മലയാളി യുവാവ് മോചിതനായി 

റിയാദ്: റെഡ് സിഗ്​നൽ മുറിച്ചുകടന്ന്​ എതിർ ദിശയിലേക്ക്​ ഓടിച്ച് മറ്റ്​ വാഹനങ്ങളുമായി കൂട്ടിയിടച്ച കേസിൽ നാല്​ മാസമായി ജയിലിലായിരുന്ന മലയാളി യുവാവ്​ മോചിതനായി. മലപ്പുറം തിരൂർ സ്വദേശിയായ ഇൗ യുവാവിന്​ തേർഡ് പാർട്ടി ഇൻഷുറൻസ്​ ഉണ്ടായിരുന്നില്ല. അപകടത്തി​​െൻറ പൂർണ ഉത്തരവാദിത്വവും യുവാവി​​െൻറ ചുമലിലായി. അതുകൊണ്ടാണ്​ ജയിലിൽ കഴിയേണ്ടിവന്നത്​. സ്​പോൺസറെയും കൊണ്ട് യാത്ര ചെയ്യുന്നതിനിടയിലാണ് റിയാദ്​ മലസിൽ വെച്ച് അപകടമുണ്ടായത്​. സ്​പോൺസർക്ക് സാരമായ പരുക്കേറ്റു. വാഹനത്തിന്​ 22,000 റിയാലി​െൻറ നഷ്​ടവും സംഭവിച്ചു. ഇതി​​െൻറയെല്ലാം കുറ്റം യുവാവിനായി. 

വാഹനത്തി​​െൻറ നഷ്​ടപരിഹാരവും സ്​പോൺസറുടെ ആശുപത്രി ചെലവും നൽകാതെ മോചനം സാധ്യമല്ലെന്ന വിഷയം കെ.എം.സി.സി മലപ്പുറം ജില്ല വെൽഫെയർ വിങ് പ്രവർത്തകരുടെ ശ്രദ്ധയിൽപെടുകയും സ്​പോൺസറുമായി നിരന്തരം ബന്ധപ്പെട്ട്​ ഒത്തുതീർപ്പ്​ ധാരണയിലെത്തിക്കുകയും ചെയ്​തതുകൊണ്ടാണ്​ നാലുമാസത്തിന്​ ശേഷം മോചനം ലഭിച്ചത്​. വാഹനത്തിനുള്ള നഷ്​ടപരിഹാരം മാത്രം മതിയെന്ന്​ സ്​പോൺസർ സമ്മതിച്ചു. ചികിത്സ ചെലവുൾപ്പെടെയള്ള മറ്റ്​ നഷ്​ടപരിഹാരത്തിന് വേണ്ടി നൽകിയ കേസ്​ പിൻവലക്കാൻ അദ്ദേഹം തയാറായി. തുടർന്ന്​ ജയിൽ മോചിതനായ യുവാവി​​െൻറ പേരിൽ റെഡ് സിഗ്​നൽ മുറിച്ചുകടന്ന കുറ്റത്തിനുള്ള 6,000 റിയാൽ പിഴ കൂടി ബാക്കിയുണ്ട്​. ഇത്​ കൂടി അടച്ചാൽ ത​​െൻറ ചെലവിൽ എക്സിറ്റടിച്ച് നാട്ടിലയക്കാമെന്നും സ്​പോൺസർ ഉറപ്പ് നൽകിയിട്ടുണ്ട്. സൗദിയിലെത്തി ഒരുവർഷമായപ്പോഴേക്കും അപ്രതീക്ഷിതമായി സംഭവിച്ച തെറ്റി​​െൻറ ആഘാതത്തിലാണ് യുവാവ്​.