‘നാമെങ്ങനെ മാതൃകയാകും’  ജിദ്ദയിൽ ഇന്ന്​ വാഹന റാലി 

ജിദ്ദ: ‘നാമെങ്ങനെ മാതൃകയാകും’ കാമ്പയി​​​െൻറ ഭാഗമായി മക്ക സാംസ്​കാരിക ഫോറം സംഘടിപ്പിക്കുന്ന വാഹനറാലി ഇന്ന്​ ജിദ്ദയിൽ നടക്കും.ജിദ്ദ കിങ് അബ്​ദുല്ല സ്​പോർട്സ്​ സിറ്റിയിൽ നിന്നാണ് വാഹനറാലി ആരംഭിക്കുകയെന്ന്  ട്രാഫിക് മേധാവിയും പരിപാടിയുടെ സൂപർവൈസറുമായ ജനറൽ സുലൈമാൻ സകരി വ്യക്തമാക്കി. അഞ്ച് മണിക്ക് റാലി പുറപ്പെടും. കോർണിഷ് റോഡിലൂടെ കടന്ന്​ റാലി കിങ് അബ്​ദുൽ അസീസ്​ റോഡിലേക്ക് പ്രവേശിക്കും.

പിന്നീട് അൽസലാം തുരങ്കം വഴി കിങ് അബ്​ദുല്ല സ്​പോർട്സ്​ സിറ്റിയിൽ തിരിച്ചെത്തുമെന്നും ട്രാഫിക് മേധാവി പറഞ്ഞു. 56 ഓളം ഗവൺമ​​െൻറ്​, സ്വകാര്യ വകുപ്പുകളുടെ പങ്കാളിത്തത്തോടെയാണ്​ റാലി. കാമ്പയി​​​െൻറ സന്ദേശം ജനങ്ങളിലെത്തിക്കുകയാണ്  ലക്ഷ്യം. റാലിയിൽ പങ്കെടുക്കുന്ന വാഹനങ്ങൾ പുതുമയാർന്നതും കാമ്പയിൻ സന്ദേശം പ്രചരിപ്പിക്കുന്ന നിലയിൽ അലങ്കരിച്ചതുമായിരിക്കും. ആദ്യമായാണ് ജിദ്ദയിൽ ഇങ്ങനെയൊരു വാഹന റാലി സംഘടിപ്പിക്കുന്നത്.