മലയാളി യുവതി ജിദ്ദയിൽ മരിച്ചു

ജിദ്ദ: മലപ്പുറം പെരിന്തല്‍മണ്ണ സ്വദേശി അബ്ദുല്‍ ഹമീദി​െൻറ ഭാര്യ നൗറിൻ (30) ജിദ്ദയിലെ താമസ സ്ഥലത്ത് മരിച്ച നിലയിൽ കണ്ടെത്തി. ഹൃദയാഘാതമാണെന്ന് കരുതുന്നു. ജിദ്ദയിലെ കിങ് അബ്ദുല്‍ അസീസ് യൂണിവേഴ്‌സിറ്റി ആശുപത്രിയില്‍ റേഡിയോ തെറാപ്പിസ്റ്റ് ടെക്നീഷ്യനായി ജോലി ചെയ്യുന്ന ഹമീദ് രാവിലെ ജോലിക്ക് പോകുമ്പോൾ ഭാര്യ ഉറക്കത്തിലായിരുന്നു.

അഞ്ച് വയസ്സുള്ള മകള്‍ മെഹറിൻ രാവിലെ സ്‌ക്കൂളില്‍ എത്തിയിട്ടില്ലെന്ന സന്ദേശം ലഭിച്ചതിനെ തുടർന്ന് അന്വേഷണത്തിനായി ഹമീദ് താമസ സ്ഥലത്തെത്തിയപ്പോഴാണ് ഭാര്യയെ മരിച്ച നിലയിൽ കണ്ടെത്തിയത്.