ജീ​സാ​നി​ൽ മാ​മ്പ​ഴ ഉ​ത്സ​വം ആ​രം​ഭി​ച്ചു

മു​ഹ​മ്മ​ദ് ഇ​സ്മാ​ഈ​ൽ മാ​നു

ജീ​സാ​ൻ: മ​ധു​ര​ത്തി​ലും നി​റ​ത്തി​ലും മ​ണ​ത്തി​ലും ജാ​തി​യി​ലും വൈ​വി​ധ്യ​മു​ള്ള മാ​മ്പ​ഴ​ങ്ങ​ളു​ടെ ഉ​ത്സ​വ​ത്തി​ന് ജീ​സാ​നി​ൽ തു​ട​ക്കം. മാ​മ്പ​ഴ​ങ്ങ​ളു​ടെ വൈ​വി​ധ്യം പ​രി​ച​യ​പ്പെ​ടു​ത്താ​നും ആ​വ​ശ്യ​മു​ള്ള​വ​ർ​ക്ക് വാ​ങ്ങാ​നും സു​വ​ർ​ണാ​വ​സ​ര​മേ​കി​യ മാ​മ്പ​ഴോ​ത്സ​വം ജീ​സാ​ന് സ​മീ​പം സ​ബി​യ​യി​ലാ​ണ് അ​ര​ങ്ങേ​റു​ന്ന​ത്.

സ​ബി​യ കി​ങ് ഫ​ഹ​ദ് പാ​ർ​ക്കി​ൽ ജീ​സാ​ൻ ഗ​വ​ർ​ണ​ർ അ​മീ​ർ മു​ഹ​മ്മ​ദ് ബി​ൻ നാ​സ​ർ ഉ​ദ്ഘാ​ട​നം ചെ​യ്തു. 45 തോ​ട്ട​ങ്ങ​ളി​ൽ​നി​ന്നു​ള്ള വി​വി​ധ ത​രം പ​ഴ​വ​ർ​ഗ​ങ്ങ​ൾ വി​വി​ധ സ്റ്റാ​ളു​ക​ളി​ൽ പ്ര​ദ​ർ​ശ​ന​ത്തി​നു​ണ്ട്. മാ​ങ്ങ, പ​പ്പാ​യ, വാ​ഴ​പ്പ​ഴം, അ​ത്തി​പ്പ​​ഴം, പേ​ര​ക്ക തു​ട​ങ്ങി​യ വി​വി​ധ ഇ​ന​ങ്ങ​ൾ ല​ഭ്യ​മാ​ണ്. ജീ​സാ​ൻ മേ​ഖ​ല​യി​ൽ ഏ​റ്റ​വും കൂ​ടു​ത​ൽ മാ​മ്പ​ഴ​ത്തോ​ട്ട​മു​ള്ള​ത് സ​ബി​യ​യി​ൽ ആ​ണ്. നി​ല​വി​ൽ 10 ല​ക്ഷ​ത്തോ​ളം മാ​വു​ക​ളാ​ണ് ജീ​സാ​നി​ലെ വി​വി​ധ തോ​ട്ട​ങ്ങ​ളി​ൽ ഉ​ള്ള​ത്. ഹി​ന്ദി, സെ​ൻ​സേ​ഷ​ൻ, തോ​മി, സു​ഡാ​നി, ജി​ല​ൻ തു​ട​ങ്ങി​യ​വ​യാ​ണ് ഇ​വി​ടെ​യു​ള്ള പ്ര​ധാ​ന മാ​മ്പ​ഴ ഇ​ന​ങ്ങ​ൾ. 1973ലാ​ണ് സൗ​ദി കാ​ർ​ഷി​ക റി​സ​ർ​ച് കേ​ന്ദ്ര​ത്തി​ന്റെ ആ​ഭി​മു​ഖ്യ​ത്തി​ൽ ആ​ദ്യ​മാ​യി ജീ​സാ​നി​ൽ മാ​വി​ൻ​തൈ​ക​ൾ പ​രീ​ക്ഷ​ണാ​ർ​ഥം ന​ട്ടു​തു​ട​ങ്ങു​ന്ന​ത്. അ​തി​ൽ വി​ജ​യി​ച്ച​തി​നെ തു​ട​ർ​ന്ന് 1983മു​ത​ലാ​ണ് വ്യ​വ​സാ​യി​ക​മാ​യി മാ​വി​ൻ​തോ​ട്ട​ങ്ങ​ളു​ടെ കൃ​ഷി ആ​രം​ഭി​ക്കു​ന്ന​ത്.

ഇ​ന്ത്യ, കെ​നി​യ, ഈ​ജി​പ്ത് എ​ന്നി​വ​ട​ങ്ങ​ളി​ൽ നി​ന്നാ​ണ് മാ​വി​ൻ​തൈ​ക​ൾ ഇ​റ​ക്കു​മ​തി ചെ​യ്ത് ന​ട്ടു​പി​ടി​പ്പി​ച്ച​ത്. ഗ​വ​ണ്മെ​ന്റ് സ​ഹാ​യ​ത്തോ​ടെ നി​ല​വി​ൽ ക​ർ​ഷ​ക​ർ 600 ട​ൺ മാ​മ്പ​ഴ​മാ​ണ് മേ​ഖ​ല​യി​ൽ ഉ​ൽ​പാ​ദി​പ്പി​ക്കു​ന്ന​ത്. അ​ടു​ത്ത വ​ർ​ഷ​ത്തോ​ടെ 300 ദ​ശ​ല​ക്ഷം റി​യാ​ലി​ന്റെ ഉ​ൽ​പാ​ദ​ന​മാ​ണ് ല​ക്ഷ്യ​മി​ടു​ന്ന​ത്. പ​വി​ലി​യ​നി​ൽ ദി​വ​സ​വും വി​വി​ധ കാ​ർ​ഷി​ക രീ​തി​ക​ൾ പ​രി​ച​യ​പ്പെ​ടു​ത്തു​ന്ന ക്ലാ​സു​ക​ളും ശി​ൽ​പ​ശാ​ല​ക​ളും ന​ട​ന്നു​വ​രു​ന്നു. ശ​നി​യാ​ഴ്ച പ്ര​ദ​ർ​ശ​നം സ​മാ​പി​ക്കും.