മഹ്​മൂദ്​ അബ്ബാസ്​ റിയാദിൽ; സൽമാൻ രാജാവിനെ കണ്ടു

റിയാദ്​: ഫലസ്​തീൻ പ്രസിഡൻറ്​ മഹ്​മൂദ്​ അബ്ബാസ്​ റിയാദിലെത്തി സൽമാൻ രാജാവുമായി കൂടിക്കാഴ്​ച നടത്തി.ഇസ്രയേലി​​െൻറ തലസ്​ഥാനമായി ജറൂസലം പട്ടണത്തെ അമേരിക്ക അ​ംഗീകരിച്ചതിനെ തുടർന്നുള്ള സംഭവവികാസങ്ങൾ ചർച്ച ചെയ്യാനാണ്​ അദ്ദേഹം എത്തിയത്​. സൽമാൻ രാജാവുമായി തലസ്​ഥാനത്തെ അൽയമാമ കൊട്ടാരത്തിൽ നടന്ന കൂടിക്കാഴ്​ചയിൽ ഇൗ വിഷയങ്ങൾ ചർച്ചയായതായി പ്രാദേശിക മാധ്യമങ്ങൾ റിപ്പോർട്ട്​ ചെയ്​തു. വിദേശകാര്യ മന്ത്രി ആദിൽ ജുബൈർ ഉൾപ്പെടെയുള്ള പ്രമുഖർ ചർച്ചയിൽ പങ്കാളികളായി.നേരത്തെ, അമേരിക്കയുടെ നീക്കത്തിൽ കടുത്ത അതൃപ്​തി പ്രകടിപ്പിച്ച സൗദി അറേബ്യ തീരുമാനത്തിൽ നിന്ന്​ പിൻമാറണമെന്ന്​ ആവശ്യപ്പെട്ടിരുന്നു.