Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightഇന്ത്യ-സൗദി...

ഇന്ത്യ-സൗദി സൗഹൃദത്തിന്​ ശ്രുതിമധുരം പകർന്ന്​ ​'മെമ്മറീസ് ഓഫ് ലെജൻറ്‌സ്'

text_fields
bookmark_border
ഇന്ത്യ-സൗദി സൗഹൃദത്തിന്​ ശ്രുതിമധുരം പകർന്ന്​ ​മെമ്മറീസ് ഓഫ് ലെജൻറ്‌സ്
cancel
camera_alt

​‘മെമ്മറീസ് ഓഫ് ലെജൻറ്‌സ്’ സംഗീത നിശയുടെ ഉദ്​ഘാടന ചടങ്ങിൽനിന്ന്​

റിയാദ്‌: ഇന്ത്യ-സൗദി സൗഹൃദത്തിന്​ ശ്രുതി മധുരം പകർന്ന്​ റിയാദിൽ ഇന്ത്യൻ എംബസിയും ഗൾഫ്​ മാധ്യമവും ചേർന്നൊരുക്കിയ ​'മെമ്മറീസ് ഓഫ് ലെജൻറ്‌സ്' അരങ്ങേറി.

സദസ്​

ഇരുരാജ്യങ്ങളും തമ്മിലെ ചരിത്രപരമായ സൗഹൃദത്തി​െൻറയും ഇന്ത്യൻ സ്വാതന്ത്ര്യത്തി​െൻറയും പ്ലാറ്റിനം ജൂബിലി ആഘോഷത്തി​െൻറ ഭാഗമായി സംഘടിപ്പിക്കപ്പെട്ട സംഗീത നിശ ആസ്വദിക്കാൻ റിയാദ്​ ഇൻറർനാഷനൽ ഇന്ത്യൻ സ്​കൂൾ അങ്കണത്തിലേക്ക്​ സൗദിയുടെ വിവിധ ഭാഗങ്ങളിൽനിന്നെത്തിയത്​ പതിനായിരങ്ങൾ.

പവൻദീപ്​ രാജൻ പാടുന്നു

സൗദി അറേബ്യയുടെ 92-ാം ദേശീയദിനമായ വെള്ളിയാഴ്​ച തന്നെ അരങ്ങേറിയ പരിപാടി ആസ്വദിക്കാൻ സൗദി പൗരന്മാരുൾപ്പടെയുള്ളവർ എത്തിച്ചേർന്നു.

വൈകീട്ട്​ ഏഴിന്​ ആരംഭിച്ച പരിപാടി ഇന്ത്യൻ എംബസി സാമൂഹികക്ഷേമ വിഭാഗം മേധാവി എം.ആർ. സജീവ്​ ഉദ്​ഘാടനം ചെയ്​തു. ഗൾഫ്​ മാധ്യമം ചീഫ്​ എഡിറ്റർ വി.കെ. ഹംസ അബ്ബാസ്​ അധ്യക്ഷത വഹിച്ചു. മാധ്യമം ഗ്രൂപ്പ്​ സി.ഇ.ഒ പി.എം. സാലിഹ്​, ലുലു ഗ്രൂപ്പ്​ സൗദി ഡയറക്​ടർ ഷഹീം മുഹമ്മദ്​, ഹോട്​പാക്​ ഗ്രൂപ്പ്​ വൈസ്​ പ്രസിഡൻറ്​ സുഹൈൽ അബ്​ദുല്ല, സൗദി പോസ്​റ്റ്​ പ്രതിനിധി ഗല, ആസ്​റ്റർ സനദ്​ ഹോസ്​പിറ്റൽസ്​ സി.ഇ.ഒ ഡോ. അദ്​നാൻ അൽസഹ്​റാനി, ഫ്രണ്ടി മൊബൈൽ മാർക്കറ്റിങ്​ ഡയറക്​ടർ അസീസ്​ അമീൻ, ഗൾഫ്​ മാധ്യമം ആൻഡ്​ മീഡിയ വൺ എക്​സിക്യുട്ടീവ്​ കമ്മിറ്റി ചെയർമാൻ കെ.എം. ബഷീർ, ഗൾഫ്​ മാധ്യമം റിയാദ്​ രക്ഷാധികാരി താജുദ്ദീൻ എന്നിവർ ചടങ്ങിൽ സന്നിഹിതരായി.


യുംന അജിൻ പാടുന്നു


തുടർന്ന്​ പുതുകാല സെലിബ്രിറ്റി ഗായകൻ പവൻദീപ് രാജ​െൻറ നേതൃത്വത്തിൽ സംഗീത നിശ അര​ങ്ങേറി. പ്രശസ്​ത ഗായിക യുംന അജിനും​ പാടി. ഇന്ത്യൻ സംഗീതത്തിലെ ഇതിഹാസ ഗായകരായ മുഹമ്മദ് റഫി, ലതാ മ​​ങ്കേഷ്കർ, കിഷോർ കുമാർ എന്നിവർ പാടി അനശ്വരമാക്കിയതും കലാസ്വാദകരുടെ ഹൃദയങ്ങളിൽ പാടിപ്പതിഞ്ഞതും സഹൃദയർ ഏറ്റെടുത്ത പ്രശസ്​തവും ജനകീയവുമായ മറ്റ് ഗാനങ്ങളുമാണ്​ ആലപിച്ചത്​.

സദസ്​

ഇന്ത്യൻ സ്വാതന്ത്ര്യത്തിന്റെയും ഇന്ത്യ-സൗദി സൗഹൃദത്തിന്റെയും പ്ലാറ്റിനം ജൂബിലിക്ക് അഭിവാദ്യം അർപ്പിച്ച് റിയാദിലെ പോൾ സ്റ്റാർ ഗ്രൂപ്പിലെ നർത്തകർ നൃത്താവിഷ്കാരവും അവതരിപ്പിച്ചു.

Show Full Article
TAGS:Riyadh Memories of Legends 
Next Story