കോവിഡ്​ ബാധിച്ച്​ മലയാളി സൗദിയിൽ മരിച്ചു

ബുറൈദ: കോവിഡ്​ ബാധിച്ച്​ ചികിത്സയിലായിരുന്ന മലയാളി യുവാവ്​ മരിച്ചു. ഉനൈസയിൽ പച്ചക്കറി വിതരണ കമ്പനിയിൽ ജോലി ചെയ്​തിരുന്ന മലപ്പുറം ചെമ്മാട് സ്വദേശി കുഞ്ഞിമരക്കാരകത്ത് ഷമീർ (38) ആണ്​ മരിച്ചത്​. 13 വർഷമായി സൗദിയിലുണ്ട്. 

അലിപ്പു - റുഖിയ ദമ്പതികളുടെ മകനാണ്. ഭാര്യ: സാബിറ. മക്കൾ: ഹാഫി, ഹിസു. ദമ്മാമിലുള്ള സഹോദരൻ ഷംസു മരണവിവരം അറിഞ്ഞ്​ ഉനൈസയിൽ എത്തിയിട്ടുണ്ട്. ഖബറടക്ക നടപടികൾ പൂർത്തീകരിക്കാൻ ഉനൈസ കെ.എം.സി.സി നേതൃത്വം  നൽകുന്നു.