മൈ​ലാ​ഞ്ചി ചോ​പ്പ​ണി​ഞ്ഞ് ‘മീ​ഫ്ര​ണ്ട് ഫൗ​രി ഈ​ദ് മെ​ഹ്ഫി​ൽ 2024’

റി​യാ​ദ്: പെ​രു​ന്നാ​ളാ​ഘോ​ഷ​ത്തി​ന് സ​മാ​പ​നം കു​റി​ച്ച് ലു​ലു റി​യാ​ദ് അ​വ​ന്യൂ​വി​ൽ അ​ര​ങ്ങേ​റി​യ ‘മീ​ഫ്ര​ണ്ട് ഫൗ​രി ഈ​ദ് മെ​ഹ്ഫി​ൽ 2024’ പ​രി​പാ​ടി​യി​ൽ മൈ​ലാ​ഞ്ചി​യ​ണി​ഞ്ഞ മൊ​ഞ്ച​ത്തി​മാ​രു​ടെ നീ​ണ്ട​നി​ര. മെ​ഹ​ന്തി മ​ത്സ​ര​ത്തി​ന്റെ ഭാ​ഗ​മാ​യാ​ണ് ക​ര​വി​രു​തു​ള്ള 20 പെ​ൺ​കൊ​ടി​ക​ൾ വേ​ദി​യി​ൽ അ​ണി​നി​ര​ന്ന​ത്. വ്യ​ത്യ​സ്ത രൂ​പ​ഭാ​വ​ങ്ങ​ളി​ൽ കൈ​വെ​ള്ള​യി​ൽ അ​ണി​യി​ച്ചൊ​രു​ക്കി​യ മാ​തൃ​ക​ക​ൾ, ഈ ​രം​ഗ​ത്ത് അ​വ​രു​ടെ പ്രാ​വീ​ണ്യ​വും ഒ​പ്പം ഭാ​വ​ന​യും ഒ​രു​മി​ച്ച് വി​ളം​ബ​രം ചെ​യ്യു​ന്ന​താ​യി​രു​ന്നു. പ്രാ​ചീ​ന കാ​ലം​തൊ​ട്ട് സ്ത്രീ ​സൗ​ന്ദ​ര്യ​ത്തി​ന്റെ​യും ആ​ഘോ​ഷ​ങ്ങ​ളു​ടെ​യും ഭാ​ഗ​മാ​ണ് മൈ​ലാ​ഞ്ചി. പെ​രു​ന്നാ​ൾ, വി​വാ​ഹം എ​ന്നീ സ​ന്ദ​ർ​ഭ​ങ്ങ​ളി​ൽ പ്ര​ത്യേ​ക ച​ട​ങ്ങു​ക​ൾ ത​ന്നെ ന​ട​ത്തു​ന്ന​വ​രാ​ണ് മ​ല​യാ​ളി മ​ങ്ക​മാ​ർ.

ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലെ​യും മ​ധ്യ പൗ​ര​സ്ത്യ ദേ​ശ​ത്തെ​യും കൂ​ടാ​തെ ആ​ഫ്രി​ക്ക​യി​ലെ​യും ജ​ന​ങ്ങ​ൾ മൈ​ലാ​ഞ്ചി ഉ​പ​യോ​ഗി​ച്ചി​രു​ന്നു. മൈ​ലാ​ഞ്ചി ക​ല്യാ​ണ​വും മൈ​ലാ​ഞ്ചി​പ്പാ​ട്ടു​ക​ളും ന​മ്മു​ടെ നാ​ടു​ക​ളി​ലും പ്രി​യ​പ്പെ​ട്ട​താ​ണ്. ഇ​ല​ക​ൾ അ​ര​ച്ചെ​ടു​ത്ത കു​ഴ​മ്പി​ന് പ​ക​രം ട്യൂ​ബ് മൈ​ലാ​ഞ്ചി വി​പ​ണി​യി​ലെ​ത്തി​യ​പ്പോ​ൾ പ​തി​വ് രൂ​പ​ക​ൽ​പ​ന​ക​ളെ പു​റ​ന്ത​ള്ളി ഭാ​വ​ന​യു​ടെ പു​തി​യ മേ​ച്ചി​ൽ​പു​റ​ങ്ങ​ളി​ലേ​ക്ക് സ​ഞ്ച​രി​ക്കു​ക​യാ​യി​രു​ന്നു. ഇ​ന്ന് ഇ​തി​നാ​യി പ്ര​ഫ​ഷ​ന​ലു​ക​ളും ബ്യൂ​ട്ടീ​ഷ്യ​ൻ​മാ​രും രം​ഗ​ത്തു​ള്ള വി​പ​ണി​മൂ​ല്യ​മു​ള്ള ഒ​രി​ട​മാ​യി വി​ക​സി​ച്ചി​രി​ക്കു​ന്നു. മ​ല​യാ​ളി​ക​ളാ​യ ഹെ​ന്ന ഡി​സൈ​ന​ർ​മാ​ർ ഇ​ന്ന് സൗ​ദി അ​റേ​ബ്യ​യി​ൽ ധാ​രാ​ള​മു​ണ്ട്. ഇ​ൻ​സ്റ്റ​യി​ലൂ​ടെ​യും ഫേ​സ്ബു​ക്കി​ലൂ​ടെ​യു​മാ​ണ് ഉ​പ​ഭോ​ക്താ​ക്ക​ൾ ഇ​വ​രെ തേ​ടി​യെ​ത്തു​ന്ന​ത്. കു​ടും​ബ​ങ്ങ​ളി​ലെ വി​ശേ​ഷ ദി​ന​ങ്ങ​ളി​ലും സ​ന്ദ​ർ​ഭ​ങ്ങ​ളി​ലും സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും മൈ​ലാ​ഞ്ചി ചു​വ​പ്പി​ക്കു​ന്ന​ത് ഇ​വ​രാ​ണ്.

‘മീ​ഫ്ര​ണ്ട് ഫൗ​രി ഈ​ദ് മെ​ഹ്ഫി​ൽ 2024’ പ​രി​പാ​ടി​യി​ൽ ല​ഭി​ച്ച നൂ​റോ​ളം എ​ൻ​ട്രി​ക​ളി​ൽ നി​ന്ന് തി​ര​ഞ്ഞെ​ടു​ക്ക​പ്പെ​ട്ട 20 പേ​രാ​ണ് റി​യാ​ദി​ൽ അ​വ​സാ​ന റൗ​ണ്ടി​ൽ എ​ത്തി​യ​ത്. ഇ​ന്ത്യ​ൻ അ​റ​ബ് ശൈ​ലി​ക​ളി​ലു​ള്ള മാ​തൃ​ക​ക​ളാ​ണ് മ​ത്സ​ര​ത്തി​ൽ ഉ​ള്ള​ട​ക്ക​മാ​യി സ്വീ​ക​രി​ച്ച​ത്. ചി​ല​ർ സ്വ​ന്തം കൈ​യി​ലും ബാ​ക്കി​യു​ള്ള​വ​ർ കൂ​ടെ ക​രു​തി​യ ആ​ളി​ന്റെ കൈ​ക​ളി​ലു​മാ​ണ് ത​ന്റെ ക​ലാ പ്രാ​വീ​ണ്യം അ​നാ​വ​ര​ണം ചെ​യ്ത​ത്. കൈ​യ​ട​ക്ക​ത്തി​ന്റെ​യും ക​ര​വി​രു​തി​ന്റെ​യും മ​നോ​ഹ​ര​മാ​യ ദൃ​ശ്യ​ങ്ങ​ളാ​ണ് മ​ത്സ​രാ​ർ​ത്ഥി​ക​ൾ കാ​ഴ്ച വെ​ച്ച​ത്. റു​ഫി​യ റി​യാ​സ് ഒ​ന്നാം സ്ഥാ​ന​വും ആ​യി​ഷ ജം​ഷി​ദ്, ഫാ​ത്തി​മ സ​ബ എ​ന്നി​വ​ർ ര​ണ്ടും മൂ​ന്നും സ്ഥാ​ന​വും ക​ര​സ്ഥ​മാ​ക്കി. ഈ ​രം​ഗ​ത്ത് നൈ​പു​ണ്യ​മു​ള്ള അ​റി​യ​പ്പെ​ടു​ന്ന മെ​ഹ​ന്തി ക​ലാ​കാ​രി​ക​ളാ​യ ഷ​ഹ​നാ​സ് ഷെ​റി​ൻ, റോ​സ്ന ഷ​ജി​ൽ, നി​ഹാ​ല പ​ർ​വി​ൻ എ​ന്നി​വ​രാ​ണ് മൂ​ല്യ​നി​ർ​ണ​യ​ത്തി​ൽ പ​ങ്കെ​ടു​ത്ത​ത്. മ​ത്സ​രം മി​ക​ച്ച നി​ല​വാ​രം പു​ല​ർ​ത്തി​യെ​ന്ന് വി​ധി​ക​ർ​ത്താ​ക്ക​ൾ അ​ഭി​പ്രാ​യ​പ്പെ​ട്ടു. സാ​ബി​റ ല​ബീ​ബ്, ന​സീ​റ റ​ഫീ​ഖ് എ​ന്നി​വ​ർ മ​ത്സ​ര​ങ്ങ​ൾ നി​യ​ന്ത്രി​ച്ചു.