മരണം

മരണം എന്റെ

കൺപോളകൾ എന്നേക്കുമായി

താഴ്ത്തിവെച്ചു

ജീവശ്വാസം

ആവശ്യമില്ലെന്നറിഞ്ഞ്

എന്റെ നാസദ്വാരങ്ങൾ

അടച്ചു

ഇനിയെനിക്കൊന്നും

മൊഴിയാനില്ലെന്നറിഞ്ഞ്

എന്റെ താടിയെല്ലുകൾ

ഭദ്രമായി കെട്ടിവെച്ചു

ഇനി ചലിക്കില്ലെന്നറിഞ്ഞ്

എന്റെ കാൽവിരലുകൾ

കൂട്ടിക്കെട്ടി

സ്വയം അണിഞ്ഞൊരുങ്ങാൻ

ആവതില്ലെന്നറിഞ്ഞാരോ വെള്ളയിൽ

പുതപ്പിച്ചു

ആരുടെയും ആരുമല്ലെന്നറിഞ്ഞ

എന്റെ ഹൃദയത്തുടിപ്പുകൾ

പാടേനിലച്ചു, പക്ഷേ

യഥേഷ്ടം പറന്നുനടക്കുന്ന

എന്റെ സ്വപ്നങ്ങൾ പിടിച്ചുകെട്ടാൻമാത്രം

ആർക്കും ആവതുണ്ടായിരുന്നില്ല...

സൗദിയിലെ പ്രവാസി മലയാളികളുടെ രചനകൾ (ലേഖനം, അനുഭവക്കുറിപ്പുകൾ, കവിത, ചെറുകഥ, വരകൾ, യാത്രാവിവരണം തുടങ്ങിയവ) പ്രസിദ്ധീകരിക്കുന്നതിനുള്ള ഇടമാണ്​ ആർട്​സ്​ ക്ലബ്​.രചനകൾ അയക്കേണ്ട വിലാസം- saudiinbox@gulfmadhyamam.net