മലപ്പുറം സ്വദേശിയായ യുവാവ് ജിദ്ദയിൽ മരിച്ചു

ജിദ്ദ: മലപ്പുറം സ്വദേശിയായ യുവാവ് ജിദ്ദയിൽ മരിച്ചു. പെരിന്തൽമണ്ണ വെട്ടത്തൂർ ഹൈസ്‌കൂളിന് സമീപം ചെമ്പൻ മുഹമ്മദിന്റെ മകൻ മുഹമ്മദ് സൈഫുദ്ദീൻ (27) ആണ് മരിച്ചത്. ഒരാഴ്ചയായി ജിദ്ദയിലെ അൽ സഹ്റ ആശുപത്രിയിൽ ചികിത്സയിലായിരുന്നു.

ജിദ്ദയിൽ യമാനി ബേക്കറിയില്‍ ജീവനക്കാരനായിരുന്ന ഇദ്ദേഹം പ്രധാന ഫുട്ബാൾ ക്ലബ്ബായ ബ്ലാസ്റ്റേഴ്‌സ് എഫ്.സിയിലെ കളിക്കാരൻ കൂടിയാണ്. മാതാവ്: കുഞ്ഞീവി വെള്ളപ്പുള്ളി. സഹോദരങ്ങള്‍: ബഷീർ, മൻസൂർ, റൈഹാനത്ത്, അബ്ദുൽ ഷുക്കൂർ, സെലീന, മുജീബ് റഹ്‌മാൻ, നുസ്രത് അലി. നടപടിക്രമങ്ങൾ പൂർത്തിയാക്കി മൃതദേഹം നാട്ടിലെത്തിച്ച് ഖബറടക്കുമെന്ന് ബന്ധപ്പെട്ടവർ അറിയിച്ചു.