കണ്ണൂർ സ്വദേശി സൗദിയിൽ മരിച്ചു

റിയാദ്​: രോഗ ബാധിതനായി ചികിത്സയിലായിരുന്ന​ മലയാളി സൗദിയിൽ മരിച്ചു. കണ്ണൂർ ഇരിട്ടി നെല്ലൂന്നി സ്വദേശി കാരൊന്നുമ്മൽ പുതിയപുര അബ്​ദുൽ ഖാദർ (52) ആണ്​ റിയാദിൽ നിന്ന്​ 350 കിലോമീറ്റർ അകലെ ലൈല അഫ്​ലാജിലെ ജനറൽ ആശുപത്രിയിൽ​ മരിച്ചത്​. 

ഇൗ മാസം 17നാണ്​ ആശുപത്രിയിൽ പ്രവേശിപ്പിച്ചത്​. കോവിഡ്​  ലക്ഷണങ്ങളുണ്ടായിരുന്നു. എന്നാൽ പരിശോധനയിൽ പിന്നീട്​ കോവിഡ്​ നെഗറ്റീവാണെന്ന്​ തെളിഞ്ഞു. 20 വർഷമായി സൗദി അറേബ്യയിലുള്ള അബ്​ദുൽ ഖാദർ അഫ്​ ലാജിൽ ഹൗസ്​ ഡ്രൈവറായി ജോലി ചെയ്യുകയായിരുന്നു. 

ഭാര്യ: ഫൗസിയ. മരണാനന്തര നടപടികൾക്കായി ലൈല അഫ്​ലാജ്​ കെ.എം.സി.സി ഭാരവാഹികളായ മുഹമ്മദ്​ രാജ, അഷ്​റഫ്​ പന്നൂർ, നാസർ കൊടുവള്ളി എന്നിവർ രംഗത്തുണ്ട്​.