കർണാടകയിലെ ഹി​ജാ​ബ് വിലക്കിൽ പ്രതിഷേധവുമായി സൗദിയിൽ മലയാളി സംഘടനകൾ

വി​ധി ദൗ​ർ​ഭാ​ഗ്യ​ക​രം -റി​യാ​ദ് കെ.​എം.​സി.​സി

റി​യാ​ദ്: ഹി​ജാ​ബ് മൗ​ലി​കാ​വ​കാ​ശ​മ​ല്ലെ​ന്ന ക​ർ​ണാ​ട​ക ഹൈ​കോ​ട​തി വി​ധി ഭ​ര​ണ​ഘ​ട​നാ​വി​രു​ദ്ധ​വും ഒ​രു ജ​ന​സ​മൂ​ഹ​ത്തെ ഒ​ന്ന​ട​ങ്കം പൊ​തു​ധാ​ര​യി​ൽ​നി​ന്ന് അ​ക​റ്റാ​നു​ള്ള ഗൂ​ഢാ​ലോ​ച​ന​യു​ടെ ഭാ​ഗ​മാ​ണെ​ന്നും റി​യാ​ദ് കെ.​എം.​സി.​സി സെ​ൻ​ട്ര​ൽ ക​മ്മി​റ്റി.

രാ​ജ്യ​ത്തെ സാ​ധാ​ര​ണ പൗ​ര​ന്മാ​രു​ടെ അ​വ​സാ​ന ആ​ശ്ര​യ​മാ​യ കോ​ട​തി​ക​ൾ​പോ​ലും ഫാ​ഷി​സ്റ്റ് സ​ർ​ക്കാ​റി​ന്റെ ച​ട്ടു​ക​ങ്ങ​ളാ​യി നി​ല​കൊ​ള്ളു​ന്ന​ത് തി​ക​ച്ചും ദൗ​ർ​ഭാ​ഗ്യ​ക​ര​മാ​ണ്. മ​ത​പ​ര​മാ​യ വി​ശ്വാ​സ​ത്തി​ന്റെ​യും അ​നു​ഷ്ഠാ​ന​ങ്ങ​ളു​ടെ​യും ഭാ​ഗ​മാ​യ ഹി​ജാ​ബ് വി​ഷ​യം മ​ത​പ​ര​മാ​യ സ്പ​ർ​ധ വ​ള​ർ​ത്താ​നു​ള്ള ചി​ല​രു​ടെ ആ​സൂ​ത്രി​ത ശ്ര​മ​ത്തി​ന്റെ ഭാ​ഗ​മാ​ണെ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു. ഭ​ര​ണ​ഘ​ട​ന അ​നു​വ​ദി​ക്കു​ന്ന വി​ശ്വാ​സ സ്വാ​ത​ന്ത്ര്യ​ത്തി​നെ​തി​രെ​യു​ള്ള ഈ ​നീ​ക്ക​ത്തി​നെ​തി​രെ മ​തേ​ത​ര സ​മൂ​ഹം ഒ​ന്നി​ച്ചു കൈ​കോ​ർ​ക്ക​ണ​മെ​ന്നും റി​യാ​ദി​ലെ പൊ​തു​സ​മൂ​ഹ​ത്തെ പ​ങ്കെ​ടു​പ്പി​ച്ച് വി​വി​ധ കാ​മ്പ​യി​നു​ക​ൾ സം​ഘ​ടി​പ്പി​ക്കു​മെ​ന്നും റി​യാ​ദ് സെ​ൻ​ട്ര​ൽ ക​മ്മി​റ്റി വാ​ർ​ത്ത​ക്കു​റി​പ്പി​ലൂ​ടെ അ​റി​യി​ച്ചു.

മതസ്വാതന്ത്ര്യത്തിനും പൗരാവകാശത്തിനും നേരെയുള്ള വെല്ലുവിളി -തനിമ സാംസ്കാരികവേദി

ദ​മ്മാം: വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ യൂ​നി​ഫോ​മി​ന്റെ മ​റ​വി​ൽ ക​ർ​ണാ​ട​ക സ​ർ​ക്കാ​ർ ന​ട​പ്പാ​ക്കി​യ ശി​രോ​വ​സ്ത്ര നി​രോ​ധ​നം ക​ർ​ണാ​ട​ക ഹൈ​കോ​ട​തി ശ​രി​വെ​ച്ച ന​ട​പ​ടി ഭ​ര​ണ​ഘ​ട​ന അ​നു​വ​ദി​ക്കു​ന്ന വ്യ​ക്തി​സ്വാ​ത​ന്ത്ര്യ​ത്തി​നും മ​ത​സ്വാ​ത​ന്ത്ര്യ​ത്തി​നു​മെ​തി​രെ​യു​ള്ള വെ​ല്ലു​വി​ളി​യാ​ണെ​ന്ന് ത​നി​മ സാം​സ്കാ​രി​ക​വേ​ദി കേ​ന്ദ്ര സെ​ക്ര​​ട്ടേ​റി​യ​റ്റ്. സ​ർ​ക്കാ​റും കോ​ട​തി​യും മ​ത​ഗ്ര​ന്ഥ​ങ്ങ​ളും മ​ത​നി​യ​മ​ങ്ങ​ളും വ്യാ​ഖ്യാ​നി​ക്കു​ന്ന പ്ര​വ​ണ​ത ഇ​ന്ത്യ​യു​ടെ മ​തേ​ത​ര സ്വ​ഭാ​വ​ത്തെ​ത​ന്നെ ത​ക​ർ​ക്കു​ന്ന ദൂ​ര​വ്യാ​പ​ക​മാ​യ പ്ര​ത്യാ​ഘാ​ത​ങ്ങ​ൾ​ക്ക് ഇ​ട​വ​രു​ത്തും. മ​നു​ഷ്യ​ജീ​വി​ത​ത്തി​ന്റെ മു​ഴു​വ​ൻ മേ​ഖ​ല​ക​ളി​ലും അ​ടി​സ്ഥാ​ന നി​യ​മ​നി​ർ​ദേ​ശ​ങ്ങ​ൾ ന​ൽ​കു​ന്ന ഇ​സ്‍ലാം വി​ശ്വാ​സി​ക​ളു​ടെ വ​സ്ത്ര​ധാ​ര​ണ​ത്തി​ലും കൃ​ത്യ​മാ​യ നി​ർ​ദേ​ശ​ങ്ങ​ൾ ന​ൽ​കു​ന്നു​ണ്ട്.

ഹി​ജാ​ബ് അ​തി​ന്റെ ഭാ​ഗ​മാ​ണ്. കോ​ട​തി അ​ത് പ​രി​ഗ​ണി​ക്കാ​തി​രി​ക്കു​ക​യും ഭ​ര​ണ​കൂ​ട​ത്തി​ന്റെ നി​ല​പാ​ടി​നെ ശ​രി​വെ​ക്കു​ക​യു​മാ​ണ് ചെ​യ്ത​ത്. പൗ​ര​ന്റെ അ​വ​സാ​ന​ത്തെ അ​ത്താ​ണി​യാ​യ കോ​ട​തി​യി​ൽ​നി​ന്ന് നീ​തി ല​ഭി​ക്കു​ന്നി​ല്ലെ​ന്ന തോ​ന്ന​ൽ ഉ​ണ്ടാ​കു​ന്ന​ത് സ​മൂ​ഹ​ത്തി​ൽ അ​ര​ക്ഷി​താ​വ​സ്ഥ വ​ള​ർ​ത്തു​ക​യാ​ണ് ചെ​യ്യു​ക. സം​ഘ്പ​രി​വാ​ർ ശ​ക്തി​ക​ളു​ടെ വ​ർ​ഗീ​യ അ​ജ​ണ്ട​ക്ക് ശ​ക്തി​പ​ക​രു​ന്ന വി​ധി​ക്കെ​തി​രെ പ​ര​മോ​ന്ന​ത നീ​തി​പീ​ഠ​ത്തി​ൽ​നി​ന്ന് നീ​തി ല​ഭി​ക്കു​മെ​ന്ന പ്ര​തീ​ക്ഷ​യോ​ടെ ബ​ന്ധ​പ്പെ​ട്ട ക​ക്ഷി​ക​ൾ തു​ട​രു​ന്ന നി​യ​മ​ന​ട​പ​ടി​ക​ളെ പി​ന്തു​ണ​ക്കു​ന്ന​താ​യും ത​നി​മ സാം​സ്കാ​രി​ക​വേ​ദി കേ​ന്ദ്ര സെ​ക്ര​ട്ടേ​റി​യ​റ്റ് അ​റി​യി​ച്ചു.

മൗ​ലി​കാ​വ​കാ​ശ​ലം​ഘ​നം -സൗ​ദി ഇ​ന്ത്യ​ൻ ഇ​സ്‍ലാ​ഹി സെ​ന്റ​ർ

ജി​ദ്ദ: മു​സ്‍ലിം സ്ത്രീ​ക്ക് ത​ല മ​റ​യ്ക്ക​ൽ ഇ​സ്‌​ലാ​മി​ൽ നി​ർ​ബ​ന്ധ​മു​ള്ള കാ​ര്യ​മ​ല്ലെ​ന്ന ക​ർ​ണാ​ട​ക ഹൈ​കോ​ട​തി​യു​ടെ വി​ധി മൗ​ലി​കാ​വ​കാ​ശ​ലം​ഘ​ന​വും ഭ​ര​ണ​ഘ​ട​നാ​വി​രു​ദ്ധ​വു​മാ​ണെ​ന്ന് സൗ​ദി ഇ​ന്ത്യ​ൻ ഇ​സ്‍ലാ​ഹി സെ​ന്റ​ർ. മു​സ്‍ലിം സ്ത്രീ​യു​ടെ ത​ല​മ​റ​യ്ക്കാ​ൻ വി​ശു​ദ്ധ ഖു​ർ​ആ​നി​ലെ വ​ച​ന​ങ്ങ​ൾ വി​ശ​ദീ​ക​രി​ച്ചു​കൊ​ണ്ടു​ള്ള പ്ര​വാ​ച​ക ക​ൽ​പ​ന​യു​ള്ള​തി​നാ​ൽ അ​ത​നു​വ​ർ​ത്തി​ക്കേ​ണ്ട​ത് ഓ​രോ മു​സ്‍ലിം സ്ത്രീ​യു​ടെ​യും ബാ​ധ്യ​ത​യാ​ണ്.

ഇ​തി​ന്റെ മ​ത​വി​ധി ചി​ക​യ​ല​ല്ല കോ​ട​തി​യു​ടെ ജോ​ലി, മ​റി​ച്ച്, രാ​ജ്യ​ത്തി​ന്റെ ഭ​ര​ണ​ഘ​ട​ന ഓ​രോ പൗ​ര​നും ഉ​റ​പ്പു​ന​ൽ​കു​ന്ന വ്യ​ക്തി​സ്വാ​ത​ന്ത്ര്യ​ത്തി​ന്റെ​യും വി​ശ്വാ​സ സ്വാ​ത​ന്ത്ര്യ​ത്തി​ന്റെ​യും അ​വ​കാ​ശ​ങ്ങ​ൾ നി​ല​നി​ർ​ത്താ​നു​ള്ള ഉ​റ​പ്പു​ന​ൽ​കു​ക​യെ​ന്ന​താ​ണ് പൗ​ര​ന്റെ അ​വ​സാ​ന ആ​ശ്ര​യ​മാ​യ നീ​തി​പീ​ഠം നി​ർ​വ​ഹി​ക്കേ​ണ്ട​ത്. എ​ന്നാ​ൽ, ഭ​ര​ണ​കൂ​ട​വും നീ​തി​ന്യാ​യ​വ്യ​വ​സ്ഥ​യും മ​ത​വെ​റി​യു​ടെ​യും അ​പ​ര​വ​ത്ക​ര​ണ​ത്തി​ന്റെ​യും വി​ഷ​വി​ത്ത് വി​ത​ക്കു​ന്ന​വ​ർ​ക്ക്‌ അ​നു​കൂ​ല​മാ​യാ​ൽ പ​ര​മോ​ന്ന​ത നീ​തി​പീ​ഠ​ങ്ങ​ളി​ലു​ള്ള വി​ശ്വാ​സം ന​ഷ്ട​പ്പെ​ടു​ത്താ​നേ ഇ​ത്ത​രം വി​ധി​ക​ൾ ഉ​പ​ക​രി​ക്കു​ക​യു​ള്ളൂ​വെ​ന്നും സൗ​ദി ഇ​ന്ത്യ​ൻ ഇ​സ്‍ലാ​ഹി സെ​ന്റ​ർ നാ​ഷ​ന​ൽ ക​മ്മി​റ്റി അ​ഭി​പ്രാ​യ​പ്പെ​ട്ടു.

ഭരണഘടനാ സ്വാതന്ത്ര്യം ഹനിക്കുന്നത് -സൗദി ഐ.എം.സി.സി

ജിദ്ദ: ഹിജാബ് വിഷയത്തിൽ കർണാടക ഹൈക്കോടതിയിൽ നിന്നുണ്ടായ വിധി രാജ്യത്ത് നിലലിൽക്കുന്ന മതേതര കാഴ്ചപ്പാടിനും അതിലുപരി ഭരണഘടന അനുവദിച്ച മതവിശ്വാസ സ്വാതന്ത്ര്യത്തെ ഹനിക്കുന്നതുമാണെന്ന് ഐ.എം.സി.സി സൗദി കമ്മിറ്റി പ്രസ്താവനയിൽ അറിയിച്ചു. ഇസ്ലാമിക വിശ്വാസപ്രകാരം നിർബന്ധമായും അനുഷ്ഠിക്കേണ്ട ആചാരങ്ങളെയും അനുഷ്ട്ടാനങ്ങളേയും ഇസ്ലാമിക പ്രമാണങ്ങളെ വികലമായി നിരീക്ഷണം നടത്തി ഹിജാബിനെതിരെ പുറപ്പെടുവിച്ച വിധി ഇന്ത്യൻ ഭരണഘടനാ നൽകുന്ന മതസ്വാതന്ത്ര്യത്തെ നിരാകരിക്കുകയാണ്.

ഹിജാബ് സംസ്കാരം ഇന്നേവരെ ഒരു കലാലയത്തിലും യാതൊരു വിധ തർക്കങ്ങൾക്കും വഴിവച്ചില്ലെന്നിരിക്കെ പെട്ടെന്നൊരു നിരോധനം കൊണ്ട് വന്നതിനു പിന്നിൽ സംഘ് പരിവാരങ്ങളുടെ രാജ്യത്തെ സമാധാനം തകർക്കുക എന്ന ലക്ഷ്യമാണ്. നീതി പ്രതീക്ഷിക്കുന്ന കോടതി മുറികളിലും സംഘ് പരിവാറിന്റെ സാന്നിധ്യം ഉറപ്പിക്കുന്നതാണ് ഇപ്പോൾ വന്നിട്ടുള്ള വിധിയും തൊട്ടു മുമ്പ് വന്ന 'കോടതി വിധി വരുന്നതു വരെ ഹിജാബിനുള്ള വിലക്ക് തുടരും' എന്ന വിചിത്രമായ വിധിയും. മതവിശ്വാസങ്ങൾക്കെതിരെയുള്ള ഇത്തരം നീക്കങ്ങൾക്കെതിരെ കോടതിയെ പ്രതീക്ഷയർപ്പിക്കുന്ന മതേതര സമൂഹത്തിനു വലിയ പ്രയാസമുണ്ടാക്കുന്നതാണ് ഹിജാബ് വിഷയത്തിലെ കർണാടക ഹൈക്കോടതി വിധിയെന്ന് സൗദി ഐ.എം.സി.സി അഭിപ്രായപ്പെട്ടു.

കോ​ട​തി​ക​ൾ വി​ധി​പ​റ​യേ​ണ്ട​ത് ഭ​ര​ണ​ഘ​ട​ന അ​ടി​സ്ഥാ​ന​മാ​ക്കി -ദ​മ്മാം ഇ​ന്ത്യ​ൻ സോ​ഷ്യ​ൽ ഫോ​റം

ദ​മ്മാം: ഇ​ന്ത്യ​യി​ൽ ഓ​രോ പൗ​ര​നും അ​വ​ര​വ​രു​ടെ സം​സ്കാ​ര​വും സ്വ​ത്വ​വും സം​ര​ക്ഷി​ക്കാ​ൻ ഭ​ര​ണ​ഘ​ട​ന ന​ൽ​കു​ന്ന അ​വ​കാ​ശം പ​രി​ഗ​ണി​ക്കാ​തെ വി​ധി​പ​റ​യു​ന്ന​ത് ഭ​ര​ണ​ഘ​ട​നാ​ലം​ഘ​ന​മാ​ണെ​ന്ന് ഇ​ന്ത്യ​ൻ സോ​ഷ്യ​ൽ ഫോ​റം കേ​ര​ള സ്റ്റേ​റ്റ് ക​മ്മി​റ്റി.

കോ​ട​തി​ക​ൾ വി​ധി​പ​റ​യേ​ണ്ട​ത് ഭ​ര​ണ​ഘ​ട​ന അ​ടി​സ്ഥാ​ന​മാ​ക്കി​ക്കൊ​ണ്ടാ​യി​രി​ക്ക​ണം. ഭ​ര​ണ​ഘ​ട​ന​യി​ലും നീ​തി​നി​ര്‍വ​ഹ​ണ സം​വി​ധാ​ന​ങ്ങ​ളി​ലും ജ​ന​ങ്ങ​ൾ​ക്കു​ള്ള വി​ശ്വാ​സ​ത്തെ ത​ക​ര്‍ക്കാ​ന്‍ വി​ധി കാ​ര​ണ​മാ​വും. രാ​ജ്യ​ത്തെ അ​ര​ക്ഷി​താ​വ​സ്ഥ​യി​ലേ​ക്കാ​ണ് കൊ​ണ്ടെ​ത്തി​ക്കു​ക. നീ​തി​ന്യാ​യ വ്യ​വ​സ്ഥ​യി​ൽ ജ​ന​ങ്ങ​ൾ​ക്കു​ള്ള വി​ശ്വാ​സ്യ​ത വീ​ണ്ടെ​ടു​ക്കാ​ൻ സു​പ്രീം​കോ​ട​തി വി​ധി തി​രു​ത്തു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ഇ​ന്ത്യ​ൻ സോ​ഷ്യ​ൽ ഫോ​റം കേ​ര​ള സ്റ്റേ​റ്റ് സെ​ക്ര​ട്ട​റി മ​ൻ​സൂ​ർ ആ​ലം​കോ​ട് പ്ര​സ്‍താ​വ​ന​യി​ൽ പ​റ​ഞ്ഞു.