ഹൂതികളിൽ നിന്ന്​ ഫ്രഞ്ച്​  മാധ്യ​മപ്രവർത്തകരെ സഖ്യസേന രക്ഷിച്ചു

റിയാദ്​: യമനിലെ ഹൂതി വിമതരുടെ പിടിയിലായ രണ്ടു ഫ്രഞ്ച്​ വനിത മാധ്യമപ്രവർത്തകരെ സൗദി അറേബ്യയുടെ നേതൃത്വത്തിലുള്ള സഖ്യസേന മോചിപ്പിച്ചു.
 ഇരുവരെയും ഇന്നലെ റിയാദ്​ വ്യോമതാവളത്തിൽ എത്തിച്ചു. െഎക്യരാഷ്​ട്ര സഭയുടെ റിലീഫ്​ പ്രവർത്തനങ്ങളായി വന്ന വിമാനത്തിൽ ഇൗമാസം ആദ്യമാണ്​ രണ്ടുപേരും യമനിലെത്തിയത്​. ​

ഹൂതി നിയന്ത്രണത്തിലുള്ള സഅദ പ്രവിശ്യയിലേക്കാണ്​ ഇവർ ആദ്യം പോയത്​. സഅദയിൽ നിന്ന്​ ഹജ്ജ പ്രവിശ്യയിലേക്കുള്ള യാത്രക്കിടെ ഇവർ ഹൂതികളുടെ പിടിയിലായി. ഇതിൽ ഒരു മാധ്യമപ്രവർത്തക അക്രമത്തിനിരയായതായി വിമതസംഘത്തലവനായ അലി അബ്​ദുല്ല സാലിഹി​​െൻറ നിയന്ത്രണത്തിലുള്ള വെബ്​സൈറ്റ്​ നേരത്തെ അറിയിച്ചിരുന്നു. ഇവരുടെ കാമറ പിടി​ച്ചെടുത്ത സംഘം ചിത്രങ്ങൾ മായ്​ച്ചുകളയുകയും ചെയ്​തു. ഇവരെ മോചിപ്പിച്ച നടപടിയുടെ വിശദാംശങ്ങൾ പുറത്തുവിട്ടിട്ടില്ല.