ്പി​ക്കാ​ൻ തീ​രു​മാ​ന​മെ​ടു​ത്ത​ത്.​

യു.​എ.​ഇ ഡെ​പ്യൂ​ട്ടി പ്ര​ധാ​ന​മ​ന്ത്രി​യും ആ​ഭ്യ​ന്ത​ര​മ​ന്ത്രി​യു​മാ​യ ജ​ന​റ​ൽ ശൈ​ഖ്​ സൈ​ഫ്​ ബി​ൻ സാ​ഇ​ദ്​ ആ​ലു ന ​ഹ്​​യാ​ൻ യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ചു. കോ​വി​ഡി​നെ തു​ട​ർ​ന്ന് ​​ജി.​സി.​സി രാ​ജ്യ​ങ്ങ​ളി​ലെ നി​ല​വി​ലെ അ​വ​സ്​​ഥ​ക​ൾ ച​ർ​ച്ച​ചെ​യ്​​തു. സൗ​ദി ആ​ഭ്യ​ന്ത​ര മ​ന്ത്രി അ​മീ​ർ അ​ബ്​​ദു​ൽ അ​സീ​സ്​ ബി​ൻ സ​ഉൗ​ദും ജി.​സി.​സി ജ​ന​റ​ൽ സെ​ക്ര​ട്ട​റി ഡോ. ​നാ​ഇ​ഫ്​ ഫ​ലാ​ഹ്​ മു​ബാ​റ​ക്കും യോ​ഗ​ത്തി​ൽ പ​െ​ങ്ക​ടു​ത്തി​രു​ന്നു.

കോ​വി​ഡ്​ വ്യാ​പ​നം ത​ട​യാ​ൻ സ്വീ​ക​രി​ച്ച സു​ര​ക്ഷ​ന​ട​പ​ടി​ക​ള​ട​ക്കം നി​ര​വ​ധി വി​ഷ​യ​ങ്ങ​ൾ യോ​ഗ​ത്തി​ൽ ച​ർ​ച്ച​ചെ​യ്​​തു. കോ​വി​ഡ്​​വ്യാ​പ​നം ത​ട​യു​ന്ന​തി​നു​ള്ള സു​ര​ക്ഷ​ശ്ര​മ​ങ്ങ​ളെ ഏ​കോ​പി​പ്പി​ക്കു​ന്ന​തി​നും ആ​വ​ശ്യ​മാ​കു​ന്ന സ​മ​യ​ത്ത്​ വെ​ർ​ച്വ​ൽ സം​വി​ധാ​നം​വ​ഴി ആ​ഭ്യ​ന്ത​ര മ​ന്ത്രാ​ല​യ പ്ര​തി​നി​ധി​ക​ളു​ടെ യോ​ഗം വി​ളി​ച്ചു​കൂ​ട്ടാ​നും ഒാ​രോ രാ​ജ്യ​വും കൈ​ക്കൊ​ണ്ട മു​ൻ​ക​രു​ത​ൽ ന​ട​പ​ടി​ക​ൾ സം​ബ​ന്ധി​ച്ച വി​വ​ര​ങ്ങ​ൾ അം​ഗ​രാ​ജ്യ​ങ്ങ​ൾ​ക്ക്​ കൈ​മാ​റാ​നും ജി.​സി.​സി ജ​ന​റ​ൽ സെ​ക്ര​േ​ട്ട​റി​യ​റ്റി​നെ യോ​ഗം ചു​മ​ത​ല​പ്പെ​ടു​ത്തി.

മു​ൻ​ക​രു​ത​ൽ, നി​യ​ന്ത്ര​ണ സം​വി​ധാ​ന​ങ്ങ​ൾ പ്ര​യോ​ഗി​ക്കു​ന്ന​തി​ലു​ള്ള വി​ജ​യ​ക​ര​മാ​യ അ​ന്താ​രാ​ഷ്​​ട്ര അ​നു​ഭ​വ​ങ്ങ​ൾ പ്ര​യോ​ജ​ന​പ്പെ​ടു​ത്താ​നും ധാ​ര​ണ​യാ​യി. കോ​വി​ഡ്​​വ്യാ​പ​നം ത​ട​യാ​ൻ ജി.​സി.​സി രാ​ജ്യ​ങ്ങ​ളും സു​ര​ക്ഷ ഉ​ദ്യോ​ഗ​സ്​​ഥ​രും ന​ട​ത്തി​വ​രു​ന്ന വ​ലി​യ ശ്ര​മ​ങ്ങ​ളെ യോ​ഗ​ത്തി​ൽ പ​െ​ങ്ക​ടു​ത്ത​വ​ർ പ്ര​ശം​സി​ച്ചു.