ജോ ജോഷി മെമ്മോറിയൽ പുരസ്കാരം മാനസി മുരളീധരന്

റിയാദ്​: സി.ബി.എസ്​.ഇ 10ാം ക്ലാസ്​ ബോർഡ്​ പരീക്ഷയിൽ റിയാദിൽ ഏറ്റവും ഉയർന്ന മാർക്ക്​ നേടിയ വിദ്യാർഥിക്ക്​​ റിയാദ് ഇന്ത്യൻ മെഡിക്കൽ അസോസിയേഷൻ (ഐ.എം.എ) ഏർപ്പെടുത്തിയ ജോ ജോഷി മെമ്മോറിയൽ പുരസ്കാരം മാനസി മുരളീധരന് സമ്മാനിച്ചു. 25,000 രൂപയും പ്രശംസാഫലകവും സർട്ടിഫിക്കറ്റും അടങ്ങുന്നതാണ് അവാർഡ്.

റിയാദ് ഇൻറർനാഷനൽ ഇന്ത്യൻ സ്​കൂളിലെ വിദ്യാർഥിയാണ്​ മാനസി മുരളീധരൻ. ചടങ്ങിൽ അസോസിയേഷൻ സെക്രട്ടറി ജോസ് ആ​േൻറാ അക്കര വിജയിയെ പരിചയപ്പെടുത്തി. പ്രസിഡൻറ്​ ഡോ. ഹാഷിം പ്രശംസഫലകം സമ്മാനിച്ചു. ഡോ. ജോഷി ജോസഫ് കാഷ്​ ചെക്കും വുമൻസ് വിങ് കൺവീനൽ ഡോ. റീന സുരേഷ് സർട്ടിഫിക്കറ്റും കൈമാറി. ഡോ. ഭരതൻ, ഡോ. റെജി കുര്യൻ എന്നിവർ വിജയിക്ക് ആശംസകൾ നേർന്നു.

രോഗബാധിതനായി റിയാദിൽ നിര്യാതനായ ഡോ. മുകുന്ദനെ ഡോ. അബ്​ദുൽ അസീസ് ചടങ്ങിൽ അനുസ്മരിച്ചു. ഡോ. അനിൽകുമാർ നായിക് നന്ദി പറഞ്ഞു. കോവിഡ് കാലത്തെ പ്രവർത്തനങ്ങളിൽ ശ്ലാഘനീയമായ പ്രവർത്തനം നടത്തിയ ഐ.എം.എയെ വിവിധ ലോക്​സഭ അംഗങ്ങളും എം.എൽ.എമാരും -മെയിൽ സന്ദേശം വഴി അഭിനന്ദിച്ചതായി പ്രസിഡൻറ്​ ഡോ. ഹാഷിം ചടങ്ങിൽ അറിയിച്ചു. ഇന്ത്യൻ എജുക്കേഷൻ ഫോറത്തി​െൻറ പുരസ്കാരം നേടിയ ഡോ. സെബാസ്​റ്റ്യൻ, ഡോ. ഷിജി സജിത്ത് എന്നിവരെ ചടങ്ങിൽ അനുമോദിച്ചു. ഡോ. സുരേഷ്, ഡോ. ബാലകൃഷ്ണൻ, ഡോ. തമ്പി, ഡോ. തമ്പാൻ, ഡോ. സഫീർ, ഡോ. രാജ്ശേഖർ, ഡോ. സജിത്ത്, ഡോ. ഷാനവാസ്, ഡോ. കുമരൻ തുടങ്ങിയവർ ചടങ്ങിൽ പങ്കെടുത്തു.