ഗ്രേ​റ്റ്​ ഇ​ന്ത്യ ഫെ​സ്​​റ്റി​ൽ മ​ല​യാ​ളി കാ​യി​ക​ പ്ര​തി​ഭ​ക​ളെ ആ​ദ​രി​ച്ചു

റി​യാ​ദ്​: കാ​യി​ക​രം​ഗ​ത്തെ നേ​ട്ട​ങ്ങ​ളി​ലൂ​ടെ സൗ​ദി അ​റേ​ബ്യ​യി​ൽ ഇ​ന്ത്യ​ൻ അ​ഭി​മാ​നം ഉ​യ​ർ​ത്തി​പ്പി​ടി​ച്ച മ​ല​യാ​ളി കാ​യി​ക പ്ര​തി​ഭ​ക​ളെ ഗ​ൾ​ഫ്​ മാ​ധ്യ​മം ര​ജ​ത​ജൂ​ബി​ലി ആ​ഘോ​ഷ​മാ​യ ‘​ഗ്രേ​റ്റ്​ ഇ​ന്ത്യ ഫെ​സ്​​റ്റി’​ൽ ആ​ദ​രി​ച്ചു.

സൗ​ദി ദേ​ശീ​യ ഗെ​യിം​സ് ബാ​ഡ്മി​ൻ​റ​ണി​ല്‍ ഹാ​ട്രി​ക് സ്വ​ര്‍ണ മെ​ഡ​ല്‍ നേ​ട്ടം സ്വ​ന്ത​മാ​ക്കി​യ കോ​ഴി​ക്കോ​ട്​ കൊ​ടു​വ​ള്ളി സ്വ​ദേ​ശി​നി ഖ​ദീ​ജ നി​സ, പ്ര​മു​ഖ സൗ​ദി ക്ല​ബ്ബും ലോ​ക സൂ​പ്പ​ർ​താ​രം ക്രി​സ്​​റ്റ്യാ​നോ റൊ​ണാ​ൾ​ഡോ​യു​ടെ സ്വ​ന്തം ടീ​മു​മാ​യ അ​ൽ ന​സ്​​ർ ക്ല​ബി​ലെ ജൂ​നി​യ​ർ ടീ​മി​ലേ​ക്ക്​ ഗോ​ൾ കീ​പ്പ​റാ​യി സെ​ല​ക്ഷ​ൻ നേ​ടി​യ മ​ല​പ്പു​റം ച​ന്ത​പ്പ​റ​മ്പ്​ സ്വ​ദേ​ശി മു​ഹ​മ്മ​ദ്​ റാ​സി​ൻ എ​ന്നി​വ​ർ​ക്ക്​​ ച​ട​ങ്ങി​ൽ മ​ല​യാ​ളി ച​ല​ച്ചി​ത്ര താ​രം കു​ഞ്ചാ​ക്കോ ബോ​ബ​ൻ പ്ര​ശം​സാ​ഫ​ല​കം സ​മ്മാ​നി​ച്ചു. ഗ​ൾ​ഫ്​ മാ​ധ്യ​മം, മാ​ധ്യ​മം സി.​ഇ.​ഒ പി.​എം. സാ​ലി​ഹ്​ ച​ട​ങ്ങി​ൽ സം​ബ​ന്ധി​ച്ചു.

റി​യാ​ദി​ൽ സ്കൂ​ൾ വി​ദ്യാ​ർ​ഥി​യാ​യി​രി​ക്കെ 2022ൽ ​പ്ര​ഥ​മ സൗ​ദി ദേ​ശീ​യ ഗെ​യിം​സി​ൽ ബാ​ഡ്​​മി​ൻ​റ​ൺ സിം​ഗി​ൾ​സി​ൽ ഖ​ദീ​ജ നി​സ സ്വ​ർ​ണ മെ​ഡ​ൽ നേ​ടി​യി​രു​ന്നു. തു​ട​ർ​ച്ച​യാ​യി ഇ​തേ നേ​ട്ടം ആ​വ​ർ​ത്തി​ച്ച​തോ​ടെ ഹാ​ട്രി​ക്​ നേ​ട്ട​ത്തി​െൻറ തി​ള​ക്ക​ത്തി​ലാ​ണ്​ ഈ 19 ​വ​യ​സ്സു​കാ​രി.

ക​ഴി​ഞ്ഞ മൂ​ന്ന്​ വ​ർ​ഷ​ത്തി​നി​ടെ നി​ര​വ​ധി ദേ​ശീ​യ, അ​ന്ത​ർ​ദേ​ശീ​യ ടൂ​ർ​ണ​മെൻറു​ക​ളി​ൽ സൗ​ദി അ​റേ​ബ്യ​യെ പ്ര​തി​നി​ധീ​ക​രി​ച്ച്​ സ്വ​ർ​ണ​മ​ട​ക്കം നി​ര​വ​ധി മെ​ഡ​ലു​ക​ൾ നേ​ടി​യി​ട്ടു​ണ്ട്. ക​ഴി​ഞ്ഞ ഒ​രു വ​ർ​ഷ​ത്തി​നി​ടെ എ​ട്ട്​ അ​ന്ത​ർ ദേ​ശീ​യ മ​ത്സ​ര​ങ്ങ​ളി​ൽ പ​​ങ്കെ​ടു​ത്ത ഖ​ദീ​ജ നി​സ ര​ണ്ട്​ സ​ർ​ണ മെ​ഡ​ൽ ഉ​ൾ​പ്പെ​ടെ 10 മെ​ഡ​ലു​ക​ളാ​ണ്​ നേ​ടി​യ​ത്.

15 രാ​ജ്യ​ങ്ങ​ൾ പ​​ങ്കെ​ടു​ത്ത അ​റ​ബ്​ ജൂ​നി​യ​ർ ആ​ൻ​ഡ്​ സീ​നി​യ​ർ ചാ​മ്പ്യ​ൻ​ഷി​പ്പി​ൽ സൗ​ദി​യെ പ്ര​തി​നി​ധീ​ക​രി​ച്ച്​ മൂ​ന്ന്​ മെ​ഡ​ലു​ക​ളും നേ​ടി. അ​ടു​ത്തി​ടെ റി​യാ​ദി​ൽ ന​ട​ന്ന ജൂ​നി​യ​ർ അ​ണ്ട​ർ 19 ബാ​ഡ്​​മി​ൻ​റ​ൺ കി​ങ്​​ഡം ടൂ​ർ​ണ​മെൻറി​ൽ സിം​ഗി​ൾ​സി​ലും ഡ​ബി​ൾ​സി​ലു​മാ​യി സ്വ​ർ​ണ മെ​ഡ​ലു​ക​ളും സ്വ​ന്ത​മാ​ക്കി.

12 വ​യ​സ്സു​കാ​ര​നാ​യ മു​ഹ​മ്മ​ദ്​ റാ​സി​ൻ നി​ര​വ​ധി മ​ത്സ​ര​ങ്ങ​ളി​ൽ ഗോ​ൾ​കീ​പ്പ​റെ​ന്ന നി​ല​യി​ൽ ശ്ര​ദ്ധേ​യ നേ​ട്ട​ങ്ങ​ൾ സ്വ​ന്ത​മാ​ക്കി​യി​രു​ന്നു. അ​തി​നി​ടെ​യാ​ണ്​ അ​ൽ ന​സ്​​ർ ക്ല​ബി​ലേ​ക്ക്​ സെ​ല​ക്ഷ​ൻ കി​ട്ടി​യ​ത്.