ദുരൂഹ മരണം: മലയാളിയുടെ മൃതദേഹം അഞ്ച്​ മാസമായി ദമ്മാം സെൻട്രൽ ആശുപത്രിയിൽ

ദമ്മാം: ദുരൂഹ സാഹചര്യത്തിൽ മരിച്ച മലയാളിയുടെ മൃതദേഹം അഞ്ച്​ മാസമായി ദമ്മാമിലെ സെൻട്രൽ ആശുപത്രി മോർച്ചറിയിൽ. തൃശൂർ കുരിയാച്ചിറ സ​​െൻറ്​മേരീസ്​ സ്​ട്രീറ്റിൽ പരേതരായ ലോനപ്പൻ ജോസ്​^റോസ്​ലി ദമ്പതികളുടെ മകൻ ചിറയത്ത്​  ബാബുവാണ്​ (49) 2017 ഒക്​ടോബർ 26^ന്​ മരിച്ചത്​. വീണു പരിക്കേറ്റ നിലയിലായിരുന്നു ഇയാളെ ആശുപത്രിയിൽ പ്രവേശിപ്പിച്ചിരുന്നത്​. മസ്​തിഷ്​ക മരണം സംഭവിച്ച ബാബുവി​​​െൻറ  അവയവങ്ങൾ കുടുംബത്തി​​​െൻറ അനുമതിയോടെ ദാനം ചെയ്​തിരുന്നു. അവയവദാനം കഴിഞ്ഞാൽ സാധാരണ നിയമനടപടികൾ വേഗം പൂർത്തിയാക്കി മൃതദേഹം സർക്കാർ ചെലവിൽ തന്നെ നാട്ടിലയക്കാറാണ്​ പതിവ്​. അവയവ ദാനത്തിന്​  പാരിതോഷികമായി ആശ്രിതർക്ക്​ സൗദി സർക്കാർ 50,000 റിയാൽ നൽകും.  

ബാബുവി​​​െൻറ കാര്യത്തിൽ പക്ഷെ അവയവദാനത്തിന്​ ശേഷം മരണത്തിൽ ദൂരൂഹതയുയർന്നതാണ്​ നിയമനടപടികൾ പൂർത്തിയാവാൻ തടസ്സമായത്​.  പൊലീസി​​​െൻറ സ്​പെഷ്യൽ ടീം നടത്തിയ അന്വേഷണത്തെ തുടർന്ന്​ മൂന്ന്​ പേർ കസ്​റ്റഡിയിലായിരുന്നു. ഇതിൽ ഒരാളെ വിട്ടയച്ചെങ്കിലും രണ്ട്​ പേർ ജയിലിലാണ്​. കേസി​​​െൻറ കൂടുതൽ വിവരങ്ങൾ ഒൗദ്യോഗികമായി പുറത്തു വിട്ടിട്ടില്ല. പൊതുപ്രവർത്തകനായ നാസ്​ വക്കത്തെയാണ്​ വിഷയത്തിൽ ഇടപെടുന്നതിന്​ കുടുംബം ചുമതലപ്പെടുത്തിയിരിക്കുന്നത്​. മൃതദേഹം വിട്ടുകിട്ടുന്നതിനുള്ള നടപടികൾ അവസാനഘട്ടത്തിലാണെന്ന്​ അദ്ദേഹം പറഞ്ഞു. 

ആശ്രിതർക്ക്​ ലഭിക്കേണ്ട 50,000 റിയാലി​​​െൻറ പാരിതോഷികം ജോസ്​ ബാബുവി​​​െൻറ മകളുടെ പേരിൽ അനുവദിച്ചുകിട്ടിയതായും ഉടൻ തന്നെ കുടുംബത്തിന്​ അത്​ ലഭിക്കുമെന്നും ബന്ധ​െപ്പട്ട ഉദ്യോഗസ്​ഥൻ ഷാജു കുന്നത്ത്​ പറഞ്ഞു. അതേ സമയം ബാബുവി​​​െൻറ മൃതദേഹം എന്ന്​ എത്തുമെന്നറിയാതെ  ഭാര്യ മേരി ഷറിൻ, മകൾ ദിയ ബി. റോസ്​ലിൻ എന്നിവർ മനംതകർന്ന്​ കഴിയുകയാണ്​ നാട്ടിൽ. എംബസിയിലേക്കയക്കേണ്ട എല്ലാ രേഖകളും അയച്ചുകൊടുത്തെങ്കിലും അനിശ്​ചിതമായ  കാത്തിരിപ്പിലാണ്​ കുടുംബമെന്ന്​ ബാബുവി​​​െൻറ സഹോദരി ഉഷ പറഞ്ഞു. മൈസൂരിൽ താമസിക്കുന്ന ഉഷയാണ്​ എംബസിയുമായി ബന്ധപ്പെടുന്നത്​. ജോൺസൺ, ഷാജു എന്നീ സഹോദരൻമാരും മരിച്ച ബാബുവിനുണ്ട്​.  നേരത്തെ സൗദിയിലുണ്ടായിരുന്ന ബാബു മരിക്കുന്നതിന്​ ഒരു മാസം മുമ്പാണ്​ ഹൗസ്​ ​ൈഡ്രവർ വിസയിൽ ദമ്മാമിലെത്തിയത്​.