Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightഹറമുകളിൽ പൂർണ തോതിൽ...

ഹറമുകളിൽ പൂർണ തോതിൽ വിശ്വാസികളെ പ്രവേശിപ്പിച്ച്​ തുടങ്ങി, സാമൂഹിക അകലത്തിനുള്ള സ്റ്റിക്കറുകൾ മാറ്റി

text_fields
bookmark_border
ഹറമുകളിൽ പൂർണ തോതിൽ വിശ്വാസികളെ പ്രവേശിപ്പിച്ച്​ തുടങ്ങി, സാമൂഹിക അകലത്തിനുള്ള സ്റ്റിക്കറുകൾ മാറ്റി
cancel
camera_alt

പൂർണ തോതിൽ വിശ്വാസികളെ പ്രവേശിപ്പിക്കാൻ തുടങ്ങിയതോടെ ഞായറാഴ്​ച രാവിലെ പ്രഭാത നമസ്​കാരത്തിനെത്തിയവർ

ജിദ്ദ: മക്കയിലെയും മദീനയിലെയും ഹറമുകളിൽ വിശ്വാസികളെ പൂർണ തോതിൽ പ്രവേശിപ്പിച്ച്​ തുടങ്ങി. ഇരു പള്ളികളിലെയും ഉൾക്കൊള്ളൽ ശേഷിക്ക്​ അനുസരിച്ച്​ മുഴുവനാളുകളെയും ഇന്ന്​ രാവിലെ മുതലാണ്​ പ്രവേശിപ്പിച്ചത്​. കോവിഡ്​ മാനദണ്ഡ പ്രകാരമുള്ള സാമൂഹിക അകല നിബന്ധന പൂർണമായും പിൻവലിച്ചു. ഇരു ഹറമുകൾക്കുള്ളിലും അങ്ങനെ സാമൂഹിക അകലം പാലിക്കാൻ നിർദേശിച്ച്​ നിശ്ചിത അകലം നിശ്ചയിച്ച്​​ ഒട്ടിച്ചിരുന്ന സ്​റ്റിക്കറുകൾ മുഴുവൻ നീക്കം ചെയ്​തു.

രാജ്യത്ത്​ കോവിഡ്​ വ്യാപനമുണ്ടായതിനെ തുടർന്ന്​ ഏർപ്പെടുത്തിയ ആരോഗ്യമുൻകരുതൽ നിയന്ത്രണങ്ങൾ ഒന്നര വർഷത്തിന്​ ശേഷം ലഘൂകരിക്കുകയാണ്​. ഇതി​െൻറ ഭാഗമായാണ്​ സാമൂഹിക അകല പാലന ചട്ടം ഒഴിവാക്കിയതും ഉൾക്കൊള്ളൽ ശേഷിക്ക്​ അനുസരിച്ച്​ മുഴുവനാളുകളെയും പ്രവേശിക്കാൻ അനുവദിച്ചതും. കൂടുതൽ പേർക്ക്​ ത്വവാഫ്​ ചെയ്യാൻ സാധിക്കുന്നതിനായി മക്ക മസ്​ജിദുൽ ഹറാമിൽ കഅ്​ബയോട്​ ചേർന്ന്​ ചുറ്റും സ്ഥാപിച്ച​ പ്ലാസ്​റ്റിക്​ ബാരികേഡുകളും നീക്കം ചെയ്​തിട്ടുണ്ട്​.

മക്ക ഹറമിൽ സാമൂഹിക അകലം പാലിക്കുന്നതിന്​ ഒട്ടിച്ച സ്​റ്റിക്കറുകൾ നീക്കം ചെയ്യുന്നു

ഇരുഹറമുകളുടെയും പൂർണ ശേഷിയിൽ തീർഥാടകരെയും നമസ്​കരിക്കാനെത്തുന്നവരെയും സ്വീകരിക്കാൻ ഞായറാഴ്​ച പ്രഭാത നമസ്​കാരം മുതലാണ്​ നടപടി ആരംഭിച്ചത്​​. നമസ്​കാര വേളയിൽ സാമൂഹിക അകലം പാലിക്കുന്ന രീതി പൂർണമായും മാറ്റി​. ഇത്തരം നിയന്ത്രണങ്ങളും നിബന്ധനകളും പാലിക്കാൻ ആവശ്യപ്പെട്ട്​ മസ്​ജിദുൽ ഹറാമിൽ പതിച്ചിരുന്ന മുഴുവൻ സ്​റ്റിക്കറുകളും നീക്കം ചെയ്​തതായി ക്രൗഡ്​ മാനേജ്​മെൻറ്​ വകുപ്പ്​ അണ്ടർ സെക്രട്ടറി എൻജി. ഉസാമ ബിൻ മൻസുർ ഹുജൈലി പറഞ്ഞു.

കഅ്​ബക്ക്​ ചുറ്റും സ്ഥാപിച്ച പ്ലാസ്​റ്റിക്​ ബാരിക്കേഡുകൾ നീക്കം ചെയ്യുന്നു




Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Masjid al-Haram
Next Story