സൗദി നയതന്ത്രജ്ഞ വിദ്യാർഥികളോട് സംവദിച്ച് മന്ത്രി
text_fields
1 അമീർ സഊദ് അൽ-ഫൈസൽ ഇൻസ്റ്റിറ്റ്യൂട്ട് ഓഫ് ഡിപ്ലോമാറ്റിക് സ്റ്റഡീസിൽ ഇന്ത്യൻ വിദേശകാര്യമന്ത്രി ഡോ. എസ്. ജയശങ്കർ സംസാരിക്കുന്നു, 2 സദസിന്റെ ദൃശ്യം
റിയാദ്: പുതുതലമുറ നയതന്ത്രജ്ഞരെ വാർത്തെടുക്കുന്ന സൗദി ഇൻസ്റ്റിറ്റ്യൂട്ട് സന്ദർശിച്ച് ഇന്ത്യൻ വിദേശകാര്യമന്ത്രി ഡോ. എസ്. ജയശങ്കർ.
മന്ത്രി ഞായാറാഴ്ച രാവിലെ 9.30നാണ് അമീർ സഊദ് അൽ-ഫൈസൽ ഇൻസ്റ്റിറ്റ്യൂട്ട് ഓഫ് ഡിപ്ലോമാറ്റിക് സ്റ്റഡീസ് സന്ദർശിച്ചത്. സൗദി യുവതീയുവാക്കളിൽനിന്ന് മികച്ച ഭാവി നയതന്ത്രജ്ഞരെ പരിശീലിപ്പിച്ചെടുക്കുന്ന ഇൻസ്റ്റിറ്റ്യൂട്ടിൽ മന്ത്രി അവരെ അഭിസംബോധന ചെയ്തു.
ലോകം വഴിത്തിരിവിൽ നിൽക്കുന്ന ഈ സമയത്ത് ഇന്ത്യ-സൗദി തന്ത്രപരമായ ബന്ധത്തിന്റെ പ്രാധാന്യം അദ്ദേഹം അടിവരയിട്ട് പറഞ്ഞു. ഇരുരാജ്യങ്ങളും തമ്മിലുള്ള സഹകരണം വളർച്ച, സമൃദ്ധി, സ്ഥിരത, സുരക്ഷ, വികസനം എന്നിവയിൽ നേട്ടങ്ങളും വലിയ പ്രതീക്ഷകളുമാണ് നൽകുന്നതെന്നും അദ്ദേഹം കൂട്ടിച്ചേർത്തു. ഇന്ത്യൻ എംബസി ഉദ്യോഗസ്ഥർ മന്ത്രിയെ അനുഗമിച്ചു.