കോവിഡ് ബാധിച്ച് മലപ്പുറം സ്വദേശി ദമ്മാമിൽ മരിച്ചു

ദമ്മാം: കോവിഡ്​ ബാധിച്ച്​ ചികിത്സയിലായിരുന്ന മലപ്പുറം സ്വദേശി ദമ്മാമിൽ മരിച്ചു. കൊണ്ടോട്ടി ഓമാനൂര്‍ സ്വദേശി മങ്ങാട്ടുപറമ്പന്‍ അബ്​ദുൽ ജലീല്‍ (38) ആണ് ദമ്മാം സൗദി ജര്‍മന്‍ ആശുപത്രിയിൽ ശനിയാഴ്​ച രാവിലെ​ മരിച്ചത്​. ദമ്മാമിലെ സ്വീറ്റ് വാട്ടര്‍ കമ്പനിയില്‍ സൂപര്‍വൈസറായിരുന്നു ഇദ്ദേഹം. കടുത്ത പനിയും ചുമയും ശ്വാസ  തടസ്സവുമായി ഒരാഴ്ച മുമ്പാണ്​ ആശുപത്രിയിൽ പ്രവേശിപ്പിച്ചത്​.

പരിശോധനയില്‍ കോവിഡ് പോസിറ്റീവാണെന്ന്​ സ്ഥിരീകരിച്ചിരുന്നു. തീവ്രപരിചരണ വിഭാഗത്തില്‍ വ​​െൻറിലേറ്ററിൽ കഴിയവേ വെള്ളിയാഴ്​ച രാത്രി ആരോഗ്യ നില വഷളായി. കുടുംബം ദമ്മാമിലുണ്ടായിരുന്നു. ഭാര്യ: ഖമറുലൈല. മക്കൾ: മുഹമ്മദ്‌ ഫഹീം, മന്‍ഹ, അയ്മന്‍.

സൗദി ജര്‍മന്‍ ആശുപത്രി മോര്‍ച്ചറിയില്‍ സൂക്ഷിച്ച മൃതദേഹം ഖബറടക്കാനുള്ള നടപടിക്രമങ്ങള്‍ കെ.എം.സി.സി നേതാക്കളായ ആലിക്കുട്ടി ഒളവട്ടൂര്‍, സി.പി. ശരീഫ്, ജൗഹര്‍ കുനിയില്‍, സാമൂഹിക പ്രവര്‍ത്തകന്‍ ജാഫര്‍ കൊണ്ടോട്ടി എന്നിവരുടെ നേതൃത്വത്തില്‍ പുരോഗമിക്കുന്നു.

Latest Video: