ജീസാനിൽ മാമ്പഴ മേള തുടങ്ങി

ജീസാൻ: ജിസാനിൽ മാമ്പഴ മേള തുടങ്ങി. 14ാമത്​ മാമ്പഴ മേള മേഖല ഗവർണർ അമീർ മുഹമ്മദ്​ ബിൻ നാസ്വിർ ഉദ്​ഘാടനം ചെയ്​തു​.
‘വേറിട്ട രുചി, പുണ്യമാസത്തിൽ’ എന്ന തലക്കെട്ടിൽ മേഖല ടൂറിസം വികസന കൗൺസിൽ, കൃഷി മന്ത്രാലയം എന്നിവയുടെ മേൽനോട്ടത്തിലും വിവിധ ഗവൺമ​െൻറ്​ സ്വകാര്യ വകുപ്പുകളുടെ പങ്കാളിത്തത്തോടെയുമണ് ഒരുക്കിയിരിക്കുന്നത്​. ഉദ്​ഘാടന ശേഷം ഗവർണർ മേള ചുറ്റിക്കണ്ടു.
മേഖലയിൽ ഉൽപാദിപ്പിച്ച 60 ഒാളം ഇനം മാമ്പഴം പ്രദർശനത്തിനുണ്ട്​. വിവിധ പരമ്പര്യ കലാ സാംസ്​കാരിക പരിപാടികളും വിനോദങ്ങളും മേളയോടനുബന്ധിച്ച്​ ഒരുക്കിയിട്ടുണ്ട്​.