മെകുനു: ഏതുസാഹചര്യവും നേരിടാൻ സൗദി സജ്ജം

ജിദ്ദ: തെക്കൻ അറേബ്യയിൽ ആഞ്ഞുവീശുന്ന മെകുനു ചുഴലിക്കാറ്റി​െന നേരിടാൻ സൗദി സജ്ജമായി. ചില മേഖലകളിൽ വരും ദിവസങ്ങളിൽ മഴക്കും വെള്ളപ്പൊക്കത്തിനും സാധ്യതയുണ്ടെന്നാണ്​ കാലാവസ്​ഥ നിരീക്ഷണ കേന്ദ്രത്തി​​​​െൻറ വിലയിരുത്തൽ. ജനറൽ അതോറിറ്റി ഒാഫ്​ മീറ്റീറോളജിയുടെ മുന്നറിയിപ്പി​​​​െൻറ അടിസ്​ഥാനത്തിൽ വേണ്ട കരുതൽ നടപടികൾ സ്വീകരിച്ചതായി നജ്​റാൻ സിവിൽ ഡിഫൻസ്​ വക്​താവ്​ കാപ്​റ്റൻ അബ്​ദുൽ ഖാലിക്​ അലി അൽ ഖഹ്​താനി അറിയിച്ചു. ദേശീയ പ്രകൃതി ദുരന്ത മാനദണ്ഡ പ്രകാരമുള്ള ഉയർന്ന നിലയിലുള്ള മുന്നൊരുക്കങ്ങളാണ്​ ഇവിടെ സ്വീകരിച്ചിട്ടുള്ളത്​.

ശറൂറ ഗവർണറേറ്റിൽ ഏതുസാഹചര്യവും നേരിടാനുള്ള നടപടികൾ പൂർത്തിയായി. പ്രദേശവാസികൾ സൂക്ഷ്​മത പുലർത്തണമെന്നും യാത്രകളിൽ വാദികൾ ഒഴിവാക്കണമെന്നും അറിയിച്ചിട്ടുണ്ട്​. കാലാവസ്​ഥ നിരീക്ഷണവകുപ്പ്​ ഒാരോ മണിക്കൂറിലും പുറപ്പെടുവിക്കുന്ന മുന്നറിയിപ്പുകൾ ശ്രദ്ധിക്കുകയും അതിന്​ അനുസരിച്ച്​ പ്രവർത്തിക്കുകയും വേണം. മഴ പെയ്യു​േമ്പാൾ പരമാവധി വീടുകളിൽ തന്നെ കഴിയണം. നജ്​റാനിലും ശറൂറയിലും ഇന്നലെ വിവിധ വകുപ്പുകളുടെ രണ്ടുയോഗങ്ങൾ ചേർന്ന്​ സ്​ഥിതി ഗതികൾ വിലയിരുത്തി. 

തെക്കൻ അതിർത്തി മേഖലയിലെ ഖർഖിറിലും റൂബുൽഖാലി പ്രദേശത്തുമാണ്​ മഴ കാര്യമായി പെയ്യാൻ സാധ്യതയുള്ളത്​. മഴക്കും മണിക്കൂറിൽ 170 കിലോമീറ്റർ വരെ വേഗത്തിൽ കാറ്റിനും സാധ്യതയുണ്ടെന്ന്​ കാലാവസ്​ഥ നിരീക്ഷണ വകുപ്പ്​ വക്​താവ്​ ഹുസൈൻ അൽ ഖഹ്​താനി അറിയിച്ചു.റിയാദിന്​ വടക്ക്​ ഭാഗത്തെ ആശുപത്രികൾക്ക്​ ആരോഗ്യ ഡയറക്​ട്രേറ്റ്​ കഴിഞ്ഞ ദിവസം അടിയന്തിര ജാഗ്രതാ നിർദേശം നൽകിയിരു​ന്നു​. ഹൂത ബനീ തമീം, ഹരീഖ്​, അഫ്​ലാജ്​, സുലൈൽ, വാദിദവാസിർ എന്നിവിടങ്ങളിലെ ആശുപത്രികളിലെ അടിയന്തിര, ദുരന്തനിവാരണ, ആംബുലൻസ്​ സേവന വകുപ്പുകളോട്​ ജാഗ്രതപുലർത്താൻ  ആവശ്യപ്പെട്ടിട്ടുണ്ട്​.