നാട്ടിൽ പോകാനിരിക്കുന്നതിനിടെ മലയാളി റിയാദിൽ കുഴഞ്ഞുവീണ്​ മരിച്ചു

റിയാദ്​: ഈയാഴ്​ച നാട്ടിൽ പോകുന്നതിനുള്ള തയാറെടുപ്പിലായിരുന്ന മലയാളി റിയാദിലെ ജോലിസ്ഥലത്ത് കുഴഞ്ഞുവീണ്​ മരിച്ചു. കൊല്ലം കടയ്​ക്കൽ കിഴക്കുംഭാഗം പള്ളിക്കുന്നുംപുറം സൽമാൻ മൻസിലിൽ മുഹമ്മദ്​ അനസ്​ (43) ആണ്​ മരിച്ചത്​.

ഡ്രൈവറും മേശനുമായി ജോലി ചെയ്​തിരുന്ന ഇദ്ദേഹം ബുധനാഴ്​ച പുലർ​ച്ചെ റിയാദ്​ ശിഫയിലെ ജോലി ​സ്ഥലത്ത്​ വെച്ചാണ്​ കുഴഞ്ഞുവീണത്​. താമസസ്ഥലത്തുനിന്ന്​ പോകു​േമ്പാൾ തന്നെ ചെറിയ നെഞ്ചുവേദന അനുഭവപ്പെട്ടിരുന്നത്രെ.

ഭാര്യ: ഷീജ, മക്കൾ: സൽമാൻ, ഫർഹാൻ, ഇർഫാൻ. സഹോദരങ്ങൾ: താഹിർ, ശറഫുദ്ദീൻ, നിസാം, ഹലീം, നദീറ.

ഹാഇലിൽ ജോലി ചെയ്യുന്ന സഹോദരൻ ഹലീം വിവരമറിഞ്ഞ്​ റിയാദിലെത്തിയിട്ടുണ്ട്​. മൃതദേഹം റിയാദിൽ ഖബറടക്കാൻ അദ്ദേഹത്തോടൊപ്പം കെ.എം.സി.സി സെൻട്രൽ കമ്മിറ്റി വെൽഫെയർ വിങ്​ ചെയർമാൻ സിദ്ദീഖ്​ തുവ്വൂരും സഹപ്രവർത്തകൻ ഉമർ അമാനത്തും രംഗത്തുണ്ട്​.