കോവിഡ്​ ബാധിച്ച്​ രണ്ട്​ മലയാളികൾ ദമ്മാമിൽ മരിച്ചു

ദമ്മാം: കോവിഡ്​ ബാധിച്ച്​ രണ്ട്​ മലയാളികൾ ദമ്മാമിൽ മരിച്ചു. തിരുവനന്തപുരം മണക്കാട് സ്വദേശി​ ഫെർഷിൻ കോ​ട്ടേജിൽ ഫാറൂഖ് ​(67), കോഴിക്കോട്​, പെരുമണ്ണ സ്വദേശി തെക്കേപ്പാടത്ത്​ അബ്​ദുൽ ഖാദർ എന്നിവരാണ്​ മരിച്ചത്​. 

42​ വർഷമായി സൗദിയിൽ പ്രവാസിയായ ഫാറൂഖ്​ മുനിസിപ്പാലിറ്റിക്ക്​ കീഴിൽ കൺസ്​ട്രക്​ഷൻ സൂപർവൈസറായിരുന്നു. രണ്ടാഴ്​ച​ മുമ്പ്​ പനിയും ഛർദ്ദിയും പിടിപെട്ടതിനെ തുടർന്ന്​ ദമ്മാം മെഡിക്കൽ കോംപ്ലക്​സിൽ പ്രവേശിപ്പിച്ച ഫാറൂഖിന്​ പിന്നീടുള്ള പരിശോധനയിൽ കോവിഡ്​ സ്​ഥിരീകരിച്ചിരുന്നു. ചികിത്സയിലായിരിക്കേ കഴിഞ്ഞ ദിവസം മരിച്ചു. സാജിദ ഫാറൂഖാണ്​ ഭാര്യ. മക്കൾ: മുഹമ്മദ്​ ഫെർഷിൻ, ഫാത്വിമ ഷഹ്​നാസ്​. മരുമകൻ​ അബ്​ദുൾ ഫത്താഹ്​ സൗദിയിലുണ്ട്​. 

കഴിഞ്ഞ ദിവസം താമസസ്​ഥലത്ത്​ കുഴഞ്ഞു വീണ്​ മരിച്ച അബ്​ദുൽ ഖാദറിന്​ കോവിഡ്​ രോഗലക്ഷണങ്ങളൊന്നും പ്രകടമായിരുന്നില്ല. എന്നാൽ മരണത്തിന്​ ശേഷമാണ്​ കോവിഡ്​ പോസിറ്റീവാണെന്ന​ പരിശോധനാ ഫലം പുറത്തുവന്നത്​. നാല്​ ദിവസം​മുമ്പ്​ സ്വകാര്യ മെഡിക്കൽ സ​​​െൻററിൽ ചികിത്സ തേടുകയും ചെയ്​തിരുന്നു. 

15 വർഷമായി അൽഖോബാറിൽ ഹൗസ്​ ഡ്രൈവറായി ജോലി ചെയ്​തുവരികയായിരുന്നു. ഭാര്യ: സുഹ്​റ. മക്കൾ: അജാസ്​, റാഷിദ്​, ജസ്​ന മുബഷിറ​. ദമ്മാം മെഡിക്കൽ കോംപ്ലക്​സ്​ മോർച്ചറിയിൽ സൂക്ഷിച്ചിരുന്ന ഇരു മൃതദേഹങ്ങളും വെള്ളിയാഴ്​ച ദമ്മാമിൽ ഖബറടക്കി. സാമൂഹിക പ്രവർത്തകൻ നാസ്​ വക്കമാണ്​ ഇതിനുവേണ്ടിയുള്ള നടപടികൾ പൂർത്തീകരിച്ചത്​.