മലയാളി വനിതാ തീർഥാടക മിനയിലെ ആശുപത്രിയിൽ മരിച്ചു

മക്ക: ശ്വാസതടസ്സത്തെ തുടർന്ന്​ ആശുപത്രിയിലായിരുന്ന മലയാളി തീർഥാടക മരിച്ചു. തൃശൂരിൽ നിന്നും സ്വകാര്യ ഗ്രൂപ്പിൽ ഹജ്ജിനെത്തിയ കൊടുങ്ങല്ലൂർ അറകുളം വടക്ക്​ സ്വദേശി പുതുവീട്ടിൽ ഹബീബിന്‍റെ ഭാര്യ സാജിത (52) യാണ് മിനായിലെ ആശുപത്രിയിൽ മരിച്ചത്.

ശ്വാസ തടസ്സം ഉണ്ടായിരുന്ന ഇവർ ആംബുലൻസിൽ മെഡിക്കൽ സഹായത്തോടെയായിരുന്നു അറഫ സംഗമത്തിൽ പ​ങ്കെടുക്കാൻ എത്തിയിരുന്നത്. മിന അൽ ജസർ ആശുപത്രിയിലാണ്​ മരിച്ചത്​. മക്കയിൽ ഖബറടക്കും. ഇബ്രാഹിമാണ്​ പിതാവ്​. മാതാവ്​ നബീസ ഇബ്രാഹിം.