മഞ്ചേരി സ്വദേശി റിയാദിൽ ഹൃദയാഘാതം മൂലം മരിച്ചു

റിയാദ്​: ഹൃദയാഘാതം മൂലം മലയാളി റിയാദിലെ ആശുപത്രിയിൽ മരിച്ചു. ദല്ല ആശുപത്രിയിൽ ചികിത്സയിൽ കഴിഞ്ഞിരുന്ന മലപ്പുറം മഞ്ചേരി കസാലക്കുന്നു സ്വദേശി ചെറുകാട്ടിൽ അബ്​ദുൽ ഹകീം (55) ആണ് മരിച്ചത്.

മൂന്ന്​ മാസം മുമ്പാണ് അവസാനമായി നാട്ടിൽ പോയിവന്നത്. പിതാവ്: പരേതനായ സൈദലവി, മാതാവ്: ഫാത്തിമ, ഭാര്യ: ഹസനത്ത്. മക്കൾ: ഹന്ന ഫാത്തിമ (പ്ലസ്​ വൺ വിദ്യാർഥി), മുഹമ്മദ് ഹന്നാൻ (ഒമ്പതാം ക്ലാസ്​ വിദ്യാർഥി), ഇസ ഫാത്തിമ (ഏഴാം ക്ലാസ്​ വിദ്യാർഥി). സഹോദരൻ സാലി റിയാദിലുണ്ട്​. മൃതദേഹം റിയാദിൽ ഖബറടക്കും. സഹോദരനോടൊപ്പം റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ചെയർമാൻ റഫീഖ് പുല്ലൂരും മരണാനന്തര നടപടികൾ പൂർത്തീകരിക്കൻ രംഗത്തുണ്ട്​.