ജിദ്ദയില്‍ മലയാളി യുവാവും പിതൃസഹോദരനും മരിച്ചു

ജിദ്ദ: ഹൃദയാഘാതത്തെ തുടര്‍ന്ന് മലയാളി യുവാവ് മരിച്ചതിന് പിന്നാലെ വിവരമറിഞ്ഞത്തെിയ പിതൃസഹോദരനും കുഴഞ്ഞുവീണ് മരിച്ചു. ജിദ്ദയിലെ ശറഫിയ്യയിലാണ് സംഭവം.  പെരിന്തല്‍മണ്ണ ഉച്ചാരക്കടവ് സ്വദേശി സല്‍മാന്‍ (27), ഉമര്‍ (51) എന്നിവരാണ് ചൊവ്വാഴ്ച മരിച്ചത്. രാവിലെ താമസ സ്ഥലത്തെ ബാത്ത്റൂമിലാണ് സല്‍മാനെ മരിച്ച നിലയില്‍ കണ്ടത്തെിയത്.

ശറഫിയ്യ ‘ഡേ ടു ഡേ’ മാളില്‍ ജോലിക്കാരനാണ്. നിക്കാഹ് കഴിഞ്ഞുതിരിച്ചത്തെിയ സല്‍മാന്‍ വിവാഹ സല്‍ക്കാരത്തിനായി നാട്ടിലേക്ക് പോകാനുള്ള ഒരുക്കത്തിലായിരുന്നുവെന്ന് ബന്ധുക്കള്‍ പറഞ്ഞു. സല്‍മാന്‍െറ മരണ വിവരം അറിഞ്ഞ് ഓടിയത്തെിയതാണ് ശറഫിയ്യയില്‍ തയ്യല്‍ ജോലി ചെയ്യുന്ന ഉച്ചാരക്കടവ് ചക്കുപുരക്കല്‍ ഉമര്‍. സഹോദരപുത്രന്‍െറ മൃതദേഹം കണ്ട ഉടനെ ഉമര്‍ കുഴഞ്ഞുവീഴുകയായിരുന്നു. ഉടനെ ആശുപത്രിയിലത്തെിച്ചെങ്കിലും രക്ഷിക്കാനായില്ല.

ചക്കുപുരക്കല്‍ മാനു എന്ന മുഹമ്മദിന്‍െറയും ജമീല കൈപ്പഞ്ചീരിയുടെയും മകനാണ് സല്‍മാന്‍. ഭാര്യ: ഷെറിന്‍ ഷഹ്്നാസ്. ജിദ്ദയില്‍ ജോലി ചെയ്യുന്ന കുഞ്ഞുട്ടിയും മക്കയില്‍ ജോലി ചെയ്യുന്ന ബഷീറും സഹോദരങ്ങളാണ്.ഉമറിന്‍െറ ഭാര്യ ഹാജിറ. മക്കള്‍: ഫാത്തിമതുന്നജ്്മ, മുഹമ്മദ് നബാന്‍, മുഹമ്മദ് അസ്ലം. ഉമറിന്‍െറ സഹോദരന്മാരായ അലി, അബൂബക്കര്‍ എന്നിവര്‍ ജിദ്ദയിലാണ് ജോലി ചെയ്യുന്നത്. ഇരുവരുടെയും മൃതദേഹം മഹ്ജര്‍ കിങ് അബ്്ദുല്‍ അസീസ് മെഡിക്കല്‍ കോളജ് മോര്‍ച്ചറിയിലേക്ക് മാറ്റിയിട്ടുണ്ട്. നാട്ടിലേക്ക് കൊണ്ടുപോകുമെന്നാണ് വിവരം.