സൗദിയില്‍ മലയാളി  മരിച്ചിട്ട്​ 43 ദിവസം: മൃതദേഹം നാട്ടിൽ അയക്കാനായില്ല

റിയാദ്​: ജോലി ചെയ്​ത കമ്പനിയിൽ നിന്ന്​ ശമ്പളവും ആനുകൂല്യങ്ങളും കിട്ടാനുള്ളതി​​​െൻറ പേരിൽ മലയാളിയുടെ മൃതദേഹം 43 ദിവസമായി മോർച്ചറിയിൽ. കൊല്ലം മാങ്ങാട്​ സിയോണിൽ ആൻറണി ആൽബർട്ടി​​​െൻറ ( 53) മൃതദേഹമാണ്​ ദമ്മാമിലെ ആശുപത്രി മോർച്ചറിയിൽ അനിശ്​ചിതാവസ്​ഥയിൽ കഴിയുന്നത്​. അൽഖോബാറിലെ സ്വകാര്യ കമ്പനിയിൽ ജീവനക്കാരനായ ആൻറണി ആൽബർട്ട്​ കഴിഞ്ഞ മെയ്​ 22^നാണ്​ ഹൃദയാഘാതം മൂലം മരിച്ചത്​. കമ്പനിയിൽ വെൽഡറായി ജോലിനോക്കിയിരുന്ന ആൻറണിക്ക്​ 13 മാസത്തെ ശമ്പള കുടിശ്ശികയും 28 വർഷത്തെ സർവീസ്​ മണിയും കിട്ടാനുണ്ട്​. ഏകദേശം 80.000 സൗദി റിയാൽ (14.40,000 രൂപ) കമ്പനിയിൽ നിന്ന്​ കിട്ടാനുണ്ട്​.

സൗദി നിയമമനുസരിച്ച്​ മരിച്ചയാളുടെ എല്ലാ ബാധ്യതകളും തീർത്താലേ മൃതദേഹത്തിന്​ എക്​സിറ്റ്​ ലഭിക്കൂ. കമ്പനി ഇയാളുടെ കുടിശ്ശിക തീർക്കുന്നതിൽ കാലതാമസം വരുത്തുന്നതോടെ മൃതദേഹം നാട്ടിലേക്ക്​ കൊണ്ടുപോകാൻ കഴിയാത്ത അവസ്​ഥയാണ്​. ആൻറണി ആൽബർട്ടി​​​െൻറ സഹോദരൻ ഇതു സംബന്ധിച്ച്​ മുഖ്യമന്ത്രി, നിയമ സഭാസ്​പീക്കർ, നോർക്ക, ഇന്ത്യൻ എംബസി, കേന്ദ്ര വിദേശകാര്യ സഹമന്ത്രി വി.കെ സിങ്​ തുടങ്ങിയവർക്ക്​ പരാതി നൽകിയിട്ടുണ്ട്​. ഡത്ത്​ സർട്ടിഫിക്കറ്റ്​ ലഭിക്കുന്ന നടപടികൾ പൂർത്തിയായിട്ടുണ്ട്​  മറ്റ്​ കാര്യങ്ങൾ നടന്നിട്ടില്ലെന്നാണ്​ എംബസിയിൽ നിന്ന്​ അറിയിച്ചതെന്ന്​ റിയാദിലുള്ള സഹോദരൻ പി.ടി റജിമോൻ പറഞ്ഞു.

എംബസിയും കേന്ദ്ര^കേരള സർക്കാറുകളും വിഷയത്തിൽ കുടുതൽ ഗൗരവത്തോടെ ഇടപെട്ടില്ലെങ്കിൽ മൃതദേഹം നാട്ടിലയക്കുന്നതിനുള്ള നടപടി ഇനിയും അനിശ്​ചിതമായി നീളുമെന്നതാണവസ്​ഥ.അതിനിടെ കമ്പനിയിലെ ഒരു മലയാളി ഉദ്യോഗസ്​ഥൻ കുടുംബത്തെ സമീപിച്ച്​ ശമ്പളവും ആനുകൂല്യങ്ങളും കിട്ടി എന്ന്​ സത്യവാങ്മുലം നൽകാൻ ആവശ്യപ്പെട്ടിരുന്നു. 

പണം പിന്നീട്​ ലഭിക്കുമെന്നും തൽകാലം സത്യവാങ്​മൂലം ലഭിച്ചാൽ മൃതദേഹം നാട്ടിലയക്കുന്ന കാര്യങ്ങൾ നടക്കുമെന്നുമാണ്​ ഉദ്യോഗസ്​ഥൻ അറിയിച്ചത്​. പക്ഷെ ഇങ്ങനെ ഒരു രേഖയിൽ ഒപ്പിട്ടുകൊടുത്താൽ പിന്നെ പണം കിട്ടുമെന്നതിന്​ യാതൊരുറപ്പുമില്ലെന്നാണ്​ കുടുംബത്തി​​​െൻറ ആശങ്ക. ഭാര്യയും  പ്രായപൂർത്തിയാവാത്ത രണ്ട്​ മക്കളുമാണ്​ മരിച്ച ആൻറണി ആൽബർട്ടി​​​െൻറ ആശ്രിതർ. നാട്ടിൽ ലീവിന്​ പോവാൻ ഒരാഴ്​ചയുള്ളപ്പോഴാണ്​ ഇയാൾ മരിച്ചത്​.