ബി​സി​ന​സ് പ​ങ്കാ​ളി​യാ​ക്കാ​മെ​ന്ന്​ വാ​ഗ്ദാ​നം മ​ല​യാ​ളി അ​ധ്യാ​പ​ക​ന്‍ 10 കോ​ടി രൂ​പ ത​ട്ടി​യെ​ടു​ത്ത്​ മു​ങ്ങി​യെ​ന്ന്​ പ​രാ​തി​

റി​യാ​ദ്: ബി​സി​ന​സ് പ​ങ്കാ​ളി​യാ​ക്കാ​മെ​ന്ന്​ വാ​ഗ്ദാ​നം ന​ൽ​കി റി​യാ​ദി​ലു​ള്ള 80 പേ​രി​ൽ​നി​ന്ന്​ വ​ൻ​തു​ക ത​ട്ടി​യെ​ടു​ത്ത്​ മ​ല​യാ​ളി അ​ധ്യാ​പ​ക​ൻ മു​ങ്ങി​യെ​ന്ന്. റി​യാ​ദി​ലെ സ്വ​കാ​ര്യ സ്‌​കൂ​ളി​ല്‍ അ​ധ്യാ​പ​ക​നാ​യി​രു​ന്ന കോ​ഴി​ക്കോ​ട് പൂ​വാ​ട്ടു​പ​റ​മ്പ് കൊ​ള്ളോ​ള​ത്ത് തി​രു​ത്തി​പ്പ​ള്ളി അ​ല്‍താ​ഫ് ആ​ണ് 10 കോ​ടി രൂ​പ സ​മാ​ഹ​രി​ച്ച്​ മു​ങ്ങി​യ​തെ​ന്ന്​ സു​ഹൃ​ത്തു​ക്ക​ളും സ​ഹ​പ്ര​വ​ര്‍ത്ത​ക​രും വാ​ര്‍ത്ത​സ​മ്മേ​ള​ന​ത്തി​ല്‍ ആ​രോ​പി​ച്ചു.

റി​യാ​ദി​ലെ ഇ​ന്ത്യ​ന്‍ എം​ബ​സി, നോ​ര്‍ക്ക, കേ​ര​ള പൊ​ലീ​സ്​ മേ​ധാ​വി എ​ന്നി​വ​ര്‍ക്ക് പ​രാ​തി ന​ല്‍കി. വി​ഷ​യ​ത്തി​ല്‍ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട് ഇ​ന്ത്യ​ന്‍ എം​ബ​സി നോ​ര്‍ക്ക​ക്ക് ഇ-​മെ​യി​ല്‍ സ​ന്ദേ​ശ​വും അ​യ​ച്ചു.

ആ​റു വ​ര്‍ഷ​ത്തോ​ളം ബി​ന്‍ ലാ​ദി​ന്‍ ക​മ്പ​നി​യി​ല്‍ ജോ​ലി​ചെ​യ്ത ഇ​ദ്ദേ​ഹം മൂ​ന്നു വ​ര്‍ഷ​മാ​യി റി​യാ​ദി​ലെ സ്വ​കാ​ര്യ സ്‌​കൂ​ളി​ല്‍ കെ​മി​സ്ട്രി അ​ധ്യാ​പ​ക​നാ​യി​രു​ന്നു. ബി​ന്‍ലാ​ദി​ന്‍ ക​മ്പ​നി​യി​ലെ സ​ഹ​പ്ര​വ​ര്‍ത്ത​ക​രു​മാ​യി ന​ല്ല ബ​ന്ധം കാ​ത്തു​സൂ​ക്ഷി​ച്ച ഇ​യാ​ള്‍ അ​വ​രി​ല്‍ പ​ല​രു​ടെ​യും ശ​മ്പ​ള​വും ജോ​ലി​യി​ല്‍നി​ന്ന് പി​രി​യു​മ്പോ​ള്‍ കി​ട്ടു​ന്ന സ​ർ​വി​സ് ആ​നു​കൂ​ല്യ​ങ്ങ​ളു​മെ​ല്ലാം ബി​സി​ന​സി​നെ​ന്ന് പ​റ​ഞ്ഞ് കൈ​ക്ക​ലാ​ക്കി.

ഏ​താ​നും ന​ഴ്‌​സു​മാ​ര്‍ ബാ​ങ്കു​ക​ളി​ല്‍നി​ന്ന് വാ​യ്പ​യെ​ടു​ത്ത് ന​ല്‍കി. താ​ന്‍ ന​ല്‍കു​ന്ന ലാ​ഭ​വി​ഹി​ത​ത്തി​ല്‍നി​ന്ന് ലോ​ണ്‍ അ​ട​ച്ചു​തീ​ര്‍ത്താ​ല്‍ മ​തി​യെ​ന്ന് വി​ശ്വ​സി​പ്പി​ച്ചാ​ണ് ലോ​ണെ​ടു​ക്കാ​ന്‍ അ​വ​രെ പ്രേ​രി​പ്പി​ച്ച​ത്.

ദു​ബൈ​യി​ല്‍നി​ന്ന് സൗ​ദി​യി​ലേ​ക്ക് ചോ​ക്ല​റ്റ് ഇ​റ​ക്കു​മ​തി ചെ​യ്യു​ന്ന ബി​സി​ന​സാ​ണെ​ന്നാ​ണ് ചി​ല​രോ​ട് പ​റ​ഞ്ഞ​ത്. മ​റ്റു ചി​ല​രി​ല്‍ ചി​ട്ടി​യെ​ന്ന് വി​ശ്വ​സി​പ്പി​ച്ച് എ​ല്ലാ മാ​സ​വും വ​ന്‍തു​ക വാ​ങ്ങി.

പ​ല​ര്‍ക്കും പ​ല സ​മ​യ​ങ്ങ​ളി​ലും ലാ​ഭ​വി​ഹി​ത​മാ​യി ചെ​റി​യ തു​ക ന​ല്‍കി. നാ​ട്ടി​ലു​ള്ള​വ​രി​ല്‍നി​ന്നും പ​ണം വാ​ങ്ങി​യി​ട്ടു​ണ്ട്. സം​ഘ​ട​ന​ക​ളി​ലോ കൂ​ട്ടാ​യ്മ​ക​ളി​ലോ അം​ഗ​മ​ല്ലാ​ത്ത ഇ​യാ​ള്‍ മാ​ന്യ​മാ​യി പെ​രു​മാ​റി​യാ​ണ് പ​ണം കൈ​പ്പ​റ്റി​യ​ത്. എ​ല്ലാ​വ​രു​മാ​യും ര​ഹ​സ്യ​മാ​യി ഇ​ട​പാ​ട് ന​ട​ത്തി​യ​തി​നാ​ല്‍ പ​ണം കൈ​മാ​റ്റം സു​ഹൃ​ത്തു​ക്ക​ള്‍ പോ​ലും പ​ര​സ്പ​രം അ​റി​ഞ്ഞി​രു​ന്നി​ല്ല.

ബി​സി​ന​സ് പാ​ര്‍ട്ണ​ര്‍മാ​രാ​ണെ​ന്ന് പ​റ​ഞ്ഞു മ​റ്റു​ള്ള​വ​രു​ടെ അ​കൗ​ണ്ടി​ലേ​ക്ക് പ​ണം ട്രാ​ന്‍സ്ഫ​ര്‍ ചെ​യ്യി​ച്ചി​രു​ന്ന ഇ​യാ​ള്‍ ത​ന്‍റെ അ​കൗ​ണ്ട് വി​വ​ര​ങ്ങ​ളും മ​റ​ച്ചു​വെ​ച്ചി​രു​ന്നു.

ക​ഴി​ഞ്ഞ ആ​റു വ​ര്‍ഷ​ത്തി​നി​ടെ പ​ല​ര്‍ക്കും നാ​മ​മാ​ത്ര ലാ​ഭം ന​ല്‍കു​ന്ന​തോ​ടൊ​പ്പം വ​ന്‍തു​ക നി​ക്ഷേ​പം സ്വീ​ക​രി​ക്കു​ക​യും ചെ​യ്തു. എ​ന്നാ​ല്‍ ഈ ​പ​ണം എ​ന്തു​ചെ​യ്തു​വെ​ന്ന് വ്യ​ക്ത​മ​ല്ല. ഇ​ത്ര​യും കാ​ല​ത്തെ സ​മ്പാ​ദ്യ​മാ​ണ് ഇ​യാ​ള്‍ ത​ട്ടി​യെ​ടു​ത്ത​തെ​ന്ന് ഇ​വ​ര്‍ പ​റ​യു​ന്നു.

ഭാ​ര്യ​യു​ടെ ഉ​മ്മ​ക്ക് സു​ഖ​മി​ല്ലെ​ന്നും അ​വ​രെ എ​യ​ര്‍പോ​ര്‍ട്ടി​ല്‍ എ​ത്തി​ച്ച് തി​രി​ച്ചു​വ​രാ​മെ​ന്നും പ​റ​ഞ്ഞ് ഒ​ന്ന​ര​മാ​സം മു​മ്പാ​ണ് റി​യാ​ദി​ൽ​നി​ന്ന് മു​ങ്ങി​യ​ത്. എ​ന്നാ​ല്‍, നാ​ട്ടി​ൽ അ​ന്വേ​ഷി​ച്ച​പ്പോ​ള്‍ അ​ങ്ങ​നെ ആ​ര്‍ക്കും അ​സു​ഖ​മി​ല്ലെ​ന്നും അ​വ​ര്‍ അ​വി​ടെ എ​ത്തി​യി​ട്ടി​ല്ലെ​ന്നും വ്യ​ക്ത​മാ​യി. 13 വ​ര്‍ഷ​മാ​യി ബ​ന്ധ​മി​ല്ലെ​ന്നാ​ണ് വീ​ട്ടു​കാ​ര്‍ പ​റ​യു​ന്ന​തെ​ങ്കി​ലും 2019ല്‍ ​അ​യാ​ളു​ടെ മാ​താ​പി​താ​ക്ക​ള്‍ റി​യാ​ദി​ല്‍ സ​ന്ദ​ര്‍ശ​ക വി​സ​യി​ല്‍ വ​ന്നു താ​മ​സി​ച്ചി​ട്ടു​ണ്ട്.

സ്‌​കൂ​ളി​ല്‍നി​ന്ന് ഒ​രാ​ഴ്ച​ത്തെ ലീ​വെ​ടു​ത്താ​ണ് ഇ​ദ്ദേ​ഹം ഭാ​ര്യ​യെ​യും മ​ക്ക​ളെ​യും കൂ​ട്ടി പോ​യ​ത്. ഇ​ന്ത്യ​യി​ലെ​ത്തി​യി​ട്ടു​ണ്ടെ​ന്ന് എം​ബ​സി അ​റി​യി​ച്ച​താ​യി ത​ട്ടി​പ്പി​നി​ര​യാ​യ​വ​ർ പ​റ​ഞ്ഞു. അ​ൽ​താ​ഫി​ന്‍റെ മാ​താ​പി​താ​ക്ക​ള്‍ താ​മ​സി​ക്കു​ന്ന കോ​ഴി​ക്കോ​ട് പൂ​വാ​ട്ട്പ​റ​മ്പി​ലെ വീ​ട്ടി​ലും ഇ​പ്പോ​ള്‍ താ​മ​സി​ക്കു​ന്ന പു​ളി​ക്ക​ലി​ലെ വീ​ട്ടി​ലും ഇ​തു​വ​രെ എ​ത്തി​യി​ട്ടി​ല്ല. മും​ബൈ​യി​ലു​ണ്ടാ​കാ​നാ​ണ് സാ​ധ്യ​ത​യെ​ന്നും ഇ​വ​ര്‍ പ​റ​യു​ന്നു. സാ​ബി​ര്‍ മു​ഹ​മ്മ​ദ്, അ​ന്‍സ​ല്‍ മു​ഹ​മ്മ​ദ്, സ​മ​ദ് പ​ള്ളി​ക്ക​ല്‍, സ​മീ​ര്‍, സ​ജീ​റു​ദ്ദീ​ന്‍, സ​തീ​ഷ് കു​മാ​ര്‍ എ​ന്നി​വ​ര്‍ വാ​ര്‍ത്ത​സ​മ്മേ​ള​ന​ത്തി​ല്‍ സം​ബ​ന്ധി​ച്ചു.