‘മലയാളം ന്യൂസ്’ മുൻ എഡിറ്റർ ഫാറൂഖ് ലുഖ്മാൻ അന്തരിച്ചു

ജിദ്ദ: സൗദി അറേബ്യ ആസ്​ഥാനമായ ‘മലയാളം ന്യൂസ്’ ദിനപ്പത്രം എഡിറ്റർ ഇൻ ചീഫും മധ്യ പൗരസ്ത്യ ദേശത്തെ പ്രമുഖ മാധ്യമ പ്രവർത്തകനും ഗ്രന്ഥകാരനുമായ​ ഫാറൂഖ് ലുഖ്മാൻ (80) നിര്യാതനായി. അസുഖബാധിതനായി വിശ്രമത്തിലായിരുന്നു. ശനിയാഴ്​ച ഉച ്ചക്ക്​ 11.30 ഒാടെയാണ്​ മരണം. ഖബറടക്കം ശനിയാഴ്​ച രാത്രി 7.30 ഒാടെ​ ജിദ്ദ റുവൈസ് ​ഖബർസ്​ഥാനിൽ.

മുംബൈ സ​െൻറ്​ സേവ് യേഴ്‌സ് കോളജിൽനിന്ന് ബിരുദവും അമേരിക്കയിലെ കൊളംബിയ സർവകലാശാലയിൽനിന്ന് പത്രപ്രവർത്തനത്തിൽ ബിരുദാനന്തര ബിരുദവും നേടിയ ഫാറൂഖ് ലുഖ്മാൻ അറബിക്​ ദിനപ്പത്രമായ ഫത്​ഹുൽ ജസീറയുടേയും ഇംഗ്ലീഷ് വാരികയായ ഏദൻ ക്രോണിക്കിളി​​െൻറയും എഡിറ്റർ പദവിയാണ് ആദ്യമായി ഏറ്റെടുത്തത്.

ഡെയ്‌ലി മെയിൽ, ഫിനാൻഷ്യൽ ടൈംസ്, ന്യൂയോർക്ക് ടൈംസ്, ന്യൂസ് വീക്ക് എന്നിവയുടെ ലേഖകനായും പ്രവർത്തിച്ചു. 1975ൽ ജിദ്ദയിലെത്തി അറബ് ന്യൂസി​​െൻറ പ്രഥമ മാനേജിങ്​ എഡിറ്ററായി ചുമതലയേറ്റു. അറബ് ന്യൂസി​​െൻറ മുഖ്യ പത്രാധിപസ്ഥാനത്തേക്കു വരുന്നതിനുമുമ്പ് അറബ് ലോകത്തെ പ്രഥമ സാമ്പത്തികകാര്യ ദിനപ്പത്രമായ ഇഖ്തിസാദിയയുടെ മാനേജിങ്​ എഡിറ്ററായും പ്രവർത്തിച്ചു. മലയാളം ന്യൂസിനു പുറമെ ഉർദു ന്യൂസ്, ഉർദു മാഗസിൻ എന്നിവയുടെയും മുഖ്യപത്രാധിപ സ്ഥാനം അലങ്കരിച്ചിരുന്നു.

അറബിയിൽ മാത്രം അയ്യായിരത്തിൽ പരം ലേഖനങ്ങൾ പ്രസിദ്ധീകരിച്ചിട്ടുണ്ട്​. അറബിയിലും ഇംഗ്ലീഷിലുമായി നിരവധി പുസ്തകങ്ങൾ പ്രസിദ്ധീകരിച്ചിട്ടുണ്ട്. ഇവയിൽ ഇന്ത്യയെക്കുറിച്ചു മാത്രം നൂറിൽപരം ലേഖനങ്ങളുണ്ട്.
മക്കൾ: വാഹി ലുഖ്മാൻ (ജിദ്ദ കിങ്​ അബ്​ദുൽ അസീസ് യൂനിവേഴ്‌സിറ്റി അധ്യാപിക)​ , ദാഫർ ലുഖ്മാൻ , അബ്​ദുല്ല, മാഹിർ ലുഖ്മാൻ (മൂവരും യു.എ.ഇ), യുംന്.