ഖത്തർ അതിർത്തിയിൽ മെഗാകനാൽ പദ്ധതി സൗദിയുടെ ആലോചനയിൽ

ജിദ്ദ: ഖത്തർ അതിർത്തിയിൽ മെഗാ കനാൽ പദ്ധതി സൗദി അറേബ്യയുടെ ആ​േലാചനയിൽ. ഒമ്പതുകമ്പനികൾ അടങ്ങിയ സൗദി നിക്ഷേപക ക​ൺസോർഷ്യത്തി​​​​െൻറ നേതൃത്വത്തിൽ നടപ്പാക്കാനുദ്ദേശിക്കുന്ന ടൂറിസം പദ്ധതി ഒൗദ്യോഗിക അംഗീകാരത്തിനായി സമർപ്പിച്ചിരിക്കുകയാണ്​. അനു​മതി ലഭിച്ചാൽ ഒരുവർഷത്തിനുള്ളിൽ പദ്ധതി പൂർത്തിയാകുമെന്ന്​ ‘സബഖ്​’ റിപ്പോർട്ട്​ ചെയ്​തു. സൗദി അറേബ്യയുടെ കിഴക്കൻ തീരത്ത്​ ഖത്തർ അതിർത്തിയിലാണ്​ 200 മീറ്റർ വീതിയിലുള്ള കനാൽ പരിഗണിക്കുന്നത്​. സൗദി^ഖത്തർ അതിർത്തി കവാടമായ സൽവ മുതൽ അതിർത്തി അവസാനിക്കുന്ന ഖൗർ അൽ ഉദൈദ്​ വരെ 60 കിലോമീറ്ററിലാണ്​ കനാൽ കുഴിക്കുക. 15 മുതൽ 20 മീറ്റർ വരെ ആഴത്തിൽ നിർമിക്കുന്ന കനാൽ വഴി കണ്ടെയ്​നർ, യാത്ര കപ്പലുകൾ ഉൾപ്പെടെ എല്ലാത്തരം നാവികയാനങ്ങൾക്കും സഞ്ചരിക്കാനാകും. മൊത്തം 280 കോടി റിയാൽ ചെലവാണ്​ പ്രതീക്ഷിക്കുന്നത്​. ഭാവിയിൽ വൻ ടൂറിസം വികസനത്തിന്​ കളം തെളിയുന്ന ഇൗ 60 കിലോമീറ്ററിലെ ഏക തടസം ഖത്തർ അതിർത്തിയിലെ മരുഭൂമി മേഖലയാണ്​. ഇൗ 60 കിലോമീറ്ററിലും കനാൽ വരുന്നതോടെ ഖത്തർ  ഒരു പൂർണ ദ്വീപാകും.

പദ്ധതിക്ക്​ അനുമതി ലഭിച്ചാൽ അതിർത്തി മേഖല പൂർണമായും ‘മിലിറ്ററി സോൺ’ ആക്കി മാറ്റും. കനാൽ വശങ്ങളിൽ വൻകിട റിസോർട്ടുകൾ ഉയരും. പ്രൈവറ്റ്​ ബീച്ചുകളും മറ്റ്​ ആധുനിക സംവിധാനങ്ങളും ഉള്ളതായിരിക്കും ഒാരോ റിസോർട്ടും. ഇതിന്​ പുറമേ അഞ്ച്​ വൻകിട ഹോട്ടലു​കളും സ്​ഥാപിക്കും. സൽവ, സികാക്​, ഖൗർ അൽഉദൈദ്​ എന്നിവിടങ്ങളിൽ ഒാരോന്നും റാസ്​ അബുഖമീസിൽ രണ്ടും. റാസ്​ അബുഖമീസിൽ നിലവിലുള്ള തുറമുഖത്തിന്​ പു​റമേ, സൽവയിലും ഉഖ്​ലത്​ അൽസുവൈദിലും പുതിയ തുറമുഖങ്ങൾ നിർമിക്കും. നാവിക വിനോദങ്ങൾക്കും കായികാഭ്യാസങ്ങൾക്കും ഉപകരിക്കുന്ന നിലയിലും ആഡംബര നൗകകൾക്ക്​ അടുക്കാനും കനാലിന്​ ഇരുകരയിലും വൻ വാർഫുകളും പദ്ധതിയുടെ ഭാഗമാണ്​. 

സൗദിയുടെ പടിഞ്ഞാറൻ കരയിൽ ചെങ്കടലിൽ തുടങ്ങാനിരിക്കുന്ന ‘നിയോം’ ഉൾപ്പെടെ കൂറ്റൻ പദ്ധതികളു​െട ചുവടുപിടിച്ചാണ്​ അറേബ്യൻ ഉൾക്കടലിലെ ഇൗ കനാൽ പദ്ധതിയും തയാറാക്കിയിരിക്കുന്നത്​. ഇതുപൂർത്തിയാകുന്നതോടെ എല്ലാഗൾഫ്​ രാജ്യങ്ങളെയും ബന്ധിപ്പിക്കുന്ന നാവിക വി​േനാദസഞ്ചാരത്തി​​​​െൻറ പ്രധാന ഇടനാഴിയായി ഇൗ മേഖല മാറും. പ്രദേശത്തി​​​​െൻറ സവിശേഷതകൾ കാരണമാണ്​ ഇതുതന്നെ തെര​െഞ്ഞടുത്തത്​. തടസമേതുമില്ലാത്ത മണൽപ്പരപ്പും പർവതങ്ങളുടെയോ കുന്നുക​ളുടെയോ സാന്നിധ്യമില്ലായ്​മയും അനുകൂല ഘടകങ്ങളായി. ജനവാസ, കാർഷിക മേഖലകളുമില്ല. അതുകൊണ്ടു തന്നെ കനാൽ ഖനനം അനായാസം പൂർത്തിയാക്കാനാകുമെന്നാണ്​ കണക്കുകൂട്ടൽ. 295 മീറ്ററിൽ താഴെ നീളം, 33 മീറ്റർ വീതി, ജലോപരിതലത്തിൽ നിന്ന്​ 12 മീറ്റർ താഴ്​ച എന്നിവ​യുള്ള ഏതുകപ്പലിനും കനാൽ വഴി അനായാസം സഞ്ചരിക്കാനാകും.