മലപ്പുറം സ്വദേശി റിയാദിൽ ഹൃദയാഘാതം മൂലം മരിച്ചു

റിയാദ്: മലപ്പുറം താനാളൂർ മീനടത്തൂർ അണ്ണച്ചംപള്ളി വീട്ടിൽ ഷെബീബ്​ റഹ്​മാൻ (44) റിയാദിൽ ഹൃദയാഘാതം മൂലം മരിച്ചു. നെഞ്ചുവേദനയെ തുടർന്ന്​ എക്സിറ്റ് ഒമ്പതിലെ ആസ്​റ്റർ സനദ് ആശുപത്രിയിൽ എത്തിച്ചെങ്കിലും മരിക്കുകയായിരുന്നു. പിതാവ്: ബീരാൻ കുട്ടി. മാതാവ്: ഫാത്തിമ. ഭാര്യ: ഹഫീസ. മക്കൾ: മുഹമ്മദ്‌ സൈൻ, മുഹമ്മദ്‌ ഐസാം, ഫാത്തിമാ ശാദിയ, ഫാത്തിമാ ദിയ.

മൃതദേഹം നാട്ടിലേക്ക് കൊണ്ടുപോകും. അതിനുള്ള രേഖകൾ ശരിയാക്കാൻ റിയാദ് കെ.എം.സി.സി മലപ്പുറം ജില്ല വെൽഫെയർ വിങ്​ ചെയർമാൻ റഫീഖ് ചെറുമുക്ക്, ജനറൽ കൺവീനർ റിയാസ് തിരൂർക്കാട്, നൗഫൽ തിരൂർ, ജാഫർ വീമ്പൂർ എന്നിവരുടെ നേതൃത്വത്തിൽ നടപടിക്രമങ്ങൾ പുരോഗമിക്കുന്നു.