സൗദി സ്ഥാപക ദിനത്തിൽ സ്വദേശികൾക്കൊപ്പം നൃത്തച്ച​ുവടുകൾ വെച്ച്​ മലയാളി ബാലിക

ബുറൈദ: സൗദി സ്ഥാപക ദിനാചരണത്തിനിടെ ബുറൈദയിൽ നൃത്തം വെച്ച മലയാളി ബാലിക സ്വദേശികളുടെയും കാണികളായ പ്രവാസികളുടെയും മനം കവർന്നു. ബുറൈദയിൽ ട്രാവൽ ഓഫിസ് നടത്തുന്ന കൊല്ലം കൂട്ടിക്കട സ്വദേശി സയ്യിദ് ഇഖ്ബാൽ ലിബാസി​െൻറ മകൾ ഇശൽ മർയം എന്ന അഞ്ച് വയസുകാരിയാണ് സ്വദേശികൾക്കൊപ്പം നൃത്തം വെച്ചത്.

മാതാപിതാക്കൾക്കൊപ്പം സ്വദേശികളുടെ പാരമ്പര്യ നൃത്തം കണ്ടുനിന്ന ഇശാൽ അതിൽ ആകൃഷ്​ടയായി അവരോടൊപ്പം നൃത്തം ചെയ്യുകയായിരുന്നു. പരിപാടിയുടെ സമാപനത്തിൽ കുട്ടിയുടെ പിതാവിനെയും സഹോദരൻ ഒരു വയസുള്ള ലാഇക്ക് സെയ്യിദിനെയും സംഘാടകർ വേദിയിൽ വിളിച്ച് അഭിനന്ദിച്ചു.