മലയാളി ഹജ്ജ്​ തീർഥാടക മക്കയിലെ ആശുപത്രിയിൽ മരിച്ചു

മക്ക: അസുഖബാധയെ തുടർന്ന്​ മക്കയിലെ ആശുപത്രിയിൽ ചികിത്സയിലിരുന്ന മലയാളി ഹജ്ജ്​ തീർഥാടക മരിച്ചു. കേരള ഹജ്ജ് കമ്മിറ്റിക്ക്​ കിഴിൽ ഹജ്ജിനെത്തിയ മൂവാറ്റുപുഴ മുഴവൂർ സ്വദേശി എളത്തൂകുടിയിൽ സൈനബ കമറുദ്ദീൻ (56) ആണ്​ മരിച്ചത്​.

കുറച്ചു നാളായി മക്ക കിങ്​ അബ്​ദുല്ല മെഡിക്കൽ സിറ്റി ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. വിവരമറിഞ്ഞ്​ സൗദിയിൽ ജോലി ചെയുന്ന മകൻ മക്കയിൽ എത്തിയിട്ടുണ്ട്. നടപടിക്രമങ്ങൾ പൂർത്തിയാക്കി മക്കയിൽ ഖബറടക്കുമെന്നു സംസ്ഥാന ഹജ്ജ് കമ്മിറ്റി വളൻറിയർ വൈസ് കാപ്റ്റൻ ഗഫൂർ പുന്നാട്​ അറിയിച്ചു.